Kasalukuyang nasa pool sa likod ng mansyon si Sabel, nakadawdaw ang mga paa sa tubig habang nakaupo sa gilid. Nag-iisip ng mga kailangan niyang gawin sa mga susunod na araw. Malapit na rin ang kaarawan niya subalit hindi niya alam kung dapat ba niyang ipagdiwang iyon.
"Narito ka pala," bungad ni Antonio sa kababata. "Tila kay lalim ng iniisip mo."
Sinulyapan ni Sabel ang kababata bago siya sumagot. "Pagmasdan mo, pool daw ang tawag dito. Likha lamang ng pangkaraniwang tao. Sino ang mag-aakala na posible na mangyari ito kung naroon tayo sa panahon natin?"
"Tama ka, napakaraming bagay ang mayroon ngayon na wala noon. Para tayong nasa ibang mundo." Naupo rin ito sa tabi ni Sabel saka inilawit din ang mga paa sa tubig. "Iyong TV na kinababaliwan ni Amara, iyong radyo na ayaw bitiwan ni Ram
