ZEO FREUD

Avery Santiago ay isang babaeng mapagmahal na dalaga. Kahit na inaabuso na siya ay wala siyang pakialam kung hindi ibuhos lahat ang pagmamahal sa taong mahal niya. Kahit na magmukhang tanga na siya at kahit may ebidensiya ay hindi pa rin naghihinala si Avery. Sa mga bagay na halatang meron talagang tinatago ang mga taong malapit sa kanya. Patuloy na nagbubulag-bulagan sa mga bagay na ikakasisira ng relasyon nilang dalawa ng binata. Ang nasa isip ni Avery ay mas mabuting huwag mag-isip ng pagdududa dahil isa rin iyan sa rason na ayawan na siya ng binata. Ginawa nga niya ang lahat para maging sila. Naging tagaluto, tagalaba ng mga damit nito at pumupunta sa condo para ipagluto ang binata. Kung may oras siya ay taga sunod sa kung ano ang gusto ni Zeo. Binigay niya ang lahat para magkatuluyan sila. Marami na ngang nagsasabi sa kanya na para siyang isang katulong, hindi bilang girlfriend na itinuring nito. Wala siyang pakialam sa kung anuman ang sasabihin ng iba sa kanya basta mahal niya ang nobyo niya at mahal din siya nito. Mahal nga ba? Ni minsan hindi narinig ng dalaga na mahal siya ng lalaki, pero hinayaan lang ng dalaga iyon. Nasa isip ng dalaga, kung walang pagtingin ang lalaki sa kanya ‘di sana lumayo na sa kanya si Zeo. Simula’t -sapol hindi siya naghinala sa kung bakit ganoon ang trato sa kanya ng binata.Lubos niyang minahal ang binata na kaya niyang gawin ang lahat para rito, pero sa huli ay niloko lang si Avery. Kahit anong gawin niya na ipakita at iparamdam kay Zeo ay wala pa ring kwenta kung iba naman ang mahal nito. Akala niya mahal siya ni Zeo, pero hindi pala. Ginamit lang siya para mapalapit ito sa bestfriend niya. Pagbalik niya makakaya ba niyang mapatawad at bigyan ng isang pagkakataon ang lalaking nangloko sa kanya?