ماجمل اللقاء بعد عذاب الفراق

فلاش باك 2015 ارضية مليانه ورود مقطعه وتحف مت**رة وعروسة بفستان ابيض قاعده على سريرها بتعيط وهى دى صاحبة كل حكايتنا وابتديت وهى بتحكيلنا اللى حصل فى حياتها من اول الحكاية لحد اخرها (واحنا بنات صغيرين كبرنا على القصص الخيالية وحواديت الاميرات ومن اكتر القصص اللى كانت بتاثر في اى بنت هى قصة سندريلا اتعلمنا من قصة سندريلا حاجتين مهمين اولهم هى اهمية الحذاء طبعا فاكرين ان هو ده السبب فى ان الامير يعرف يوصلها وتانى حاجة ان فيه احتمال مجرد احتمال اننا نعيش قصه حب مع اميررر وفى القصص الخيالية بتخلص قصص الحب بالجواز والامير وحبيبته بيعيشوا فى تبات ونبات وبيخلفوا صبيان وبنات وبيعيشوا سوا احلى حياة بس للأسف مش ده اللى حصل معايا وكانت النهاية بتاعت حكايتى غير نهاية اى قصة من القصص الخيالية اللى كنا بنحبها ونتعلق بيها صحيح هى كانت نهاية حزينة وتوجع القلب صحيح فرحتى ان**رت وانقهرت لكن انا ابتديت احاول اسعد عرايس تانيه غيرى انا منظمة حفلات وافراح ونسيت الكارثة اللى حصلت معايا من 5 سنين وكملت حياتى ودلوقتى بقيت احسن بكتيرررررررررر جدا) بااااااااااك 2021 ونرجع لبداية احداث الحكاية فى جاردن كبيرة جدا بتطل على بيسين كبير وعلى مسافة من البيسين بيظهر شاطئ البحر الموجودين داخل اوتيل كبير من الاوتيلات اللى موجودة فى الجونة بمدينة الغردقة موجود عمال كتير وموظفين بيشتغل كل واحد منهم فى تجهيز لحفلة زفاف جديدة لشخصية من الشخصيات اللى لهم اسم كبير فى المجتمع كان الاوتيل ده من اشهر الاوتيلات اللى بيتعمل فيها حفلات سواء زفاف او حفلات خاصة بالسنيما او حتى حفلات خاصة او حفلات تكريم لأنه من الاماكن المميزة كموقع ومساحة وكمان تنظيم وادارة وكانت بطلة قصتنا هى المسؤله دايما عن تنظيم كل الحفلات اللى بتحصل فى الاوتيل كانت من المنظمات المتميزين واللى فى الفترة الاخيرة كانت بتحصل على شهرة واسعه فى مجالها بسبب اجتهادها وتميزها واختلاف افكارها دايما فرح كانت بتحب تشرف على كل تفصيله فى التجهيزات مكانتش بتحب ابدا تعتمد على متابعة اى شخص تانى مهما كانت ثقتها فيه لشغلها او متابعة حد من مساعدينها على العمال والموظفين فى حفلة النهاردة فرح بتتابع كل التفاصيل وكل العمال وهي عماله بصوت عالى تعدل على كل حاجة محتاجة تعديل وتظبيط في المكان فرح.اية ركزى فى اللى بتعمليه من فضلك عايزين نخلص الشغل بدرى فرح.يلا ياشباب استعجلوا شوية فى التجهيزات ايه البطء ده فرح,سحر يلا ابدائى افرشى الترابيزات هناك فرح.يلا ياحبيبتى حطى اللى فى ايد*كى دول فى النص هناك فرح بصوت عالى بتحمس الموظفين.ياسحر فى ايه مستنيين ايه يلا مفيش وقت اخلصوااا كانت بطلة قصتنا متحمسة جدا لشغلها وبتحب تنفذ كل حاجة تحت اشرافها حتى لو كل العمال شايفين شغلهم لكن كانت دايما بتهتم بتفاصيل التفاصيل بدقة من اول التجهيزات اللي بتتفق عليها مع العريس والعروسة لحد اخر لحظة في الحفلة وصلت العروسة والعريس وكان المكان جاهز لأستقبالهم ودى من اهم الحاجات اللى بتسعد بطلتنا لكن دايما فى اللحظة اللى بتشوف العريس والعروسة بيرقصوا اول رقصه سوا هى بتسرح لدنيا تانية ويمكن بتفتكر كل اللى حصلها واحلامها وترتيباتها وبتتخيل لو كان فرحها كمل زى ماكانت بتحلم هى وحبيبها او اللى كانت فاكرة انه حبيبها وسام ابن صاحبة الاوتيل شاب وسيم وصاحب شخصية قوية وستايله شيك جدا ب استمرار سواء في الفورمال او حتى الكاچوال كان هو اللي بيتابع شغل شركة والدته مدام اسما وبيحاول كمان يتابع معاها شغل الاوتيل وسام.اهلا وسهلا ياست الكل اسما ودى ام وسام ولانا احد ابطال قصتنا صاحبة شخصية قوية جدا وقيادية كمان بتهتم جدا بكل التفاصيل وشغلها مهم جدا بالنسبالها منفصلة عن جوزها من فترة طويلة بعد قراره ب انه يتجوز واحدة تانية غير اسما ام اولاده وسابهم وسافر كانت نظرتها لوحدها بتوتر الموظف اللي واقف قصادها ايا كانت درجة كفأته اسما.ايه ده انت بقيت بتتكلم زيهم اهو (قصدها موظفين الاوتيل) وسام.