**ر القيود

**ر القيود « للكاتبه عيون الملاك » ★★★★★قراءه ممتعه ★★★★★ مو كل الورد مخلوق للشم مو كل البشر نفديها بالدم عندك ناس ترخصلهم الروح وعندك ناس خساره بيهم السم ★★★★★★★★★★★★ في بيت من بيوت الريف والمناطق اللي تسود بيها الطابع العشائري بوحده من محافظات عراقنه الحبيب جان اكو امراه تندب حظها وتبجي زمرد : ياربي مارايده منك شي بس. احمي وليدي وكفي شرهم بجاه حبيبك محمد يارب كلشي راح مني ومابقالي غيره احفظه اليه وخليهم يكفون شرهم عنه يارب وهي جاي تدعي وتبجي اندفع باب البيت ودخل رجال جبير عمره بنهايه الخمسينات والشرار يتطاير من عيونه. ويصيح حجي جبار : وووووييينه ابنج العايق وويييينه اليوم اله اخلي يندم اني تالي عمري ينزل راسي بين الناس ويجيني هذا فليح اللي ما يسوه قندرتي يكلي اذا ابنك ض*ب ابنه مره لاخ نفصلكم وتصير دموم ربي ابنك وخلي يعقل ويتشمت بيه ويحجي وياي من وره خشمه كله من وره ابنج والله اله اخلي يتمنه الرحمه وما يشوفها زمرد : شيخ احلفك بغواليك عوفه والله جاهل ومايفتهم عذرنه والله ان سواها مره لاخ عاقبه بس هاي المره عوفه بداعه ولدك حجي جبار: لخاطر ولدي راح اعوفه بس اذا شفته گرب يمه البستان لو يمه الحلال اله اجنزه خل يستر عله روحه ولايراويني رگعه ويهه راح الحجي جبار وبقت زمرد گلبها خايف على وليدها الوحيد بره فتره واجه ( ليث) بشخصيته الضاغيه وجسمه اللي مبين اكبر من عمره. وعيونه اللي تكول عيون نسر. وشعره الاسود الفاحم. دخل عله امه وكال بصوته الجوهري اللي يسمعه يكول هذا عمره عشرين او اكثر ع** عمره الحقيقي اللي ما يتجاوز 14 سنه ليث : هله يمه زمرد : يمه وليدي ليش هيج سويت ولك كلبي راد يوكف من الخوف عليك يايمه. ليث: سالم گلبج يالغاليه زمرد: يمه كافي عرك هاي المره بطلاع الروح ابوك سكت المره الجايه مايسكت وياذيك يايمه راح اموت ناقصه عمر من وراك وكامت تبجي ليث : من شافها تبجي حيل انقهر اغله شي عليه بالدنيا هيه امه فكلها ليث: دموعج غاليه يلعزيزه لا تبجين زمرد : اذا غاليه عليك لعد لخاطري عوف الطلايب والعرك وخلينه عايشين بهدوء تدري ابوك شراني ومايعول يلكه زله عليك حته ياذيك يايمه بطل وانسه الصار عيش يومك ليث بعصبيه : يمه شنسه يوم يومين هذني ارباطعش سنه من يوم ولادتي وانه متعذب. وماشفت راحه كله من وره الحجي جبار. زمرد: يمه لاتحجي هيج يبقه ابوك ليث : انه يتيم ماعندي ابو. ابوي مات قبل لا اجي زمرد: يمه اسم الله لاتكول هيج شكد مااذاك بس يبقه ابوك وانه ماربيتك على الگطع ليث: يمه رحمه لاهلج سدي الموضوع لان بس سيرته تسد النفس زمرده : راح اسده بس بغلاتي عندك بطل عرك ليث: الله كريم زمرده: جا خل اصبلك اكل اكيد جوعان ليث : تسلمين يلغاليه ليث: راحت امي تصب اكل واني كاعد بالغرفه واذكر كلشي صار بالماضي واللي سببه هو اليتسمه ابويه حجي جبار ولو اني ماشفت منه اي ابوه حجي جبار بشبابه حب وحده من گرايبهم. حبها بجنون وسوه المستحيل حته يحصلها ويزوجها وحته اهله عاندهم وبقه يحاول وياهم لحد ماقنعهم وخطبوها اله وبره زواجه مرته شاخت عله عماتي ونسوان عمامي لان حجي جبار هو اللي جان يگود كل حلال جدي وشغله عله رغم عنده اخوان اكبر منه بس مو مثله مايفتهمون بالشغل فجدي جان كلش معتمد عليه المهم مرت سنه وسنتين وماحبلت مرت حجي جبار. فكامن عماتي وجدتي يلحن عله حجي جبار حته يزوج غيرها بس هو ماجان يقبل صح يريد جهال بس جان يخاف من زعلها لان حيل يحبها فمرت حجي جبار ( سعديه) من سمعت امه وخواته لحجي جبار يريدن يزوجنه حيل خافت خاف يزوجنه وحده بنت شيوخ وتخلف منه وتاخذ مكانتها بالعائله فقررت هيه تزوجه بس شنو لازم وحده مستحيل ينعجب لو يحبها حجي جبار فبدت تدور لحد مايوم بالصدمه شايفه امي امي جانت يتيمه ابوها وامها ميتين من هيه وعمرها 12 ومربيها اخوها الجبير. بس مرته مشوفتها نجوم الظهر. وعائلتها كلش فقيره لان اخوها يشتغل عامل بگاع الشيوخ فسعديه من شافت امي وحالتها شلون فقيره وماالها صوت وصغيره حيل لان جان عمرها 18 وابويه عمره 30 كالت اخطبها اله هم فقيره وهم صغيره مستحيل تتاقلم وياه بس