Alicia a se itshware a segela mebolelwana ya bona. Go be go le boima go kgolwa gore Kane o thomile bjalo ka lesogana le lebe. O be a thabile ge a fetošitše mahlakore. Ge a ba bogetše ba boledišana gwa mo dira gore mafelelong a ikwe e le karolo ya lapa. A hemela ka gare ge Damon a lebelela ka thoko ga gagwe. Go kaone ka ge seo se tlošitše monagano wa gagwe wa go ba phišong lebakanyana.
Kane a nyaka a wišitše poleite ya Michael ge a ekwa go balabala ga dikgopolo tša Alicia, Phišo? Modimo wa go loka. Naa ga se mosetsana yo monnyane go ka ba le seo? E sego fela go bolela ntlha ya gore ga senke a robalwe. A bea poleiti ya Michael ka polokego ka pele ga gagwe gomme a dula fase. A tswalela monagano wa gagwe a akanya gore ga a nyake go kwa selo se sengwe bošegong bjo ka moka e sego fela ge a ka b
