1
Pumikit si Red, pagkatapos ay isinuot ang sunglasses bago bumaba sa private plane na sinasakyan. Kalalapag lang ng eroplano na pag-aari ng mga Ventura na siyang sinakyan niya. Galing siya sa España at isang linggo pa lang ang nakararaan nang manumpa ulit siya.
Sa panunumpa niyang iyon ay isang desisyon ang isinaalang-alang niya.
Mahirap sa kanya, pero para respeto sa namatay niyang kapatid, gagawin niyang magtiis sa loob ng isang linggo. A bukas, Lunes, ang unang araw niya para pagilan ang nangangating kamay.
But now, I’ll do whatever I like...
Nagpatuloy sa paglalakad si Red.
Hindi lingid sa kaalaman niya na sa bawat paghakbang niya ay nasa kanya ang mga mata ng taong nakakasalubong niya. Pagkatapos ay titingin sa likuran niya at didistansiya.
Nang makita niya ang isang binata na may hawak na camera na nakatutok sa kanya ay ikinumpas niya ang kamay niya. At mula sa likuran ng lalaki ay may sumulpot na isang babae at sa isang kisap-mata ay nawala na sa kamay ng binata ang hawak. Paglingon ng lalaki sa likuran ay wala na roon ang babae.
Nagpatuloy si Red sa paglalakad at nang makalabas sa airport ay agad na sumalubong sa kanya ang McLaren na kulay itim.