الفصل الاول من العنيدة والليث

4019 Words
• "اقتباس" كما تمنيت أن احطم تلك الحدود، و اتلذذ مذاق شفتيك واتشمم عبير جسدك ،نعم أنا تلك المهوسة بك انا العاشقة وانا العنيده انا طفلتك التي طالما احببتك و لازال طيفك يأسر روحي ولازال نبره صوتك تمنح لقلبي راعشه دافئة احيا فقط لأجلك ليث، يا ذو الكيان الصارم والقلب القاسي، وبرغم ذلك مازال قلبي ينبض لك. ❤️ ❤️ ❤️ الفصل الاول : في مكان بسيط وسط القاهرة بناية ذات الطراز القديم، في شقه بسيطه جدا تتكون من غرفتين للنوم، وحجره للضيوف، ومطبخ وحمام صغير، وصاله صغيره، ولكن شقه في غايه الجمال . الام :قومي يابنتي بقي اتاخرتي علي الكليه انا كل يوم اقومك متأخر كده نفسي في مره تقومي لوحدك انتي كده مش تلحقي المحاضره. البنت:سبيني ياماما انام شويه . الام تنامي شويه اي الساعة بقت ٨ بتقولي انام شويه انتي عايزه تجنني مش ها تلحقي المحاضرة . حد :لاء يا ماما متقلقيش المحاضرة عليا الساعه عشره. الام : الساعه عشره وبتقولي مقلقش قومي ياوعد عشان تلحقي المحاضره يابنتي علي ماتقومي وتصلي وتلبسي وتفطري هتوصلي علي الضهر . وعد :ياماما بصراحه بقي عليا المعيد الرخم ده ومش عايزه أحضر المحاضره بتاعته سبني بقي يارحومي ونبي . الام : قولي كده بقي ياروح رحومي انك مش عايزه تروحي عشانه ،قومي يابت بلاش كلام فارغ روحي احضري المحاضره وملكيش دعوه بي ،متخليش كلام صحابك يأثر عليكي احضري وحولي انك متتكلميش معه زي مقولتلك قبل كده عشان لو فعلا كلام صحابك عليه صح، لكن مش تهملي دراستك عشان كلام فارغ مش عارفين اذا كان صح ولا لاء . البنت : ماليش مزاج ياماما ، ابقي اخد المحاضرة من ساره . الام :هتقومي ولا اقومك بطريقتي . وعد :لالا خلاص ياماما هقوم اهوه اصلا ليث كل شويه يرن عليا عشان اجهز بدري انا مش عارفه يا رحومي القيها منك ولا منه . الام :القيها منك ولا منه انا كنت فين ساعت مكنتي بتتربي يابت . وعد :كنتي مركزه مع الحج يا جميل . الام :الله يرحمه حبيبي طب يلا قومي يا لمضه علي مجهز الفطار . وعد :حاضر هقوم اصلي ولبس في أقل من دقيقة. الام:اقل من دقيقه يا بكاشه قومي يلا عشان ليث لو وصل وانتي لسه مجهزتيش هيطلع يجيبك من شعرك وانا هبقي بصراحه مبسوطه اوي . البنت: ده العشم برضو يلا عشان انتي اللي بتأخرين اهوه . ذهب الام للمطبخ لتحضير وجبه الفطار "هنا مملكتها الخاصة ،فهي تتميز بطبخ ،كان حلمها أن تصبح طباخة ماهره ومن غيرها يستاهل ذلك ،خلطة استثنائية من المزاقات والروائح، لديها مهاره ،وحبكه في المقادير لصنع اطباق شهيه، وبرغم من ذلك بسبب حبها لزوجها رفضت للتفرغ لبيتها . رحمه (الام):يلا يا وعد حضرت الفطار. وعد:لا ياماما مش هلحق ليث جه تحت وانتي عارفه مش هيسكت وكمان عنده اجتماع في الشركة ولسه ها نعدي علي ساره . رحمه: خلاص خدي اكل ليكي وليهم كلي في العربيه لحد متوصلي . وعد :حاضر ياماما يلا طيب علي ما البس الكاوتش . ذهبت وعد مسرعة لليث . ليث :كل ده انا كده ها تأخر يزفته علي الاجتماع قولتلك متتاخريش لكن طبعا وعد هانم لزم تتأخر متبقاش وعد لو متاخرتش وكمان لسه هنروح لساره نخدها . وعد : متبقاش ليث لو مسمعتنيش الأسطوانة بتاعت كل يوم تعرف انا كنت أتأسف ليك علي التأخير لكن... وليث وبدا علي ملامحه الغضب :لكن اي ؟ وعد:لكن بنعتذر علي التأخير ساعتك . ليث بنظره سخريه :بحسب وعد :تحسب اي ساعتك هو انا اقدر اتكلم . ليث :اركبي ياوعد يلا عندي اجتماع قولت هتاخر كده، معرفش امته ربنا هيرحمني من مشوار كل يوم ده . وعد بضحك وهي تركب :يرحمك اي بس ،ده خلاص فاضل السنه دي وابقي معاك في الشركة كمان يعني طول النهار معاك مش توصيله علي الصبح بس . ليث :تبقي معايا في الشركة ده بعدك هو عشان انتي بنت خالتي اقبلك معايا في الشركة ده انا مش قابلك في حياتي اقبلك في شركتي . وعد: بكره ابقي رجل اعمال ذيك وساعتها تتمني تكلمني . ليث وعلي ملامحه ابتسامه بسيطة :رجل اعمال بعد رجل اعمال دي ما تتكلمش تاني ،ومن هندسه كمان! انا معرفش انتي دخلتي هندسه ازي . وعد: وبدأ علي وجها الغضب : قصدي يعني سيده اعمال ،ومهندسه قد الدنيا . ليث :يربي اسكتي يا وعد انتي تشلني. وعد :اصلا مش محتاجه اعرف رايك انا وثقه من نفسي . ليث بنظره استهزاء: مناخيرك في سما معرفش علي اي لما نشوف البشمهندسه هتعمل اي في مشروع التخرج بتعاها الاول بس ، يلا رني علي صاحبتك قربت أوصل ليها . وعد :هي اصلا بعت ليا رساله مستنيه من بدري انت اتاخرت عليها اوي . ليث :اتاخرت انا اللي تأخرت وبترجعي تزعلي من اسلوبي معاكي ،وتشتكي لرحومي مني، وبوزك يبقي قدامك مترين . وعد :خلاص خلاص يااستاذ ليث ساره وقفه بتشاور اهي. ساره بلهفه وهي تنظر لليث بهيام :اتاخرت كده لي . وعد : انا اللي آخرته ياساره وسكتي ونبي عشان لما بيصدق يلقي فرصه يهزقني بيها. ساره ومازالت بتلك النظره لليث : ليث يعمل اللي هو عايزه . ليث دون أن ينظر لها :اركبي ياساره يلا خللني ألحق اوصلكم . ذهبت ساره بجانب وعد وهي تختلس النظرة علي ليث في ذلك الراجل مالك قلبها،وهوعلي قدر أكثر من كافي من الوسامة ،ذات بشره خمريه وشعر بني ناعم ،اعين عسلي ،جسد رياضي قويه البنيه ومفتول العضلات ،باختصار أنه يملك كل شيء من الوسامة لا يقل وسامه عن وعد، فالاختلاف بينهم بسيط جدا ،وعد ذات بشره خمريه ،والقوام الممشوق ،عيون عسلي برموش كحيله ،شعر بني فاتح ،ع** صاحبتها ساره فهي فتاه ذات الجمال الأوربي بيضاء البشرة ،شعر **تنائي ،عيون خضراء فتاه في قمه الجمال . ساره :وعد الدكتور الرخم ده شكله هيعمل امتحان قريب ،وانا مش فاهمه حاجه في الماده دي لحد دلوقتي نعمل أي . وعد : متاكده أن في امتحان قريب انا لحد دلوقتي مش عارفه الم فيها حاجه . ليث: ومقولتيش لي ياهانم اشرحها ليكي . ساره بابتسامه عريضة :بجد يليث ياريت لحسن نشيل المادة ،وده دكتور مش بيرحم . وعد بسخريه في الكلام :لا يليث بيه هعرف أذكرها لنفسي ،هو انت فاكر أن مافيش غيرك اللي بيفهم . ليث وهو يكتم ضحكته من تلك العنيدة فهو يعلم طفلته العنيدة عن ظهر قلب وأكثر ما يحبه هو ذلك العناد لم يكون يعلم أن تلك العناد سبب عنائه في يوم من الايام :خلاص براحتك