bc

My Handsome Stalker (Tagalog)

book_age0+
35.5K
FOLLOW
188.9K
READ
stalker
dark
possessive
reincarnation/transmigration
manipulative
drama
tragedy
5 Seconds of Summer
like
intro-logo
Blurb

Sanggol pa lang si Elise ay binili na siya ng isang mayamang lalaki para pakasalan. Si Cedrick na ubod ng gwapo pero walang pakialam sa agwat ng edad nila.

Masyadong possessive si Cedrick sa kanya to the point na nagawa siya nitong ilayo sa mga buong pamilya niya at pinagbabawalan pa siya nito na makipaglapit sa ibang lalaki.

Pero paano nga kaya na ang isang katulad nito ay nagkagusto sa isang babae lang na katulad niya? Bakit handang gawin ni Cedrick ang lahat para lang makuha ang pag-ibig at atensyon niya? At higit sa lahat, bakit ba pakiramdam niya ay hindi ito basta pangkaraniwang tao lang at may kakaiba itong kapangyarihan?

Bakit pakiramdam niya ay matagal na silang magkakilala nito? Ano’ng lihim ang itinatago nito at bakit gano’n na lamang ang obsession nito sa kanya?

chap-preview
Free preview
Chapter One : Black Crow
"WHAT HAPPENED? Where is the baby?” nagtatakang tanong ni Cedrick nang lumabas siya mula sa ospital pero wala siyang bitbit na sanggol na pinapanakaw nito. “I’m very sorry, Lord Cedrick pero wala na po ang baby sa ospital. Naiuwi na raw ito ng parents niya. Wala silang maibayad sa ospital kaya hindi na nila pinatagal pa ang sanggol doon at inuwi na rin agad nila sa bahay nila," magalang at pormal na sagot niya. Sa inis ni Cedrick ay bigla nitong naikuyom ang kamao at nasuntok pa ang bintana ng sasakyan. Dahilan para mabasag iyon. Nanlaki naman ang mga mata ni Raven. Nagpamalas na naman nang hindi pangkaraniwang lakas ang amo niya. Naniningkit ang mga mata ni Cedrick. Para bang hindi nito alintana ang dugo na dumadaloy sa kamao nito na nasugatan dahil sa ginawa nito. Nasira na ang araw nito dahil hindi nito nakuha ang gusto. "I don't care, Raven! Gawan mo ng paraan para mabaon sa utang sa akin ang pamilyang iyan. Do whatever it takes para makuha ang baby sa kanila. You need to make them agree to give me their daughter, or else, it will also cost your life." Pinagbantaan na siya ng amo at ayaw man niyang aminin ay pinanginigan siya ng lalamunan. Alam niyang seryoso ang young master at ang kamatayan ay isang bagay na hindi nito basta-basta sinasabi sa kahit na sino. Patunay lamang na seryoso ito na makuha ang baby na nasa ospital kanina. "Ano ba ang mayroon sa batang iyon, master at nais ninyo siyang ipakuha?" Hindi na niya napigilan pa ang magtanong. Pero sa ginawa niya ay naihagis lamang ni Cedrick ang bote ng alak na nasa tabi nito papunta sa kanya. Mabuti na lamang at naiwasan niya iyon. "Anuman ang dahilan ko ay wala ka nang pakialam pa, Raven. Basta sundin mo lang kung ano ang inuutos ko. Kung hindi mo man makukuha ang bata sa ngayon ay siguraduhin mo na makukuha mo rin siya sa itatakda kong panahon dahil kung hindi ay seryoso ako sa sinabi ko sa 'yo kanina." Saka siya nito tiningnan sa mga mata. "Mamamatay ka." Iyon lamang at inutusan na nito ang driver ng mamahaling sasakyan na umalis na. Naiwan siyang nakatigagal. Para siyang nabunutan ng tinik nang makaalis na ang kanyang amo. Ang totoo ay may pagkakataon naman siya na makuha ang baby kanina pero hindi niya ginawa dahil ayaw niyang mangnakaw ng isang inosenteng sanggol. Naawa rin siya sa mga magulang ng bata na bigla na lang niyang kukunin ang anak ng mga ito na bagong panganak pa lang. Batid niyang delikadong tao si Lord Cedrick. Isa itong henyo at kabilang sa pamilya