1

997 Words
فى سيارة رؤى متجهين نحو حفلة للكنج محمد منير . دار الحديث التالى رؤى: أنا عزماكم على حفلة بقى ..رهيبة مريم: بقولك ايه يا حجة رؤى مش هتذلينا عشان انتى إلى دافعة ? ريم ضاحكة: انتى عازمانا لوجه الله يعنى! ..عشان بتحبي الكنج واخدانا نسليكي. مريم: مش ناقصنا إلا محمود ...مش عزمتيه ليه يا رؤى عشان يعيش اللحظة بيحبك اوى هو ? رؤى: محمود ايه يا بنتى دا بيشتغلنى شايفنى غنية وبنت ناس ...عاوز يعيد قصة انجى وعلى وانا مش انجى بصراحة ? ريم: لا ملكيش حق يا رؤى أنا مامتى دكتورة نفسية وافهم فى الناس حقيقي شكله بيحبك رؤى :غيروا الموضوع بقى .. وشغلت اغنية وعم ال**ت .. _خايف اوعدك ماوفيش اقولك في تلاقي مافيش _ بعد ساعتين من الحفل مريم: أنا اتأخرت اوى لازم اروح رؤى : مش سامعة زعقى على صووتك ريم : مريم لازم تروح هى ساكنة فى حتة شعبية ومينفعش تتأخر . رؤى : خلاص يلا فى السيارة .. يرن هاتف مريم مريم : ايه دا رقم برايڤت رؤى: برايڤت ..وانتى تعرفي مين معاه رقم برايڤت ريم : ردى يا مريم لما نشوف ردت مريم : الو الو مين . ثم غلق الخط ريم بفزع : مالك يا بنتى فى ايه ؟ مريم : صوت مقدرتش اتعرف عليه بيقولى أنا معاكى وبحبك بس انتى مش واخدة بالك منى رؤى : دى اكيد واحدة بتهزر معاكى ريم : واحدة ايه .. دا برايڤت نمبر وصوت واحد مش واحدة مريم : معرفش بس انا خايفة رؤى : بلاش شغل الافلام العربي دا والنبي خلاص قربنا على بيتك نامى واتغطى كويس دا حد بيهزر ينادى والد مريم من بعيد : يلا يامريم حمدالله على السلامه ..اتفضلوا يابنات نعشيكم رد رؤى ومريم : شكرا يا عمو . . . فى السيارة .. ريم : ايه موضوع البرايڤت دا رؤى : يمكن حد بيحبها صحيح ؛ بس جاب رقمها منين انتى عارفها متعرفش حد غيرنا . ريم : مريم طيبة وصعبت عليا ملامحها بتأكد انها خايفة بعد المكالمة اكيد مش هتنام رؤى: بس والدها حنين جدا وطيب راجل بسيط على قد حاله بس محترم وطيب ريم : لازم يكون حنين بنته الوحيدة وعاوز يعوضها عن فقد مامتها الله يرحمها رؤى : ماتيجي نروح الحفلة لسة ساعة وفى مسابقة فى اخر الحفلة هموت واشوفها وابقى اوصلك بيتك لما نخلص ريم : لا يا ستى ميخلصنيش تموتى يلا بينا على الحفلة . . . جلست مريم وحدها فى غرفتها تتفحص هاتفها وتحدث نفسها : يا ترى ايه حكاية المكالمة دى لو ماما كانت عايشة كنت فضفضت معاها ..الله يرحمها... يمكن بيتهيألى مافيش حاجة من الكلام دا أو واحدة بتهزر معايا وعاوزة تشغلنى أو واحد عاوز يتسلى لما اطلع كتاب اذاكر شوية . . مريم ورؤى وريم طالبات فى كلية الآثار جامعة القاهرة . تتميز مريم بجمال رقيق آخاذ ورقة فى الأسلوب بالرغم من كونها فتاة فقيرة .أما ريم فهى تنتمى لأسرة ميسورة الحال والدتها طبيبة نفسية ووالدها جراح .رؤى فتاة أرستقراطية والدها رجل اعمال يعمل في مجال السياحة. . . . فى الجامعة رؤى: ياترى مريم اتأخرت ليه ريم : ربنا يستر ...شكلها خايفة تنزل الجامعة عشان المكالمة الغريبة رؤى : بس اهى جت .. مريم: بنات ..