Marco's Obsession (R18+)

*R18

*Not suitable for young readers

*Read at your own risk

'Kailanman ay hindi naging sagot ang pagtakbo sa isang kasalanan,

bagkus ay harapin mo iyon at kung kinakailangan ay pagbayaran.

Lagi rin 'yang laman ng iyong konsensiya at parte ng iyong nakaraan,

na kailanman ay hindi mo magagawang talikuran para takasan.'

Pagkatapos mabigo ni Marco sa una niyang babaeng minahal, mas pinili niyang lumayo para makalimot at para na rin takasan ang kanyang nagawang kasalanan. Sa kanyang paglayo ay ang tanging hangad niya ay makalimot at paghilumin ang sugatan niyang puso. Pero sa paglayo niyang iyon ay hindi niya akalain na muling titibok ng mabilis puso niya nang masilayan ang isang babaeng parang isang diwata ng kagubatan habang naliligo sa ilog.

Hindi niya itatanggi na nabighani siya sa taglay nitong nakahahalinang alindog, na gumising sa natutulog na parte ng kanyang pagkatao na noon ay hindi niya naramdaman sa ibang babae kahit na sa babaeng una niyang minahal. Pero pilit niyang itinaboy at inignora ang pakiramdam na iyon dahil hindi siya lumayo para sa bagay na iyon. Ang gusto lang niya ay makalimot at hindi kasama roon ang humanap ng babaeng bubuo sa nadurog niyang puso.

Pero sadyang mapaglaro ang tadhana dahil nakilala niya si Anamor Larosa-ang babae sa ilog, ang nag-iisang heredera ng hacienda na pagtatrabahuhan niya. Ang babaeng kayang gawin ang lahat mapansin lang niya dahil naniniwala itong silang dalawa ang nakatadhana para sa isa't isa.

Nasaktan, nabigo at lumayo. Ngunit sa paglayo niya kayang iyon ay magawa niyang makalimot at paghimumin ang sugatan niyang puso o may panibagong heartbreak ang magdudulot sa kanya nito?

Isang lalaking nasaktan dahil sa pag-ibig at isang babaeng kayang gawin ang lahat alang-alang sa pag-ibig. Pinagtagpo ang landas nila sa isang komplikadong sitwasyon, ano kaya ang kahihinatnan ng pagtatagpo nilang iyon? May pagmamahalan kayang mabubuo sa pagitan nila o mauuwi lang ito sa isang one-sided love na kadalasang nababasa sa isang nobela?