ng pinakamayamang tao sa buong mundo. Sa edad na 15 years old ay may sarili na itong mga ari-arian na hindi galing sa pamana ng pamilya nito. Matigas ang ulo, babaero at lahat ng gusto nito ay nakukuha nito nang walang nakakapigil dito. Bulong-bulungan din ng mga tao na may mga napatay na rin noon si Lord Cedrick at ang iba roon ay out of boredom lang pero ang tipo nito ang hindi kayang ipakulong ng kahit na sino. Dahil malakas ang koneksyon nito. Isang prodigy si Lord Cedrick kaya ito rin ang pinakapaboritong anak ng ama nito. Hindi magtatagal ay ito na rin ang magiging tagapagmana ng Lowell Corporation at iba’t-iba pang malalaking negosyo ng pamilya nito. Isa ngang prodigy si Lord Cedrick kaya hindi rin niya mabasa kung ano ang tumatakbo sa isipan nito at ano ang koneksyon nito sa baby sa ospital. Hindi kaya anak nito ang baby na iyon? Pero masyado pa itong bata para magkaanak. Napailing siya sa naisip. Habulin ng mga babae si Cedrick pero imposible itong pumatol sa isang mahirap na babae lang. Ni ang mga kaibigan nito ay piling-pili at lahat ng mga nakakasalamuha nito ay parte ng alta sosyedad at bilang kababata nito ay halos nakilala niya ang lahat ng mga babaeng na-involve na rito kaya imposible iyon. Pero bakit pinakukuha nito ang baby? At ang malala ay pinapanakaw pa nito kanina ang bata. Kung anuman ang tumatakbo sa isipan ni Lord Cedrick ay hindi na niya alam. Ang alam lamang niya ay kailangan niyang sundin ang pinagagawa nito. Dahil kung hindi ay alam niya na hindi ito mangingimi na patayin siya sa kabila ng tagal ng pagsasama nila mula pagkabata. ---------------------------------------------------------------------------------------------- Ilang buwan pa… Natanggal sa trabaho si Rodrigo kaya naman sobra ang panlulumo ng asawa nitong si Betchay. At ang masaklap pa ay wala nang gustong tumanggap sa trabaho ng asawa niya na siyang pinagtataka nilang pareho. Isang taon na halos itong naghahanap pero wala pa rin. Sa ngayon ay ang paglalabada niya ang kinabubuhay nila at ito naman ay namamasada ng trycicle. Magkagayunpaman ay kinukulang pa rin sila. Lalo pa at mataas ang upa ng bahay doon at ni wala na silang kuryente dahil naputulan na. Kapag tumagal pa ng ganoon ang sitwasyon nila ay hindi malayong mamatay na talaga sa gutom ang mga anak nila kaya kailangan nilang gumawa ng paraan para kumita. Nahinto siya sa pagpaplantsa nang biglang umiyak si Baby Elise. Kumuha sya ng bote ng gatas at nilagyan iyon ng tubig na galing sa gripo at asukal. Iyon lang ang kaya niyang ipainom dito dahil ni hindi sila makabili ng gatas. Ni pampakulo nga ng tubig ay wala sila dahil hindi rin siya makabili ng gas. Iyak pa rin ng iyak ang bata kahit binigyan na niya ito ng maiinom. Halatang ayaw nito ng basta tubig na may asukal lang. Naiiyak na siya sa sitwasyon nila. Hirap na hirap na siya sa buhay. Bakit ba hindi na dumarating ang swerte sa kanila? Hindi naman siya nagkukulang sa pagdarasal. Pero bakit parang may humaharang sa mga swerte nila? Hanggang sa nabulabog siya ng malakas na ingay sa labas. Mula sa bintana ay bumungad siya roon at nanlaki ang mga mata niya nang makita kung sino ang nakahandusay sa kalsada na nasagasaan at tinakbuhan ng nakasagasa rito. Si Calvin, ang panganay niyang anak! ---------------------------------------------------------------------------------------------- “KINAKAILANGAN niya ng operasyon, misis. Kapag hindi siya naoperahan ay mapapahamak siya." Iyon ang sinabi sa kanila ng doktor nang madala nila ni Rodrigo si Calvin sa