HIMAYA'S POV
“Elyssia Jade! Lumabas ka, anak. Maliligo na tayo!“ sigaw ko sa anak ko na ngayon ay nagtatago dahil ayaw niyang maligo.
Napangiti ako nang mapait. Limang taon na pala ang lumipas mula nang mangyari ang bagay na iyon. Naaalala ko pa rin kung paano niya akong pinagtabuyan, kung paano niya sinabing hindi niya na kami babalikan.
Wasak na wasak ako noon, puso, kaluluwa at maging ang buhay ko ay nawasak. Siya ang una at huli kong pag-ibig, ang dahilan kung bakit hindi na ako naniniwala sa salitang iyon.
Mabilis na dumaan ang limang taon, at masasabi ko na nagkaroon din naman ng pagbabago ang buhay ko, ang buhay namin ng anak ko.
Sa ngayon, apat na taon na si Elyssia at kasalukuyang nag-aaral sa Day Care Center ng barangay namin. Hindi katulad ng mga kabataan dito, maputi siya
