Nagsimula ang lahat sa pangpa-prank ng isang pilyang estudyante si Eula sa half-Filipino, half-Icelander na batang propesor na una nitong nakasalamuha sa 7-Eleven. Gamit ang bulgar na salita sa Filipino, sinita niya ang guwapong binatang si Maurr kung sino ang kasama nitong magandang babae. Nauwi ang lahat sa pagsampal niya sa lalaki saka tumakbo siyang tumatawa papunta sa kanyang panghapong klase. Ganoon na lamang ang pagka-shock niya nang mayamaya ay lumitaw din sa classroom nila ang napagkatuwaang binata. At siya'y walang iba kundi si Maurr Reidar Ricci Halvorsen, Ph.D., ang propesor nila sa Math in the Modern World! Nagsimula sa katuwaan, nauwi sa totohanan. Makakayanan kaya ni Eula ang coldness ng kanyang propesor? May laban kaya siya kay Ms. Mary, ang maganada at seksing propesora na may gusto rin sa guwapong Math teacher?