ospital. “Operasyon? Magkano po ang kakailanganin para sa operasyon?” nag-aalalang tanong ni Rodrigo. “Humigit kumulang five hundred thousand, mister. Kailangan talaga ito dahil kung hindi siya dadaan sa isang operasyon ay maaaring anumang sandali ay ikamatay niya ito,” malungkot na sabi ng doctor. At doon ay hindi na nakapagpigil pa si Betchay. Napahagulgol ito ng iyak sa bisig ng asawa. ---------------------------------------------------------------------------------------------- “ANONG gagawin natin, Rodrigo?! Mamatay na ba si Calvin? Hindi ko kaya iyon, hindi ko kayang mawala sa atin ang anak natin.” Patuloy sa pag-iyak si Betchay hanggang sa makalabas na sila sa ospital at nakaupo na ngayon sa isang sa bench sa labas. Niyakap na lang ni Rodrigo ang asawa. Dahil kahit siya ay halos nababaliw na rin sa pag-iisip kung saan siya kukuha ng ganoong kalaking pera. Wala siyang magawa para sa pamilya niya dahil isa lamang siyang trycicle driver ngayon. Kung hindi lang sana siya nawalan ng magandang trabaho ay wala sanang magiging problema. Wala ring maitulong ang mga kamag-anak nila dahil napakalaking halaga ng five hundred thousand. Kung hihingi naman sila ng tulong sa gobyerno ay nasisiguro niya na hindi gano'n kalaki ang maibibigay ng mga ito at dadaan pa sila sa mahabang proseso. Kailangan na ng madaliang pera ni Calvin dahil delikado ang buhay nito. Masakit mang tanggapin pero wala na silang ibang magagawa kundi ang maghintay na lang ng kamatayan ng kanilang anak. Ang sakit-sakit… Nang may isang lalaking naka-formal suit ang lumapit sa kanila. “Maari ko kayong tulungan sa problema ninyo. Ang bayad para sa lahat ng gastusin sa ospital at maging sa operasyon ni Calvin. Wala na kayong dapat alalahanin pa. Pag-aaralin din namin ang mga anak ninyo. Magkakaroon ka ulit ng trabaho, Mr. Rodrigo at magiging maginhawa ulit ang buhay ninyo," sabi ng lalaki. “Sino ka? Bakit mo kami kilala?” nagulat na tanong ni Rodrigo. Inilabas naman ng lalaki ang calling card nito at inabot sa kanila. "Raven Travino? Isang butler ng lalaking nagngangalang Black Crow? Anong kalokohan ito?!” hindi makapaniwalang tanong niya. “Malinaw na nakasaad diyan na isa lang akong butler. Hindi ako kundi ang master ko ang gustong tumulong sa inyo. Pero isa lang ang hinihingi nyang kapalit. Ang baby na kapapanganak mo lang, Mrs. Cadwell," pormal na sabi ng lalaki. Nabigla ang mag-asawa. “Sino ba ang Black Crow na ito? Gusto niya bang ampunin ang anak namin? I’m sorry pero hindi kami papayag! Mahal na mahal ko ang anak ko!” Inis na sabi ni Betchay. “Sa kalagayan ninyo ngayon, sa tingin ba ninyo ay may pagpipilian pa kayo para tumanggi? Mas pipiliin ninyo pa ba na mamatay ang panganay ninyong anak kaysa ang ipaampon ang bunso ninyong anak?" Natigilan sila sa sinabi ng teenager na butler. "Mayamang tao ang pinagsisilbihan ko. Mabibigyan ng magandang buhay ang mga anak ninyo kapag pumayag kayo sa gusto niya," muling sabi ng lalaki. “Anong gagawin natin, Rodrigo? Ayaw kong mawalay sa atin ang anak ko, mahal na mahal ko si baby!” Umiiyak na sabi ni Betchay. Inalo niya ang asawa. Hanggang sa maya-maya ay bumuntong-hininga siya. “Ang Black Crow na ito, anong klaseng tao siya?” Nanlaki ang mga mata ni Betchay nang marinig ang sinabi niya. “Rodrigo, anong sinasabi mo? Hindi natin ibebenta ang anak natin! Hindi ako papayag!” ma-emosyonal na sabat ni Betchay. "Wala na tayong choice, Betchay! Gusto mo bang mamatay si Calvin? Gusto mo bang wala tayong magawa para sa anak natin?!” pagsigaw na niya