بس مجيش ساعتها تقولي الحقني ياليث. ساره وهي تحاول منع وعد من الكلام :لا طبعا قولنا بس فاضي امته نتجمع الامتحان قرب يليث باشا سيبك منها . ليث وهو يختلس النظرة لوعد :خلاص ماشي ممكن بكره بعد الشغل نتجمع عند خالتي عشان انهارده صعب جدا عندي شغل كتير . ساره :خلاص ماشي اتفقنا وكويس عشان وحشتني صانيه المكرونة بالبشاميل بتاعت رحومي . وعد بضحك : ياخربيتك طفسه همك علي بطنك. ليث : يلا يلا أنزله اخيرا خلصت منكم . وعد:خلاص متبقاش تيجي عادي جدا علي فكره . ليث بغضب :مش بمزاجك علي فكره وتكلمي معايا احسن من كده . ساره ببتسامه مصطنعي : كفايه بقي لحد هنا عشان الرخم لو دخل المدرج ،عمرنا منعرف ندخل وراه . ليث وهو ينظر لوعد:هتخلصي علي امته . وعد بضحكه مكتومه :عليا المحاضره دي بس، وبعد كده هروح عل الشركة عشان علي تدريب انهارده اصل المدير بتعاها رخم ما بيرحمش. ساره وهي تحاول منع مشكله تحدث بين ليث ووعد: طب يليث باشا نشوفك علي خير في الشركة عشان كده هتتاخر علي الاجتماع واحنا علي المحاضره لو فضلنا كده . ليث وهو يمشي مسرعا بعد نزول وعد وساره :يلا سلام . رديت كل من وعد وساره علي سلام ليث وذهبه لدخل الكلية وعند المدرج قابل كل من الفتيات أصدقائهم. ساره :تعالي ياوعد مريم اهي تعالي نسالها علي المحاضرات اللي نقصانا . ساره :يامريم يابنتي طرشه طول عمرها . مريم بضحك :ايه يابنتي معلش كنت بتكلم مع علاء في الفون مسمعتيش عاملين ايه. وعد: الحمدلله كويسن وانتي عامله اي . مريم : الحمدلله بخير . ساره :مالك يابنتي فيكي اي شكلك مضايق . مريم :بصراحه متخانق مع علاء معرفش طبعه صعب اوي كل حاجه تحكمت . وعد :متزعلش يامريم بس انتي عارفه أنه بيحبك وبيغير عليكي . مريم :عارفه ياوعد بس أي مشكله اني محمد كان محتاج مني الاسكتش ،وخده ، وقالي هجيبه ليكي بكره، عشان ناقص ليا محاضرات كتير، واحنا داخلين علي امتحانات. ساره :طب مطلبش من علاء لي بدل مشاكل دي . مريم :وهو يعني مش صاحبه ومعانا ومحمد نفسه قالي لو علاء كان الاسكتش بتاعه كامل هخده يعني عارف هو عايز اي وبرغم كده عمل معايا مشكله ذنبي اي كل شويه بسبب أنه معايا في نفس الكلية بغيرته الاوڤر دي استحمل لحد امته من ساعت كتب الكتاب وهو بقي اصعب واصعب . وعد :خلاص بقي يا مريومي قولتلك بيحبك وبيغير عليكي استحملي بقي ياموزه ماهو ده الجواز وسنينه . علاء :ومالو الجواز يا أستاذه وعد . وعد وهي تنظر له بق*ف :هتفضل دايما مزعلها كده يااض . علاء :اش حشرك انت يااشرف بنا اطلعي منها وهي هتمشي زي العسل وبعدين هو انا هقدر ازعل مريومي دي روحي وقلبي وعقلي . مريم بهيام :بجد ياقلبي انا كل ده . ساره :شوفتي الهبله أتلفت بكلمتين ابقي تعالي اشتكي تاني انك زعلانه منه . وعد :نفسي في مره يابعيده تثبتي علي مواقفك مره واحده يابعيده قبل ما موت . محمد : متجمعين عند النبي ان شاء الله بتعمله اي كده وفاضل خمس دقائق علي بدايه أرخم محاضره في تاريخ البشريه . ساره :طب يلا ، وابقي هات يامحمد اسكتش بتاع مريم عشان محتاجه انقل منه شويه حاجات . مريم :الله ياخربيتك ياساره لما صدقت علاء هدي . محمد :القمر يأمر واحنا ننفذ لو عايزه من دلوقتي معنديش مشكله . علاء :طب يا عم الرومانسي طلما عادي بنسبه ليك كده خدته لي وعملت مشكله بنا ،وبعدين اخر مره تتكلم مع مريم ولا تطلب منها حاجه انا بقولك اهوه . محمد :اي يابني انت بتقول اي بس دي مريم اختي يابني ،وبعدين ماهي الدحيحه بتاعت الدفعه . مريم :الله اكبر في عينك بعد ذلك ذهبوا الشباب للمدرج ،في مكان آخر في شركه التمويل العقاري من أكبر الشركات في مصر، دخل ذلك الوسيم ،ويتبعه النظرات منها الحب والحقد والانبهار بذلك الكيان العظيم، برغم من أنه لا يتحاوز الثلاثين اللي أنه استطاع بعد موت ولده ،توسيع تلك الإمبراطورية داخل وخارج مصر . أسرعت السكرتيرة ومعها بعض الأوراق. حضرتك اتاخرت اوي علي الاجتماع هما جوه بقالهم ربع ساعه . ليث :خلاص يا ريم هاتي الورق اعملي ليا قهوه عندي صداع . بعدها ذهب ليث لغرفه الاجتماع وعند دخوله .. شريف :الباشا اللي دايما متأخر، هو انت عشان صاحب الشركه تيجي متأخر كده . ليث :كويس انك عارف اني صاحب الشركه وممكن ارفضك عادي . شريف :هو انت علي طول كده يابني الواحد ميعرفش يهزر معاك ابدا. ليث :يلا نبدا الاجتماع ياشباب . بعد اجتماع دام لساعتين . يوسف: كده يليث المفروض تسافر علي اخر الاسبوع بريس عشان نمضي العقد ونشوف الشغل ماشي اذي . ليث :ماشي يا يوسف حضر نفسك انت بس، ولما وعد تيجي دخلها ليا . يوسف بلهفه مصطنعة :هو انهارده يوم التدريب بتاعها . ليث بخانقه مش اسلوب يوسف :مش هقولك تاني ياايوسف ابعد عن وعد، وده اخر أنظار ليك وبعد كده هانسا اننا اصحاب ،اللي وعد يايوسف . يوسف :ياعم طلما بتحبها كده ما تقولها. ليث وقد بداء علي ملامحه الانزعاج :قولتلك ما تفتحش الموضوع ده تاني يايوسف . يوسف بغضب :ما حرام ياأخي اللي انت بتعمله ده علي الاقل حساسها تفضل مخبي حقيقه شعورك من ناحيتها لحد امته ،لحد لما تلقي حد تاني خدها منك . بدون سابق أناظر اخد لكمه علي وجهه من ليث . ليث :وعد مش هتكون غير ليا يايوسف انت فاهم . يوسف بصدمه من رد فعله :لاء يا ليث بطريقه دي عمرها متكون ليك انا مش صاحبك بس انا اخوك عشان كده عمر اللي بتعمله معايا ده هيخليني اسيبك تتعامل معاها بالاسلوب ده وانا عارف انك من جواك مش بس بتحبها انت بتعشقها يبقي عرفها حاسسها غير اسلوبك الناشف ده معاها،كانك ابوها ما فيش غير لاء علي كل حاجه، ومش بتعمل حاجه غير انك بتكرها فيك من تحكميتك حاول توصلها حبك اللي جواك . ليث بدمعه مكتومه في عيونه:وعد بتحب واحد زميله اسمه كريم . يوسف بصدمه: اذي؟! عرفت منين الكلام ده !!! ليث :انت عارف اني مش بغفل عنها الكلام ده حصل من قريب من اسبوعين وانا من ساعتها عينه علي الواد ده . يوسف :وانت عارف انها بتحبه وساكت وكل اللي بتعمله انك حطتها تحت عينك، حتي ما حاولت تغير اسلوبك معاها يمكن تبقي فرصة وتفكر فيك ،انت بتدمر كل حاجه يا صاحبي وانت اللي هتندم في الاخر. ليث بحزن قد ظهر علي وجه:خايف ترفض الحب ده واخسرها للأبد خايف تحس ان جويا