تقريبا م انتى سايبانى معاهم طول الوقت فرح البطلة.اهلا وسهلا مدام اسما اية وهى المساعدة لأولى لفرح.شرفتى يامدام اسما اسما لبطلتنا فرح فرح تعالى عايزة اتكلم معاكى شوية وسام.ماما هستناكى انا برة فى العربية اسما.ماشى حبيبى مش هتأخر عليك يلا يافرح ورايا اسما.فرح انتى عارفة انى دايما ببقى مستنية منك تعملى كل حاجة مش بس بأحسن طريقة لا بأحسن الاحسن كمان بستنى منك دايما انك تهتمى بالتفاصيل واى مشكله تواجهك بحب انك تحليها بهدوء وبرود اعصاب دايما علشان يخلص الفرح ب احلى واشيك نتيجة صح يافرح فرح.اكيد طبعا صح بس هو انا طيب يامدام اسما عملت ايه لأن انا مش فاهمة كلام حضرتك الحقيقة هو انا حصل مني اى حاجه غلط طيب وانا مش واخدة بالى او عن غير قصد؟ اسما.بالع** يافرح انتى عملتى كل اللى انا كنت مستنياه وقولتلك عليه ده واكتر منه كمان وعشان كده تستاهلى فرح.استاهل ايه يامدام اسما اسما.السنة دى هيكون عندنا اهم حفلة زفاف حصلت فى تاريخ المكان بتاعنا زفاف بنتى وانتى يا فرح اللى هتكونى مسؤله عن حفلة زفافها من الالف للياء ومش بس كده بعد الفرح ابنى وسام هو اللى هيستلم الادارة مكانى وانتى اللى هتستلمى مكان وسام بعد مايستلم المنصب الجديد يعنى هتعتبرى يافرح على رأس الشركة فرح بسعاده.شكرا اوووى شكرا جدا جدا يامدام اسما انا مش عارفة ايه الطريقة المناسبة اللى اقدر اشكر حضرتك بيها اسما.فرح لما تنجحى فى شغلك بمجهودك واجتهادك يبقى مفيش داعى انك تقدمى الشكر للشخص اللى قدر مجهوداتك لانه مش صاحب فضل عليكي هو بس قدملك اللى انتى فعلا تستحقيه مستنياكى بكرة الصبح عندى فى البيت علشان اعرفك على بنتى العروسة فرح.اكييد دى حاجة تشرفنى سابتها اسما ومشيت وكانت فرح طايرة من الفرح جت صاحبتها.فرح خير كانت عايزة ايه فرح.مش هتصدقى خبر بمليون جنيه صاحبتها اية.خير يارب فرح.انا اترقيييت اية بفرحة.لاء بجد.مبرووك وحضنت فرح بمنتهى السعادة الحقيقية بينهم تستحقيها يافروحتى تستحقيها فرح بفرحة.الله يبارك فيكي ياقلبى فى صالة مطار واقفة لانا بنت جميله ورقيقة بشرتها بيضاء وعنيها ملونة وشعرها اصفر طوله متوسط دلوعة جدا مستنيه الشاب اللى لسه واصل من السفر طويل وعريض وشعره **تنائى وعنيه ملونة وده بطل قصتنا اسمه ريان وهو خطيب لانا اول ماشافته اخدته بالحضن وباين على ملامحهم هما الاتنين السعادة لانا بمنتهى السعادة.حمد الله على السلامة الف حمدالله على السلامة ااااه لو تعرف اد ايه وحشتنى وحشتنى وحشتنى الشاب بضحك وتقل كمان .للدرجة دى وحشتك فى اسبوع واحد بس لانا بدلع.اسبوع واحد انت شايف المدة دى قليلة انت واحشنى من اول ثانية سيبتنى فيها ريان انا بجد ندمت جدا انى انا رجعت قبلك وسيبتك هناك من غيرى يلا يلا العربية واقفة برة مستنيانا ريان.يلا ماشيين وهى حاطة ايديها على خصره وهو حاطط ايديه على كتفها لحد ما خرجوا وركبوا العربية سوا والبنت طايرة من الفرحة لانا متحمسة.ياااه اد ايه وحشتنى والمكان ده وحشنى معاك مش متخيل انا كنت ازاى بتمنى انك تيجي معايا كل ماكنت باجى هنا فى الصيف كان ريان مركز فى المناظر اللى على الطريق وباصص من شباك العربية وحتى لما رد عليها وقالها اه فعلا معرفناش نظبطها ولا مرة كان بيرد عليها وهو باصص فى اتجاه شباك العربية مش فى اتجاه البنت اللى بتتكلم لانا.ماما ابتديت تجهز كل حاجة علشان الفرح على فكرة وبعدين انت مش جاى بقى علشان تقضى وقتك كله فى الشغل وفى الاوتيل فى شوية وقت لينا احنا بقى وتسيب شوية وقت ليا انا حبيبتك لانا اوك ريان.اكيد يالانا على اد ما هقدر لانا.مبسوووطة انا مبسوطة جدا ومتحمسة اوى كمان حاسه ان كل حاجة هتكون حلوة نفسى كل حاجة تكون حلوة بس صح قولى انت ليه لغيت الحفلة اللى كانوا بيجهزوها علشانك دول كانوا عاملين علشان خاطرك مفاجأه تجنن وفرصه كنت هتشوف اهلك وتقعد معاهم شوية ريان.م انتى عارفانى يالانا انا مش دايما بحب المفاجات لانا.ريان انا بحبك ريان.وانا لانا.وووحشتنى اووى لانا كانت مدلعة جدا بحكم مستواهم المادى وتربيتهم والوسط الاجتماعى اللي عايشين فيه