عرفتوا إلى حصل .. محمود انتحر رؤى : انتى بتقولى ايه مش ممكن مريم: قطع شرايينة عاوز ينتحر واخدوه على المستشفى بين الحياة والموت رؤى : ماتيجي نزوره أنا عاوزة اشوفه ريم: انتى حنيتي ولا ايه رؤى : صعبان عليا جدا أنا خايفة اكون انا السبب أنا معاملتى معاه وحشة مريم : بعد المحاضرة هنروح .. بس مش انتى السبب باباه طلق مامته وكان بينهم خناقة كبيرة الشارع كله اتف*ج عليهم . . . فى المستشفى رؤى : مساء الخير يادكتور ممكن اطمن على محمود الدكتور: هيبقى كويس احنا أنقذناه فى الوقت المناسب كلها ساعات ويفوق ..ممكن تدخلوله تحركت الفتيات نحو غرفة محمود والقلق على وجوههم . تبدو رؤى فى حالة من الفزع والقلق ليس لها مثيل؛ استيقظ محمود على صوت حديث والدته مع الفتيات . رؤى : عامل ايه يا محمود طمنا عليك محمود : كويس انتى ايه ال جابك مريم : ايه الكلام دا يا محمود محمود : ياريت تمشوا أنا مش عاوز اشوف حد انسحبت رؤى مسرعة نحو الخارج مريم : أنت ايه ال قولته دا خرجت ريم ومريم خلف رؤى ثم ركبوا معها السيارة مريم : انتى بتعيطى يا رؤى رؤى : أنا مش عارفة بيعمل معايا كده ليه .. مريم : اكيد مش عاوزك تشوفيه كده .. ومعاملتك معاه كانت جافة جدا قبل كده ريم: انتى كنتى شايفة نفسك عليه اوى مريم : اوعى تكونى طبيتي وحبتيه رؤى : أحبه ايه ! صعبان عليا مش اكتر ريم : دموعك بتقول حاجة تانية يرن هاتف مريم .. بس بس دا البرايڤت _ وحشتيني ثم أغلق الخط رؤى : دا مين دا كمان ريم : ماتيجوا نتغدى سوا ماما عاملة اكل يجنن مريم : مقدرش اسيب بابا لوحده . . . فى بيت مريم.. تنظر مريم من الشرفة وتنادى والدها : يلا يا بابا هموت من الجوع _ حاضر يا بنتى ،انا هقوم يا عم محمد وانزلك بعد صلاة العشاء _ روح يا بنى _ اه اه _ مالك يا بنى ... يسقط والد مريم على الأرض مريم تصرخ : بابا ..بابا _ إسعاف بسرعة تتعالى دقات قلب مريم خوفا على والدها ،وتعلو الاصوات بالدعاء يارب ..يارب خرج الطبيب : البقاء لله .. أزمة قلبية مقدرش يستحمل مريم : لا لا سايبنى لمين يا بابا .. واجهشت بالبكاء _ بس يا بنتى ربنا يرحمه كلنا جمبك يابنتي . . . عم السواد البيت وارتدت مريم الاسود للمرة الثانية . كانت ريم ورؤى بجانبها رؤى : تعالى معايا البيت يا مريم . احنا اخوات مينفعش نسيبك لوحدك ريم : أنت اخواتك ولاد يا رؤى وأكبر مننا ومريم هتتحرج منهم .أنا لوحدي واختي الكبيرة اتجوزت واوضتها فاضية . مريم : أنا مش هاسيب بيتى ريم : الناس هنا مش هيسبوكي فى حالك هنبات معاكى الليلة وبكرة تيجي معايا .ماما جهزت الاوضة عشانك ونبقى نيجي كل أسبوع نشوف البيت نبات ليلة مريم : خلاص ماشي . . . خلدت رؤى وريم للنوم أما فن .صارت وحيدة الدموع لم تفارقها ، قطع هذا السكون المخيف رنين الهاتف ،نفس الرقم المجهول _ أنا معاكى يا مريم مش هسيبك مريم: انت مين _ أنا ..
Free reading for new users
Scan code to download app
Facebookexpand_more
  • author-avatar
    Writer
  • chap_listContents
  • likeADD