“Wat de hel het jy aan haar gedoen?” grom Zachary terwyl hy Tiara se slap liggaam teen sy bors vasdruk.
Toe hy afkyk in Tiara se ontspanne gesig, borsel hy van haar hare weg toe die wind dit oor haar wang en lippe waai. Hy word dadelik stil en besef verskeie dinge gelyktydig. Haar vel is net so sag soos dit lyk … en so ook haar hare.
Zachary sidder van genot toe dit soos sydraad van sy vingers afval. Sy blik beweeg in verstomde stilte na haar vol lippe toe die drang om haar te soen sy bors laat toetrek. Haar behoue onskuld maak haar soveel mooier en aanlokliker as wat hy ooit gedink het haar ma was ... daardie kennis maak hom bang op maniere wat hy nie kan begryp nie.
Guy kyk hoe die emosies oor Zachary se gesig speel terwyl hy aan Tiara raak. 'n Stywe knoop vorm in sy maag en hy hou gl
