Navigation
Tombouctou, qu’aultrement nommez Tombut, ou Tumbut, ou Tumbuctu, est je ne sçay quelle ville, sise en je ne sçay quel païs, sous je ne sçay quel degré de je ne sçay quelle latitude ; ains, si en croyez ces vieilles cy, au perpendiculaire antipode de la capitale de Sapience, qui est Sens-Commun ; et en recepvrez notoire et quidditative certaineté, perforaminant d’icelle nostre capsule tellurienne, ne plus ne moins que le praticquez, vous esbattant ocieusement à transfiler unions indicques et menues semences perlières ; ce que faisant dextrement et sans circum-bilivagination, vous ne faillirez oncques, beuveurs, de yssir en Tumbuctie.
Des Tumbuctiens, rien ne vous sera présentement narré en ceste mirifique et seigneuriale histoire que ne treuviez ja grabelé aux livres de navigai