na nakapagpatahimik kay Betchay. Ayaw man nilang aminin pero alam nilang parehas kung ano ang dapat nilang gawin. Kaya naman umiyak na lang ito ng tahimik. “Ginoo, sabihin mo sa amin kung anong klaseng tao ang gustong umampon sa anak namin,” pakiusap ni Rodrigo sa lalaki. “Kinalulungkot kong sabihin pero hindi ako pwedeng magsalita. Mahigpit na pinagbilin sa akin ng Black Crow na hindi ako maaaring magbanggit nang kahit anumang bagay tungkol sa kanya. Masyadong pribado ang amo ko at hindi niya gustong i-involve ang sarili niya sa inyo. Gusto niya lang na makuha ang baby," pormal pa rin na sagot ng butler. Ngumisi siya ng mapait. "Para ba hindi namin siya magawang habulin pagdating ng panahon? Ibibigay namin ang anak namin sa kanya nang hindi man lang namin alam kung sino siya?”sabi niya. “Kayo ang may kailangan sa aking master, Mr. Cadwell. Hindi kami ang dapat na mag-a-adjust kung hindi kayo. Hindi namin kayo pinipilit kung ayaw ninyo dahil marami pang mga sanggol ang pwedeng ampunin ng master ko na higit na mas maganda kaysa sa anak ninyo." Akmang tatalikod na sana ang butler pero hinawakan na ito ni Rodrigo paharap. “Sige, pumapayag na kami." Pikit-mata nang pumayag si Rodrigo. Marahil ay ito na ang pinakamalaking desisyon na gagawin niya sa buong buhay niya. Napangisi ang butler at agad na nitong inilatag ang mga papeles na naglalaman ng mga kasunduan nila para sa pagkuha ng mga ito kay Elise. ---------------------------------------------------------------------------------------------- NANG ARAW DIN NA iyon ay naisagawa na ang mabilisang operasyon para kay Calvin. Nabayaran ang lahat ng utang sa ospital at binigyan ng malaking halaga si Rodrigo. Lumipas pa ang ilang linggo at naging successful ang operation. Naiuwi na rin nila si Calvin at naroon na sila sa bahay nila. Nagulat pa sila noon nang makitang pinaayos rin pala ni Raven ang bahay nila noong dumating sila. Alam nila na sinusuhulan sila nito. Kaya naman nang bumisita ito sa bahay nila ay inihanda na nila ang sarili para ibigay si Baby Elise rito. Masakit pero kailangan nilang gawin iyon bilang pagtupad sa kasunduan. “Hindi pa ngayon kukunin ng Black Crow ang baby. Ang sabi niya ay dapat na lumaki si Elise na may kinaginasnang mga magulang. Kaya binigyan kayo ng pagkakataon ng master na palakihin ang baby hanggang sa siya ay magdalaga. Huwag kayong mag-alala dahil bukod sa allowance na ibibigay sa inyo ng Black Crow ay bibigyan niya pa ng trabaho si Mr. Cadwell. Siya rin ang magpapaaral sa inyong mga anak. Mabubuhay kayo ng masagana at maginhawa pero kapag dumating ang araw na kailanganin nang kunin ni Black Crow si Elise ay kailangang ibigay ninyo siya sa kanya sa ayaw n'yo man o sa gusto bilang pagtupad sa kasunduan. Kapag dumating na ang panahon na iyon ay hindi na ninyo siya pwedeng gambalain at makita pa kahit na kailan. Iyon ay dahil magiging pag-aari na siya ng Black Crow," mahabang sabi ng butler. "Ano ba talaga ang balak ng master mo sa anak namin? Ang buong akala namin ay gusto niyang mag-ampon ng baby pero ngayon ay sinasabi mo na hihintayin muna niyang magdalaga ang anak namin bago niya kunin? Huwag mong sabihin na isang pedophile ang amo mo at balak niyang gawing s*x slave ang anak namin?!" Hindi na niya maiwasan ang magtaas ng boses dahil sa naisip niya. Pumayag lang sila na ibenta si Elise dahil ang buong akala nila ay magkakaroon ng magandang buhay ang anak sa piling ng mga mag-aampon ditong bagong mga magulang. "Kung anuman ang plano ng aking master ay hindi