Right Love At The Wrong Time (COMPLETED)

Lumaki si Harieth sa Ampunan pitong taon ito nang ampunin ni Amanda. Masipag at mapagmahal na anak si Harieth. Mabilis lumipas ang sampung taon. Maraming nagbago sa buhay ni Harieth naging isa siyang prinsesa sa pangangalaga ni Amanda. Binigay nito ang lahat para lang kay Harieth dahil sabik itong magkaanak. Alam nitong masasaktan ang dalaga kung ipagtatapat ang sakit nito. Kaya mas minabuti nitong itago ang kanyang sakit. Hanggang sa binawian ito ng buhay isang taon na ang nakakalipas naiwan magisa si Harieth. Lumaki itong maganda at talagang maalindog. Ang sexy nitong katawan at ang Malaki nitong dibdib ang nagpaangat sa diyosa nitong katawan. Sinamahan pa ng kanyang malaanghel na mukha. Matalino ito kung kaya’t kahit anong trabaho ay kaya nitong pasukan. Dala dala ni Harieth ang apelyidong Santos ni Amanda. Ngunit ang totoo niyang apelyido nito ay Villamir. Alam din nito na may asawa ang Mama Amanda nito na si Samuel. Nakuwento rin ni Amanda dito ang tungkol sa pagiwan sa kanya nito. Naging masaya si Harieth sa loob ng sampung taon na inalagaan siya ni Amanda. Umalis si Harieth sa mansion ni Amanda isang linggo palang itong nalilibing. Dahil sa pagtatangkang pagsamantalahan ni Samuel si Harieth. Walang takot na pinukpok ni Harieth si Samuel ng lampshade. Tumakas si Harieth mula sa opisina ni Samuel ng gabing iyon. Walang itong dala na kahit ano kahit ang cellphone nito ay naiwan nito. Alam niya din na makapangyarihan si Samuel maari siya nitong ipahanap. Kung kaya’t nagpalit ito sa pangalang Magdalena. Sa loob ng ilang buwan ay pagala gala ito ng kamaynilaan. May isang tinderang may magandang loob na kumupkop dito at siya si Aling Tina. Nagsilbi ito bilang isang katulong sa karinderya nito. Ilang buwan rin nanatili si Magda dito. Hindi nagtagal at pinalayas din siya nito dahil pinagbintangan na nagnakaw ng pera. Nung araw rin na iyon ay nakilala niya si Berna. Tinulungan siya nito na makahanap ng trabaho at yun ay ang pagiging waitress niya sa bar. Hindi rin kinaya ni Magda ang trabahon iyon kung kaya’t sa flowershop ang bagsak nito. Kulang na kulang ang sinasahod nito kung kaya’t pati ang pagmemekaniko ay pinasok niya na rin. Madaling natuto si Magda bilang isang mekaniko. Kung tutuusin sa gandang mayroon siya ay kabaliktaran ng trabahong kinahiligan niya. Nagiipon siya para makapagaral ulit sa darating na pasukan. Isang magandang umaga ng magtungo si Magda sa talyer ni Kalino excited ito. Dahil alam niyang maraming customer si Kalino pagtuwing linggo at hindi siya mazezero. Dito niya nakilala si Martin ang lalakeng nabighani sa kagandahan niya. Madaling natapos ni Magda ang sasakyan na pinaayos sa kanya. Laking paghanga ni Kalino sa kanya dahil siya lang din ang matiyaga na nagayos nito ng wala pang isang araw. Kung kaya’t ganuon nalang ang panghihinayang nito ng sisantehin niya si Magda ng araw na iyon. Sa hindi malaman dahilan ay mas minabuti na Kalino na tanggalin na ito sa trabaho. Bago pa naman nito paalisin si Magda ay inabutan niya ito ng pera upang panimula nito. Dahil sa kakulangan ng pagkakakitaan sinubukan nitong maghanap ng isa pang trabaho. Ang suwerte nga naman ay biglaan sa hindi inaasan ay napadpad ito sa isang lugar kung saan nakita niya ang nakapaskil na hiring sa isang bahay na kanyang nadaanan. Duon niya nakilala si Ate Josie iniwan nito ang kanyang contact number dito upang magaaply bilang isang katulong, nasabik ito sa laki ng sahod na nakapaskil duon kung kaya’t kahit pagiging katulong ay pinatos na nito. Sa hindi inaasahan pagkakataon ay si Martin ang amo nito. Dahil sa pagiging mabait naman nito kung kaya’t pumayag na ito magtrabaho bilang personal maid.Magiging maayos kaya ang pagtatrabaho ni Magda kung malalaman nito na may lihim na pagtingin ang kanyang amo. Matatanggap kaya ni Martin ang nakaraan ni Magda, kung malalaman nito ang lihim ng kanyang nakaraan. Paano maipaglalaban ni Magda ang lalakeng mahal niya kung ang ama nito ang dahilan ng kanyang paghihirap. Mapaninindigan kaya ni Martin ang kanyang pagmamahal kay Magda. Bakit kailangan masaktan ni Magda sa maling decisyon na nagawa niya. Is it worth fighting for.