مشاعر ليها وتبعد وساعتها ابقي خسرت طفلتي اللي ربتها علي ايدي يا يوسف وعد بنتي قبل متكون حبيبتي وروحي وكل حاجه في دنيتي وعد من يوم ما تولدت وهي بتعتي انا مش هتكون غير ليا انا يايوسف انت فاهم ما فيش حد يقدر يا خدها مني . يوسف :اهدا ياصاحبي وانا جانبك في اي وقت انت عايزني اساعدك فيه بس فكر في كلام يا ليث حاول تبين ولو جزء من اللي جواك ليها يمكن يكون هي كمان جوها المشاعر دي ،وخايفه وبتفكر زيك كده حاول ياصاحبي ،هروح اكمل شغل ،ولما تيجي هبعتها ليك ،هعرف ريم . ليث :خلاص ماشي ما تنساش سفر اخر الاسبوع جهز نفسك عشان عايزك انت اللي تسافر معايا . يوسف وهو خارج من المكتب :هحاول زي مقولتلك عشان الشغل كتير في الشركه علي الاقل حد فينا في شركه . • في مكان الاخر بعد محاضر .. في المدرج ..ساره هاتي القلم من معاكي. • قالتها وعد وهي تداول ملاحظتها وراء الدكتور ساره بانزعاج :مش معايا ياوعد غير ده ابقي خدي الاسكتش مني انقلي اللي ناقص ليكي . وعد :بلاش رخامه ياساره شوفي في الشنطه كده الاول . ساره :يابنتي اص..... الدكتور بصوت عالي :الاستاذه اللي بتتكلم واره مع اللي جانبها تطلع بره هي واللي جانبها. قامت وعد محدثه الدكتور :اسفه يادكتور هي ملهاش ذنب انا اللي طلبت منها القلم عشان قلمي خلص وانا بكتب واره حضرتك اسفه يادكتور . مازن )الدكتور)بعد تفحص لشكل وعد رد بصوت عالي:اسمك اي ؟ وعد :اسمي وعد السباعي يادكتور . الدكتوره : اتفضلي يااستاذه اقعدي وبعد كده متتكلميش تاني أثناء الشرح . وعد :حاضر يادكتور . ساره اقعدي يااختي جبتنا الكلام ومن مين دكتور مازن !! وعد بضحك :اسكتي عشان لو خد بالو ،فيها بعد كده رفض . • بعد انتهاء المحاضرة ذهبت الفتيات لشركه ليث قصدي امبراطوريه ليث، في الاستقبال . موظف الاستقبال حسن: اذيك انسه وعد بشمهندس ليث مستنيك في مكتبه . ساره :خلاص ماشي يا وعد روحي شوفي عايز اي وانا هطلع لي بشمهندس مصطفى. وعد :خلاص ماشي مش متأخر عليكي . ذهبت وعد للطابق الثلاثين حيث يوجد مكتب ليث . وعد للسكرتيره:ريم ... قطعتها ريم عند رايتها :انسه وعد بشمهندس ليث مستنيك جوه. وعد بخوف : ما تعرفيش عايزني في ايه أول لما حسن شافني قالي أنه عايزني مش بيعمل كده غير لما بيكون في نصيه ! ريم :معرفش بس هو مودو مش حلو خالص خلي بالك حولي متعصبهوش اكتر . وعد بضحك: طب هحاول مع انها ع** طبعتي هههه. ريم بضحك :انا نفسي اعرف بتقدري تقفي قدامه ازاي الشركه كلها بتترعب منه ،وانتي ياقدره استاذه في الاستفزاز وبيسكت ليكي . وعد بصوت واطي :يابنتي انا بترعب من جويا بس عمري باين كده ابدا. ريم بضحك: يلا يا وعد استلقي وعدك شوفي عملتي اي تاني . • دخلت وعد المكتب نظر لها ليث بجانب عينه ،مما بث الرعب بدخلها من تلك النظره . وعد :ليث كنت عايزني في حاجه . ليث :الهانم كانت هتقولي امته علي موضوع البيه اللي اسمه كريم ده . وعد بصدمه وهي تفرك يدها بسبب خوفها :انت عرفت منين ؟ ليث بغضب مما اده لي افزع وعد :هو انتي فكره اني نايم علي وداني معرفش انتي بتعملي اي انا عارف من بدري ومستني لما الهانم تيجي تقولي لوحدها لكن بقالك اسبوعين ،ولحد دلوقتي معرفتيش . وعد بدموع : يا ليث والله كنت هقولك بس هو لسه هيجي بعد الامتحانات احنا اتفقنا علي كده وكنت هعرفك . ليث بغضب اكبر وقلبه يعتصر :اتفقنا يعني اي اتفقنا انتي خلاص خدي قرارك . وعد :ايوه يا ليث انا بح..... ليث بصوت عالي :بس ما تكمليش اسكتي اسكتي روحي لشغلك الموضوع ده نبقي نشوفه بعدين ولحد مقولك قراري متتكلميش معاه تاني يا وعد انتي سمعه هعرف هعرف ياوعد مش هعيد كلامي تاني . وعد بدموع وخوف :حاضر بس ممكن متزعلش مني يا ليث، انا مش بحب زعلك مني ، انا اسفه كنت هقولك والله . ليث :اطلعي بره ياوعد روحي شوفي شغلك. • ذهبت وعد بدموع ت**وا وجهها ،كل ما يحزنها زعل ليث، شعورغريب في قلبها لم تعلم ما سببه،لم تكون اول مره أن يحدث خلاف بينهم، ولكن نظره ليث لا تترك تفكرها . • وعند ليث الأمر أشبه بجحيم **ر كل ما يوجد علي المكتب وأصبحت تلك العيون عسليه كتله من الدماء . ليث :كانت هتقول بحبه كانت هتقول كده اذي اذي قدره تقولها اذي تقدر تحبه اذي ممكن حد يخدها مني، وعد بتاعتي بتاعتي انا وبس ، بنبره اهدا :ما انا برضو اللي غلطان علي طول زعيق وأوامر كأني ابوها مافيش في مره كنت حنين معاها أو حسستها اني بحبها ،ايوه بس المفروض تعرف لوحدها تحس بوجودها جويا دي ملكه كياني ملكه ليث مش قلبي بس خايف ترفض الحب ده واخسرها للأبد تديني اشاره واحده وحده بس وانا هفتح قلبي ليها وساعتك هوريها الحب الي في الدنيا كله ،وكريم ده انا هشيله من على وش الارض. ساره :مالك ياوعد عامله كده لي !! وعد :الحقيني ياساره ليث عرف ارتباطي من كريم . ساره بصدمه :وعمل اي ولا قالك اي . وعد :معرفش ياساره ليث اول مره اشوفه زعلان مني كده وبالغضب ده انا خايفه اوي . ساره :خايفه ليرفض كريم ،مككن تكلمي طنط رحمه وطنط امل (ولدت ليث وخالت وعد ). وعد :لا خايفه من زعله ده اول مره يزعل بالاسلوب ده مني ، احنا بنتخانق كتير بس عمرنا موصلت الخناقه بنا لي كده ولا نظره عينه تبقي بزعل ده ،ده ما كنش بيبص في عيني ياساره ورافض حتي يسمعني ،انا مخنوقه اوي ،اعمل اي عشان يصلحني . ساره :اهدي بس ياوعد شويه وتلقيه بيتكلم معاكي هو بس عشان زعلان دلوقتي يعني انتي مش عارفه ليث وطبعه . وعد :تعالي نروح ياساره مش قدره اكمل، عايزه اروح اقعد مع فهد شويه . ساره :خلاص تعالي يمكن يعرف يهدي شويه ليث من ناحيتك . • ذهبت الفتيات من الشركه لقصر خالتها قصر ادهم الشامي . الاستاذه وعد السباعي في بيوتنا ،،قالها فهد وهو ينزل درجات السلم ويتجه ليها . وعد :عاايزك يافهد مخنوقه ومحتاجه اتكلم معاك . فهد:تعالي تعالي مالك عامله كده لي . وعد:هي خالتو فين ؟؟ فهد :راحت مشوار وعلي مااظن هتعدي علي رحومي بالمره . وعد :ليث عرف موضوع كريم وبهدل الدنيا . فهد :مش قولتلك من بدري تعرفي كل حاجه،اهوه دلوقتي طلما عرف بطريقة هيعاند اكتر ، ويطلع عينك علي ما يقبل ده اخويا وانا عارفه . وعد :مش دي المشكله يا فهد المشكله عندي أنه زعلان مني اوي وانا مخنوقه من ده اوي . فهد :يابنتي هو اول مره تتخانقوا مع بعض شويه ويتكلم معاكي تاني،،انتي عارفه ليث برغم أنه صعب وعصبي بس حنين جدا وعمره ما يقسى عليكي . وعد :يا رب يا فهد يارب عشان نظره ليث وغضبه مش محسسني بي كده ابدا . فهد : متقلقيش انا هتكلم معه لما يرجع، تعالي ناكل بقي، كفايه نكد امسحي دموعك دي ،من امته عندك دم وإحساس، وبتعيطي ياوعدي بس . وعد :بلاش رخامه يااض انا بس مش بحب ليث يزعل مني . فهد بضحك :متزعلش شويه وتلقيه يتخانق معاكي علي حاجه تاني . وعد بضكه بسيطه : ياريت بحب اعاند معه اوي. فهد :طب يلا يالمضه عشان جعان هناكل اي ؟ وعد :لاء تعاله عندنا ماما عامله صانيه بطاطس بالفراخ هموت عليها . فهد بض*به علي كتف وعد :ولسه فكره تقولي دلوقتي دخله يلا تلحقها بسرعه . • في شقه السباعي وعد :ماما ياماما الاكل ياماما . امل :شايفه بنتك المفجوعه دخله من باب الشقه علي الأكل . فهد :جعان يارحومي جعان . امل بضحك :مش ابنتك لوحدها المفجوعه. رحمه بتعب وضحكه بسيطه خلني اقوم اعمل احط ليهم الاكل . امل :لاء لاء خليكي مرتاحه انا هحضر الاكل ليهم وليكي ارتاحي ش........ وعد بصدمه قطعه كلام امل : اي ده في اي مالك ياماما ، خالتو ماما مالها ؟؟ امل :متقلقيش يابنتي هي داخت شويه وخدت العلاج تعالي بس نحضر حاجه تكلها وتكلوا انتو كمان . وعد :بزعل اذي بس ياخالتو هي داخت ازي واي سبب الدوخه دي لزم تروح تكشف. رحمه : متقلقيش ياحبيبتي انا مكنتيش خدت علاج السكر عشان كده تعبت . وعد :ياماما كام مره اقولك بلاش تهملي في علاجك ينفع كده يعني لما تتعبي كده . امل :خلاص يا وعد يلا نحضر الاكل عشان فهد لو قعد اكتر من كده من غير اكل مش بعيد ياكل فينا احنا .وعد ببتسامه بسيطه :يلا ياخالتو وانتي ياماما ارتاحي هجبلك الاكل لحد عندك بلاش تقومي ارتاحي حبيبتي. • بعد الشركه ذهب ليث لشقه السباعي بعد ما علم بتعب خالتو عن طريق رساله من ولدته امل بضرورة حضوره لأمر مهم . • بعد نص ساعه وصل ليث شقه خالته وبعد ماقام بالخبط علي باب الشقه مراتين فتحت له وعد وعلي وجهه مزيج من المشاعر المختلفة نظره فرحه ولهفه من وجوده ونظره آخرا ت**وها الحزن . وعد :ليث عامل اي؟ ليث دون أن ينظر لها : الحمدلله خالتو فين عايزه اشوفها . وعد ببحه في صوتها بسبب كبت دموعها :ماما جوه في الاوضه . • ثما ذهبت وعد للمطبخ وبعدها نظر ليث في أثرها بحزن علي وجع صغيرته ولكن وجعه أضعاف مضاعفه من **ره والألم في كيف لصغيرته أن تعترف له بحب راجل اخر ،اااه يالهي الفكره في حد ذاتها تدفعني للجنون افاق ليث من شروده وذهب لغرفه خالته. ليث بابتسامه بسيطه : رحومي اللي بتدلع مالك ياست الكل . رحمه ببتسامه :تعاله حبيبي كان لزم اتعب يعني عشان اشوفك . ليث :معلش يارحومي الشغل والله كنت هجيلك بكره عشان اقعد معاكي شويه واشرح لوعد شويه حاجات هي وساره . رحمه : مثقلين عليك دائما يا ابني . ليث :متقيل اي بس ياخالتو انتو في عيني . رحمه :لو حصلي حاجه ياليث خلي بالك من رحمه يابني مالهاش غيركم . ليث بزعل :ايه اللي بتقوليه ده ياخالتو بعد الشر عليكي