ko rin alam. Sinusunod ko lamang ang mga pinag-uutos niya at ganoon din ang dapat ninyong gawin," wala pa ring reaksyon ang mukha ni Raven. "May asawa ba ang amo mong 'yan, Raven? Pag-ampon ba talaga ang intensyon niya para sa anak namin?!" Hindi pa rin siya matigil sa pagtatanong. "Kung tutuusin ay wala na kayong karapatan pa na magtanong. Simula nang araw na ibinenta ninyo ang anak ninyo sa Black Crow ay nawalan na kayo ng karapatan sa kanya. But to answer your question, walang asawa ang Black Crow and I don't think that he has plan to get married yet. Ni wala siyang sineseryosong babae. Kung anuman ang plano niya sa anak ninyo ay wala akong alam. At nakakatakot ang maaring sapitin ko at sapitin ninyo kapag pinilit pa ninyo na alamin ang mga bagay tungkol sa kanya." "A-anong ibig mong sabihin?" "Ngayon pa lamang ay binibigyan ko na kayo ng babala. Delikadong tao ang Black Crow. Hindi siya mangingiming ipapatay ang buong pamilya ninyo kung magtatangka kayong tumakas at hindi tumupad sa kasunduan. Ako mismo ay may malaking takot sa kanya kaya kung gusto pa ninyong mabuhay ay sumunod na lang kayo. Magpasalamat na lamang kayo na makakasama pa ninyo ng ilang taon ang anak ninyo.” Natahimik silang mag-asawa. Dapat nga ba silang magpasalamat? Kung tutuusin ay parang mas magiging masakit pa para sa kanila na mamulat si Elise na sila ang kinikilalang magulang pero kakailanganin nitong umalis pagdating ng panahon. Nasisiguro nila na kamumuhian sila ng anak nila. Pero sa tingin niya ay tama si Raven. Hindi birong halaga ang nilabas ng Black Crow para sa lahat ng ginastos nito sa ospital at binigyan pa siya nito ng malaking halaga. At patuloy pa ito na gagastos ng malaki sa pagdaan ng mga panahon. At ang lahat ng iyon ay para lamang kay Baby Elise. Pero bakit? Sino ba talaga ang Black Crow? ---------------------------------------------------------------------------------------------- "NAGAWA mo ba ang pinapagawa ko? Nasabi mo ba sa kanila ang deal?" Nang makalabas si Raven mula sa medyo may kalakihan nang bahay ng mga Cadwell ay iyon agad ang naging tanong ni Cedrick. “Yes, master. Tinakot ko rin sila at sinabi ang mga bagay na kaya ninyong gawin kung hindi sila susunod,” magalang na sagot ni Raven. “Mabuti kung ganoon. Siguraduhin mo na sumusunod sa kasunduan ang mag-asawa na iyan at patuloy mo lamang na matiyagan ang baby. Siguraduhin mo na hindi na ulit magugutom si Elise," seryosong sabi niya. “Yes, master," wala pa ring emosyon na pagsagot ni Raven. Iyon lang at pumasok na rin sa loob ng kotse si Raven at pinaandar na nito ang sasakyan. Nakapangalumbaba na nakatingin lamang si Cedrick sa labas ng bintana habang nag-iisip. Ito pa lang ang umpisa, Madisson. Nakulong ka man sa katawan ng isang sanggol ay hindi mo pa rin ako matatakasan. Dahil akin ka lang… Iyon ang tumatakbo sa isipan niya. Hindi siya papayag na maulit pa ang nangyari noon na naagaw ng ibang lalaki ang pagmamahal ni Madisson. Dahil para lamang sa kanya ang pag-ibig nito at walang kahit na sinuman ang makakahadlang sa kanya. Kahit pa ang kamatayan...

editor-pick
Dreame-Editor's pick

bc

My Godfather My husband

read
268.7K
bc

The Billionaire's Obsession

read
2.6K
bc

Abducted (R-18) (Erotic Island Series #1)

read
496.5K
bc

POSSESIVE MINE

read
967.1K
bc

Their Desire (Super SPG)

read
956.5K
bc

Tainted Hearts (R-18) (Erotic Island Series #4)

read
313.9K
bc

A Night With My Professor

read
493.2K

Scan code to download app

download_iosApp Store
google icon
Google Play
Facebook