Hoofstuk 8
Nick kyk rond in Die Heksebrou en sien Gypsy praat met 'n klant. Dis een van sy gunsteling plekke in die stad, want dis die enigste een wat hom in die geheim van die meer … interessante wapens voorsien wat hy nodig het. Boonop is dit 'n wonderlike plek om inkopies te doen vir unieke of vreemde Halloween- en Kersgeskenke.
Ten spyte van al die vreemde dinge wat tans in die stad aangaan, het die mense steeds aanhou floreer. Hierdie winkel is 'n ideale voorbeeld daarvan, aangesien dit op die oomblik redelik vol is.
Gypsy se oë verhelder toe sy Nick sien wat ledig teen die wapentoonbank leun. Sy is die laaste halfuur so besig dat dit haar laat wonder hoe lank hy al daar staan.
"Ek dink die Merlin-kostuum lyk pragtig aan jou," glimlag sy vir die ou man wat sy gehelp het en gee die