ومتقليش انتي ووعد في عيني انا رجالكم . رحمه :عارفه ياقلب خالتك وعشان كده بقولك خاليها في عينك وعد طيبه وبرغم العند اللي فيها ده وأنها دايما بتبين أنها قويه بس من جواها أضعف بكتير يابني وموت ابوها اثر فيها جدا وخايفه لما اسبها وقابل وجه كريم خايفه تتعب وميبقاش حد جانبها خليني اموت وانا مطمنه عليها انها معاك وتحميه من اي حد يجي عليها يابني . ليث :ياخالتو بلاش الكلا..... رحمه مقطعه كلام ليث :يابني اسمعني بس اوعدني عشان ابقي مطمنه. • ليث لنفسه بتوصيني علي روحي ياخالتي ومين بس يقدر يجي علي وعد وانا عايش ده انا امحيه من علي وش الارض . ليث :اوعدك ياخالتو . رحمه :بلاش يابني المعمله الناشفه دي معاها وبين حبك ليها قبل متندم . ليث بصدمه وقد اتسعه عنيه : انتي بتقولي اي ياخالتو حب اي بس . رحمه :انت فكرني يااض من واخده بالي دي حاجه وضحه وضوح الشمس يابني ياكش بس بنتي اللي هبله . ليث بصوت مقطع :يا..خا...لتي.... رحمه :اي ده ياليث أول مره اشوفك ضعيف كده . ليث بصوت مبحوح :وعد بتحب واحد زميله في الكليه. رحمه :ماانا عارفه هي مش بتخبي عني حاجه هو انت مسي اللي بنهم ده حب ياليث . ليث : ياخالتي بنتك انهارده قالتهالي بقها انها بتحبه وانا قطعت كلامها مقدرتيش اسمعها منها يارحمه مقدرتيش . رحمه :وعد بتحبك يا ليث بنتي وانا عارفها . • ليث بصدمه من كلام رحمه وسرعه في ض*بات قلبه حبيبته وروح الفؤاد ايمكن أن تبدله نفس الشعور كيف لو يحس قلبه بذلك كيف . قطعته رحمه من شروده :وقولك كمان لو هختار بيتك وبين كريم هتختارك انت عارف انك من ساعت معرفت وهي زعله كله انك زعلان مش انك ممكن ترفض كريم جت حكتلي علي اللي حصل معاك في الشركه وده اللي اكد لي انها مش بتحبه يابني برغم اني كنت واثقه من الاول هي الفكره معاها أن لقت اللي يقولها كلمه حلوه يحسسها بكيانها لكن محبتهوش هي بتحبك زي مشوفتها في عينك شوفتها في عينيها بس هي مش عارفه ولا حاسه كل اللي عليك انك تديها فرصه انك تحرك الحب ده وتظهره . ليث :كنت بخاف ياخالتي أبين اخسرها للأبد انا مش بحبها انا بعشقها وعد من يوم ما اتولدت وحبها اتولد جويا حبتها حب بدرجه بقيت اخاف عليها من الحب ده اخاف اجي عليه بسبب غرتي وجنوني بيها كل يوم ببقي نفسي تفهم سبب عصبيتي سبب تحكي فيها انا..... قطعته رحمه : بالحنيه يابني تخيل حبتك وانت بتعملها كده امال بالحنيه هتعمل اي ؟ ليث :يارب ياخالتو تكون بتحبني فعلا وانا ساعتها اعمل المستحيل بس احس منها لحظه حب واحده . رحمه :انت اللي مش عايز تشوف، خوفك من الخطوه دي مخليك مش عارف تشوفها كويس ،ولا تترجم تصرفاتها، يلا يلا نقوم ناكل اتاخره اوي كده لي . ليث ببتسامه :امل ووعد يا رحومي عايزهم يخلصه امته دول لو عمله جبن يبقي كتر خيرهم . رحمه بضحك :اسكت لتسمعك امال ومش قدره علي صدعها . • في المطبخ وعد شارده في كلام ليث ونظرته لها رن تليفونها وكان...يتبع
Free reading for new users
Scan code to download app
Facebookexpand_more
  • author-avatar
    Writer
  • chap_listContents
  • likeADD