bc

حلال ممنوع

book_age16+
29
FOLLOW
1K
READ
drama
tragedy
comedy
serious
like
intro-logo
Blurb

فاتن الفتاة الصغيرة المشا**ة تتزوج ابن عمها بطلب من اخيه الذي كان حبيبها منذ الصغر وتقع في دوامة بين الرفض والقبول ..

chap-preview
Free preview
تبادل قبل
حلال ممنوع. بعد ما خلصنه العشاء ركضت للمطبخ .. شلت المواعين وشمّرت عن ساعدي .. واستعديت للجلف. .. خلصت المواعين كلها .. نضفت المطبخ كملته طفيت الضوه وطلعت .. دخلت للهول امي ترضع اختي الصغيرة هيه ونايمه زين ماتخنگهه وذيج بعدها بنت نفاس .. اخواني متمددين وكلمن غافي بمكانه .. بدون غطاء ولا فراش ... صعدت للبيتونه .. وجان اسمع صوت الدي جي جاي من بيت عمي بصفنه .. اليوم حنة بنت عمي آمال .. احنه مارحنه للحنة لأن أمي استوها جايبة ومرة عمي گالت لأمي لاتجين تلزميها وبعد ماتخلف لان بعدج ماطالعة من الاربعين .. مرة عمي من نوع شكوكية وتأمن بهاي الشغلات ومتمسكة بيها هواي .. وانا كرامتي من كرامة أُمي .. فمارحت .. جاي اسحب الفراشات ... سمعت صوت ضحكة بنت .. اخذتني خطواتي لمص*ر الضحكات .. وخرت البردة.. فتحت شباك البيتونة ... ركزت بنظراتي على بيت عمي ادور على مص*ر الضحكات الي بعدها ترن بأذني. شفت على البلكونة بنيه لابسة فستان حفلات اسود يلصف من گد اللمعان .. قصير وكلوش .. ومخصر .. رجليها يلمعن سواد فستانها بارز بياض لحمها بشكل مغري. مصفوفة على الحايط مثل الل**بة وواحد من ولد عمي لازمها من خصرها وراسه برقبتها يشم مدري يبوس بيها. رفعت راسها ليفوگ تحرك شعرها .. قصير حد كتفها الضوة عليه منطي لون بني وتطگها ضحكات متتالية من حركاته الها وبوساته وهمسه نسيت نفسي ظليت اباوع عليهم وابتسامتي من الذان للذان الثانية مثل الي جاي يشوف فلم رومانسي ويا اهله ومستحي تسرسحت وطلعت راسي من حدايد الشباك يالله شكد حلو منظرهم شون رومانسيين شون حلويين يمته اتزوج وزوجي يسويلي هيجي يا صحيت على نفسي ويني ووين العرس توني عمري 15 سنة .. حسيت على راسي جلب بين حديدتين من الشباك وبما انه معوجه الحدايد بسرعه انحشك. ظليت اجر براسي اريده يطلع ماكو يمعود يبو الغيرة اطلع مو راح ننفضح. صارت گذلتي على وجهي وانحجبت رؤيتهم عن عيني ... جريت راسي وبعده مجلب بعدت گذلتي شفت جمال يباوعلي ومتوقف عن حركاته الرومانسية .. خوف*ني عيونه غمضت .. وسحبت راسي حييل حتى تعورت .. وابتعدت كم خطوة عن الشباك وگلبي يدك وايديناتي ترجف. بعد ماباوعت عليهم .. خمطت الفراشات ونزلت جوة ركض .. وصلت للهول انرگعت صفح بباب الهول ووگعت يم امي ووالفراشات طارت من ايديه.زين ما جيتت بالصغيرونه جان مردتهه مرد. گعدت امي مخرووعة .. هاا يممه هااا شبيج خو ما صار شي؟ ؟ اجه ابووج من البحر. .. لو شنو صار. گمت عدلت روحي بعدت كذلتي من وجههي اني شعري ولادي بگذلة متوسطة الطول حد ذقني لذلك كله تصير على وجهي مااحب اشيلها بقراصة. بعدني مرتبكه .. گتلها لاماما مااجه نامي نامي انت مدام نونه نايمه .. خلت ايدهه جوه راسها ورجعت نامت .. غطيتها وغطيت اخواني .. رحت لجنطة المدرسة طلعت كتاب الفيزياء وتمددت على المندر بصف الشباك بالهوول بارد كلش. لزمت الكتاب وبلشت اقراا بس بالي يم جمال ابن عمي والبنية الي ويا يمكن بنت خالته اسمها تغريد شايفتها من قبل .. بعده صوت الدي جي مالة الحنة يصدح. .. غفيت والكتاب بيدي .. گعدني صوت الباب خمنت انو اخوية الصايع اجه من يشوف ابوي يروح للبحر يستغلها فرصة ويسوي سوالف م**رة يفشلنه ويا الجيران. ابوي يشتغل صياد بللنج او قارب مخصص للصيد بالبحر بالبصرة ويظل اسابيع مايجي. خليت المخدة على راسي ونمت .. گعدت على صوت اختي الصغيرة تبجي وامي ماكو يمها .. رحت اخذتها خليتها بحضني واهز بيها حتى تسكت وبعيني النومة. گام اخوية عدولي عمره 8سنوات .. يباوعلي ومنعس .. ظل يتمطط ويفرك بعيونه .. گال بطة بيش الساعة هسه ؟ جاوبته .. كم مرة گتلك لاتگوول بطة اني اسمي فاتن شنوو اسمي؟ ؟ .. اي فتوونه بيش ساعة هسه .. الساعة سته اله ربع. .. ظل يبجي گال .. نسييت مادرست املاء. صيحت بوجهه ويطبك طووب البارحة كله تلعب وهسه تبجي ظلل بلكي يض*بك الاستاذ حتى بعد ماتعيدها. طبت امي .. ليش تصيحين يا ماما مو اختج بحضنج هسه تتنزز .. گام عبدالله گال اووو مانگدر انام حتى بالدوام الظهريي .. الام .. سودة عليه گعدوك بصياحهم .. من يجي ابوك اكوله يكمل الغرفة مالتكم يلبخهه ويحطلها جام حتى تگدرون تنامون بيهه. فاتن .معصبة. ماما تعاي اخذي بنتج .انطيتها لأمي وگمت صحت . وبعدين بابا گال الغرفة هايه اليه اني مو الهم. عبدالله .. بعد احنه وين نخمد. فاتن .. ماادري شوفولكم مكان لو روحوا ناموا ويا اخوكم المصخم زهير. عبدالله .. مايريدنه 24ساعه يطردنه .. عادل .. انت مو راح تعرسين. فاتن .. انجب شنوو هالحجييي. عبدالله .. اني سمعت معتز يحاجيج من شباك المطبخ ويگولج انت راح اتزوجج راح تصيرين مرتيي. امي لطمت وجهه ولج شنوو هالحجي بطة؟ ؟ صحت جذاب ماما جذاااب. عزاااا ظليت اخزر بي واباوعله بنظرات تهديد ووعيد. طلعت من الهوول فشلانة كلش يااا هذا شوكت سمعه كله منك ياعزيّز المخبل .. رحت غسلت ترضيت وصليت .. ونوب رجعت للمطبخ شفت امي استحيت من نظراتها الي مبينة فاهمة كل شي. رجعت بخطواتي اريد اطلع صاحتني ونفسها النظرات منبثقة من عيونها .. تعاي وين رايحة .. دخلت بخجل للمطبخ .. هيه واگفة ع الطباج دتسوي بالريوگ. عادل گاعد بالكاع يم الصوبة گال وبيده القراءة مالته صاح .. تعاي بطة قريني شوية حنيت جسمي عليه جريته من اذنه گتله من تتأدب وتلفظ أسمي عدل يالموعادل اقريك. امي .. ولج يووم راح عليج هالاسم بعد ميكدر ميكوله الج. گلت .. شكد اكره اسم بطه . شحلاته بابا حبيبي ..يصيح الي تينه دصيروا مثله . ماما تكول من اني صغيرة كنت دبدوبة ومدنفشة وملامحي حييل بريئة الكل يصيح الي بطة. صاح عادل يله تينه يله .. ماما .. ولج فكعتي مرارته قرييه شووية بينما اسوي ريوك واستلمه. امري لله .. كعدت بصفه .. وظليت اقريي كم كلمة حفظته صبت الريوك امي .. تريگنه .. ورحت بدلت ملابس المدرسة .. اجه يمي عادل كال هاج هذا الج. اخذته منه قلم حبر فتح الغطاء مالته شفت بمكانه سلباية قلم جاف شايلها هو ومخلي بمكانه مالة الجاف ضحكت على عقله. گتله خلي الك .. أصر اله اخذه ... اخذته ودعت امي وطلعت امشي المدرسة قريبة علينة مسافة 10 دقايق مشي .. ولازم اروح على هيا بنت عمي .. وكفت يم باب بيتهم وتذكرت جمال والموقف مال البارحة ظليت ارجف يممه كون مايطلعلي استحي منه. هيه ثواني وانفتحت الباب غمضت عيوني وظليت افتح عين واسد الثانية وجان يصير جمال گبااالي .. درت ظهري اله اريد امشي .. اريد اهرررب جان اسمع صووته .. بطططططه ... يمه يمه يمه .. ياعزايه وياصخامييي .. ياابه بطت راحت طارت بس البط ميطير زين ذ*حوهاا وصارت تشرييب .. صاح تعاليييي فزييت .. درت وجهي وعيوني ع الارض الكلمة مدتطلع هاهاها يمكن مية مرة گلت هاا ويلله حجيت باحرف متقطعة . . صباح الخير جماال .. رد صباح النور .. واجه يمي تقرب .. باوعت اله لابس قميص ابيض،وبنطرون نيلي .. ولازم بايده كتب الجامعة .. لان هو مرحلة اخيرة كلية .. غمس اصابعه ب*عري گال ولللج بطه كبرانه وصايرة تباوعين على شغلات اكبر منج. وسحب ايده وهو يسحبها بعثر شعري وخبصه ووخر من يمي وراح صعد بسيارة الخط الي اجت عليه .. ظليت واكفه مادخلت انتظر هيا استحي ادخل لبيتهم من الصبح .. لشوية .. وكفت سيارة ونزل منها معتز اخو جمال الاصغر منه .. مخلي سترته على كتفه اليمين ولازمها بأيده .. يمشي ويتمايل بمشيته مو طبيعية .. شافني اجه وكف گبالي .. اباوعله وانصي بخجل .. لان ادري بكلامه وشراح يكوول. گال فدوة لبطتي. گتله اووو عزوز .. اروح فدوة لكلمة عزوز الطلعت من ل**نج ولج بطوطتي يمته تكبرين وابوج ينطيج الي. ضحكت بخجل ولك عيب احنه بالشارع وبعدين انت وين رحت من الصبح وهسه جييت. فدوة انوب تحاسبني.لا ولج جنت بايت يم احم صديقي. وبعدين ليش هيج رگبتك زرگة عاضك جلب؟ ؟ هههههه اي شون كلب ثلاثيني ..... شنو يعني ثلاثيني؟ ؟ يعني عمره 30 ... خررب هاي شلك بيها هو الجلب يكتل روحه عمره10لو 15 سنه. فدوة للفهاوة العندج ولج شبيج طالعه من البيت مامشطة شعرج .. كلت هاا ورفعت ايدي لشعري ارتب بي .. گال مو گتلج طوولي ولا تگُصييي حتى تشيلي وميتخربط هيج. ماريد يعجبني هيج. محلوووو ميخالف.عندي حلووو اووو خلي اروح انام البارحة منايم وخله ايده على حلگة يتثائب .. كتله صيح لاختك وياك تره تاخرنا. كال خوش بطوطتي .. هذا معتز من اني وصغيرة هذا كلامه وياية يكولي انت خطيبتي واريدج الي ويهتم بيه هوايه لحد ماتعلقت بي وصرت اريده من صدگ. مرات اكوله عزيز ومرات عزوز وهو يكيف .. تذكرت شعري شفت ليكدام سيارة واكفة رحت اركض شيطلعها هيا خانم. وكفت يم السيارة طلعت مشط صغير من جنطتي وظليت اعدل ب*عري وامشطة.جمال الخبيث خربطة .. انفتحت الجامة وولد كاعد خرعني جان يكولي هو انت منيلج شعر وتمشطين. عفته ورجعت باتجاه بيت عمي يمه شهالمواقف الخربانه من الصبح. طلعت هيا تفرك بعيونها .. حتى ماصبحت.ومشينة گالت اوووو البارحة مانمت كضيناهه رگص وهاي ام الفيزيا مقبلت تأجل الامتحان. اندارت عليه گالت شوفي بلله اكو بعيوني كحلة شكد نضفتها وماراحت. باوعت الها گتلها اي اكو شوية .. ظلت تنضف بعينها بالمنديل منا لحد ما وصلنه للمدرسة .. دخلنه للصف وظلينه نراجع .. اجت المدرسة جان عدنه درس انگليزي. المدرسة تشرح واحنه نكتب .. نورس الطالبة الي گاعدة بصفي. اخذت القلم الي اخذته من عادل .. گالت هذا قلمج؟ ؟ گتلها اي .. فتحته .. صاحت هذا قلمي ياجذابة ياحرامية شايلة الحبر منه ومخلية مكانه قلم جاف حتى لااعرفه؟ كتلها على كيفج اخذته من اخوي. المدرسة سمعت الضجة كالت كوموا اوكفوا شبيكم. نورس .. ست دائما تضييع اشيائي مني والگاهن عند فاتن وتنكر وتكول ملاتي. فاتن ... ست والله كذب هذا القلم مالتي انطانيا اخوي اليوم الصبح. كامت طالبة اسمها اديان .. كالت ست تسمحيلي تره اخو فاتن حرامي والله كل مرة يلزمونه بالمنطقة يبوگ. ظلن البنات يضحكن وقسم منهم يباوعلي بنظرات عطف وشفقة على انه اني مالي ذنب واكو يعرفن اني شنوو؟ اني مو هيج.!! صاحت بيهن المدرسة اسكتوو بلا ضحك بلا كلاام. وانت فاتن باجر تجيبين امج وتجيين. اريد احجي اكول الها امي استوها والدة سكتتني وگعدنا نزلت راسي دموعي وگعن بحظني طول اليوم ماحجيت بعد ولاگدرت ارفع راسي من الفشلة. بالحلة طلعت اريد اروح ويا هيا صرخت بوجهي وخرررييي وبعد ديري بالج تگوولين اني بنت عممج. عفتها ورجعت وحدي .. الظهر جاي اغسل مواعين ع الغده على الشباك السنگ .. شفت معتز دك الشباك وفتحه ظل يضحكلي كال هاا ماتجيين للعرس، تحسرت وحجيت لاا ماجي. ليش اذا ماعندج ملابس جديدة هسه اروح اجيبلج احلى ملابس. منين تجيبلي من اختك المحروسة مااريد خلي يكون عندك علم. لالا اختي شنوو اجيبلج جدد هسه اروح للسوك. ومنين عندك فلوس تاخذ من ماما وبابا! عندي معليج. انت ليش تريدني اروح شعليك بيه. ؟ اريدج تجين تتونسين ادري ضايجة مااريد... وروح منا لايشوفونك اخواني .. عفته ورحت ارتب الكاونتر .. دخل زهير اخوية .. جر كرسي وكعد گال بطيطة صبيلي غدا يلله .. انداريت وانا كلي حقد وكره اله .. گتله اصبلك سم وزمهرير وزقووم كله منك فاضحنه بالمنطقة يومية تطفر على بيت تبوكة سمعتي صارت زففت بالمدرسة والكل يتهمني على اني حرامية مثلك. كام من مكانه اخذ الكرسي وشمره عليه بس ماطخ بيه .. واجه لزمني من شعري ظل يعت بي واني اصيح واغلط عليه اريد اطلع النار الي شبت بروحي بسببه اليوم. وهو يض*ب ويعت براسي حسيت راح ينشلع بيده نبتت اضافري بأيده .. زاد بيه ض*ب. اجت امي بيدهه اختي الصغيرة .. تريد تفكه مني . . دفعها وگعت ماكدرت تكووم صياحنه صار عالي .. ماحسيت اله ومعتز بصفي ض*ب زهير بو** وگعه بالارض .. ختلت وراه معتز هيج حسيت بي هو الامان اليه .. ظل يصيح على زهير شبيك ولك تخبلت تريد تموتها هيج انت بلا رجولة وتتطاول على اختك وابوك ماموجود. كام زهير من الارض والدم يصب من خشمه .. زهير .. تعال اشوفك الرجولة شونها ياابو النسوان. وصاروا واحد يملخ الثاني .. اغراض المطبخ كلها وكعت على الكاع من شدة عركتهم. اني اصيح وامي تصيح ومانكدر نفكهم .. امي صاحت على اخواني يروحون يصيحون لعمي. راحوا صاحوله .. اجه هو وجمال .. وفاككوهم .. ظل عمي يغلط عليهم ادبسزية زعاطيط شبيكم ولكم ولد عم انتوا شخليتوا للغربة. زهير .. ابنك ابو النسوان هذا هو الي اتدخل بيني وبين اختي واجة ض*بني وبيتنا .. معتز .. ولك حرامي طايح الحظ جيت تموتها هيه هاي رجولتك تتمرجل على اختك وتض*بها. زهير .. عسى مااموووتها اذ*حها ارميها انت مااعليك. عموو .. انجبوو ادبسزية جهاال تف عليكم مااسمع الكم صوت. ويلله امشي انت ولك معتز للبيت .. ام زهير .. فدوة خوية اخذ فاتن وياك هذا يموتها اذا بقت هنااا اخذها على مايجي ابوها. فاتن ...