جانت متردده لان امي حلوه بس بالنسبه الها امي اهون من بت شيوخ وتاخذ منصبها بالعائله و حجي جبار منها فمن رجعت للبيت گلت لحجي جبار سعديه : ادري بيك تريد تزوج وامك وخواتك ينگن عليك حته تزوج لان ما حبلت ليهسه حجي جبار: سعديه ياعمري انتي مستحيل ازوج اهم شي عندي انتي وطز بالجهال سعديه: ادري هذا بس حجي وانته بداخلك تتمنه ولد يشيل اسمك فقررت اوافق تزوج بس بشرط حجي جبار : شنو شرطج سعديه: اني اختار المره حجي جبار : تامرين انتي اختاريها لان صدگيني ماتهمني كل النسوان. مادام انتي بگلبي متربعه براها راحت سعديه وخطبت امي وحجي جبار من دره ماقبل بحجه شنو اني الشيخ اخطب اخت واحد يشتغل بگاعنهسعديه: اني كتلك شرطي اني اختار العروس وهاي اللي اختاريتها غيرها ما اقبل وانته كلت مايهمني اي مره غيرج لو هذاك بس حجي فاضطر حجي جبار يزوج امي ومناك بدت معاناتها ويه مرت حجي جبار اللي ماقصرت بالاهانه والاذيه واليوم اللي حجي جبار يجي يم امي تمنعها من السبح وتض*بها بحيث جسمها كله يصير رگع زرك وحمر. وحته شعرها تكفشه وماتخليها تمشطه كلها حته حجي جبار لايشوفها حلوه ويحبها وحجي جبار ماقصر باذيه امي من يشوفها هيج يبقه يصيح عليها ويغلط ويكول زعطوطه كلشي ماتفتهم يمكن الشغله الوحيده الزينه اللي سواها لامي هو انو بيوم حنتها جا**ها ذهب وكلها هاي الج وكتب گاع صغيره بصف البيت مثل المشتمل بس ما مبني مساحتها 100 متر باسم امي كمهر الها المهم بره زواجهم استمرت سعديه باذيه امي بالض*ب والاهانه وماتصيحلها بس الخدامه وامي ماتكدر تجاوب بس تجاوب يض*بها حجي جبار ويغلط عليها ويكلها انتي خلك خدامه لسعديه وبراها امي حبلت بيه جانت حيل فرحانه وسعديه زادت بالخباثه ماقلت بس حجي جبار گام شويه يتساهل ويه امي لحد ماجابت واجيت للدنيا بالبدايه حجي جبار جان فرحان انو صار عنده ولد وكام يدللني شويه وهذا الشي ماعجب سعديه وكامت شدت وياي اذا اتقرب من شي او ازحف لو تض*بني لو تزمخ عليه لحد ماصار عمري 6 سنين و تفاجئنه كلنه بخبر حمل سعديه وبوكتهاحجي جبار ماخله شي ما سواه ذ*ح كومه ذبايح وعزم ناس وعبالك ابنه الاول وحته اسمع حجي مرات من الفلاليح اليشتغلون يكولون حجي جبار فرحان عبالك اول ولد اله من اجه ابنه الجبير ماذ*ح شي ولافرح بس هسه راح يطير من الفرح المهم بره تسع اشهر اجه اخويه الصغير محمد واني مثل كل الجهال اريد العب وياه بس كلما اجي يمه جانت سعديه تض*بني وتطردني من البيت وحته مره جوتني بيدي وحجي جبار يشوف ويتجاهل و بقيت اني بالعذاب وامي بالخدمه وسعديه جابت وراها 2 ولد سيف وعمار اني جان عقلي دائما اكبر من عمري ومن صار عمري 12 قررت اعزل امي جنت اعرف المشتمل المهجور واللي مبني منه حايط واحد هو لامي فقررت ابني وبديت اروح بالعطل اشتغل عند واحد اسمه شيخ حاكم جان ينطيني شغل تنظيف الاسطبل مال الحصونه و علمني شلون اعتني بيهن. وصار الاسطبل حياتي وهوايتي فكمت دائما اروح هم انظف وهم احصل فلوس وبره فتره جمعت مبلغ وواجهت حجي جبار وصادف يومها محد اكو بس اني وامي وحجي جبار فرحت وگتله ليث : حجي جبار اني وامي راح نعيش بالمشتمل اللي باسم امي حجي جبار: زمرد تعالي صيحي ابنج وخلي ينقلع من وجهي عايزني المزعطه تحجي وياي ليث بعصبيه : اني مو زعطوط وجاي ابلغك مو اخذ اذنك حجي جبار صار عصبي وكام هجم على ليث ليث مارداه لان يبقه ابوه وماراد يصير عاق زمرد: رحمه لاهلك عوفه ولك عوفه راح تموته يممممه وليديييي وكمشت رجل حجي جبار وتتوسل بي زمرد والدموع على خدها : بداعت جهالك عوفه لابني الله يوفقك بس عوفه حجي جبار : مستمر يض*ب ليث وليث بس يتجنب الض*بات بدون ما يرد اخر شي زمرد راحت جابت بانزين وصبته على روحها وجداحه بيدها اليسره وتعيط زمرد: عوف وليدي والا قسمن برب العزه الا اكتل روحي واخلي الناس كلها تحجي وتكول مرت الحجي جبار انتحرت وتصير سمعتك علج بحلك الوادم حجي جبار ارتبك وخاف خاف صدك تحرك روحها فسوه روحه واثق من نفسه وحجه بصوت حاول يجعل ثابت بس ظهرت بي الارتباك والتوتر حجي جبار: ماشي راح اقبل تعزلون بس بشرط وشرطي هو ...... يتبع ... ★★★★★★