اخذني عمي و رحت وياهم لان صدك جنت خايفه من زهير بس ماافتهمت ليش زهير يكول لمعتز ابو النسوان؟ ؟.. ----_---- تبعت عمي ووياه معتز وجمال خطواتي ثقيلة امشي واللتفت ورايه اخاف يجي زهير مااريد انكتل بعد مرة ثانية .. لان احس،جسمي م**ر ووراسي يوجعني من شدة ض*به اليه قبل شوية ماكو سياج بيننا وبين بيت عمي .. دنمشي بالمكان الي يفصل البيتين .. دافكر شون راح افوت من باب الاستقبال وهم عدهم عرس آمال اليوم .. واكيد بيتهم مايندفر من الخطار .. شون راح افوت ووجهي،مزورك وشعري مكفش وبتراك البيت! باوعت لمعتز .. سحبته من عگدة رداناته من يم قميصة. باوع لايدي ورجع باوعلي. گتله مااريد اطب من باب الاستقبال كدام الخطار هيجي. گرصني من حنكي گال فدوة لليستحون. ض*بته على كفه وخر ايده كال تعالي من باب الترك طبي .. لا ابقى هنانه بينما تجي الزفة ياخذون امال واطب. معتز .. دولي هسه ساعة 2 بعد وكت .. سحبني من ردان تراكي ودار بيه لوره البيت .. طبيت من باب الترك .. صاح لاخته هيااا ... مرة ومرتين .. طلت عليه من فوك الدرج .. وكالت هاا .. اني شفتها دنگت راسي .. گال للها تعالي نزلت اجت يمنه .. واني عيوني على الارض .. معتز .. هيا اخذي فاتن وصعدوا فوگ .. هيا .. شبيج فاتن شصاير الج؟ ؟ فاتن .. رفعت راسي باوعت الها بزعل ودرت وجهي عنها .. جانت مبدلة لابسة فستان مخملي ماروني وشعرها بف من فوك والجوة مفتوح وبيرمن .. معتز ..متعاركة ويا زهير دكولج اخذيهه راح تظلين تلغين دخذيهها وصعدي الفوگ .. فاتن .. سحبتني من ايدي وصعدنه فوك. دخلنه للغرفة محد جان اكو بيها .. هيا .. فاتن انت صدگ بگتي القلم؟ ؟ باوعت الها :- الله يدري بيه مظلومة وان شاءالله ينصفني .. هيا: - اني اسفة ع الكلام الگلته ماادري شون طلع مني بس والله خجلت كلش من صار االموقف .. فاتن :- اذا انت بس خجلتي لعد اني شنو اكول تذ*حيني ماتلكين بيه قطرة دم ماكو كلام يوصف حالتي وخاصة اني مظلومة وانت صديقتي من الطفولة ماتوقعتج هيج وياية؟ :- يلله هسه سامحيني وتعالي بدلي وامشي ويانه لعرس امال بالقاعة .. باوعت على جهه توجهت للجرباية وكعدت عليها. :- لا والله ولاالي نفس. روحي خاف اخرتج والله يسعدهاا ان شاءالله .. راحت واني بقيت وحدي .. گعدت بالارض،احس جواية بركان يريد ينفجر صعب ينوصف احساس المظلوم .. بعدهه الفشلة بيه شون راح اداوم باجر .. خليت راسي ع جرباية وجسمي ع الكاع .. ناديت ربي اني مغلوب فانتصر وظليت ارددهه .. وادعي ربي انت ادرى بمظلوميتي انصفني يارب .. بقى ل**ني يلهج بهذه الاية .. ((اني مغلوب فانتصر)) حدما غفيت .. ماوعيت اله على صوت باب الغرفة تندگ .. فتحت عيوني والغرفة ظلمة .. گمت من مكاني واتحسس الاشياء لحتى اوصل للباب وصلت لنقطة الكهرباء .. دست وانفتح الضوء .. فتحت الباب .. شفته معتز گبالي .. سديته ع نص بس بقيت فتحة صغيرة حتى اكدر احجي ويا واشوفه شنو يريد .. گتله هااا .. معتز .. تعاي بطوطتي جبنه عشا تعالي اكلي .. فاتن .. مااريد وسديت الباب دفعه بس اني بقيت لازمته بايدي .. باوعلي بحزن وكال راح تبقين جوعانه؟ :- منو گلك جوعانة .. اصلا تغدينه متاخرين واني مو بسرعه اجوع .. :- انت متأكدة يعني مجوعانة لو متريدين تاكلين لان ضايجة .. ؟؟ :- معتتتز؟ ؟؟؟ :- عيونه وروحه وقلبه؟ ؟ :- ليش زهير يكولك ابو نسوان .. ؟؟ ضحك بس حسيت ضحكته مرتبكة .. گال لعد هو ليش جان يض*ب بيج؟ ؟ اني سالتك لتجاوبني بسؤال .. :- شتترجين منه هذا اخووج اكيد يريد يسئ الي ويتهمني و اني لابيها ولاعليها .. هاا ... اي حياتي وراح ابقيلج اكل بالمطبخ من تجوعين وتنفتح نفسيتج انزلي اكلي .. دنگت وابتسمت بخجل گتله خوش وسديت الباب. حلو احساسي من يهتم بيه معتز .. رحت ادور بكتب هيا .. طلعت كتاب وظليت اقرا. الغرفة باردة ومااعرف شون اشعل الصوبة الكهربائية. ظليت اقرا لحد مااجو وصعدت يمنه مرة عمي كالت بس لازعلت امج؟ ؟ جاوبتهه لا عمه عادي امي قلبها كبير ومااتزعل وهيه هم اصلا تعبانه ومابيها تجي. :- يابنتي اني شسوي تدرين بية شكوكية وهي الشغلات كلش اللتزم بيها وحاجيت امج بالشقة وكلت الاحتياط واجب خاف انوب تنلزم ومايصير عدهه طفل ويرجعوها علينه وتنهضم. سكتت وهيه ظلت تحجي اخر شي كتلها ماادري بهاي الشغلات اني. كالت اني رايحة انام تعبت ..، راحت وظلوا بناتها يسولفن عن العرس والي صار بي وذيج شلابسه وهاي شحاطة! اني جعت كلش بس استحيت اكول جوعانة كتلهن رايحة للحمام .. تزلت جوة .. واتلفت خاف احد صاحي استحي كلش. زين ماكو احد .. رحت للمطبخ دورت الاكل الي كالي عليه معتز .. لكيته بالفرن طلعته كباب و**ونه صح بارد بس اني بطني توصوص. لو يمي معتز هسه هم احطه بال**ونه واكله .. رحت ع جاي تحسسته بايدي هم بارد كلش يربي. طليت من باب المطبخ بعدع هدوء كلهم نايمين اذا نشمر الابرة بالكاع ينسمع صوتهه. سخنت الجاي والاكل فد نوب .. صبيته اكلت وخلصت .. غسلت الصحن والكوب وخليته بالكاونتر وطلعت .. طلعت من المطبخ غسلت بالمغسلة .. واريد ارجع اصعد فوگ. صار گبالي جمال .. باوعتله يباوعلي بخبث ومبتسم. جمال .. اكول بطيطة زهير ليش بسطج ..؟؟!! فاتن .. هيجي .. رد رفع حاجبة وبعد مبتسم بخباثة .. جمال :- لازم مسوية وكاحة لانج صدووك صايرة وكحة هالايام متنجرعين حل زين يسوي بيج. فاتن .. باوعتله بخزر ووخرت من يمه شوية وكفت على اول باية من الدرج. گتله اسكت اسكت ابو السطووووووح .. شال كوشاية من على القنفة الي بالصالة .. ويريد يشمرها عليه .. وشردت ركض لفوك بس اسمعه گال اشتعلووو ا ... ضحكت وصعدت طبيت لغرفة البنات شفتهن نايمين بسابع نومة .. تعبانيين من العرس،... نمت والصبح كعدنا على صوت عمي يرزل بمعتز. عمي .. لك صار الك شكد ممداوم وانت هاي ثاني سنة بالسادس لك كوم لا اعرف شون اعاقبك والله اله اخليك تتحسر على الفلس .. نزلنه كلنا للمطبخ نتريك .. كاعدين على السفرة معتز يباوعلي ويغمز وعيونه منعسة وشعره مكفش. لشوية طبوا كمال ابن عمي ومرته وجهالهم وبيدهم جناطي .. تلكتهم عمتي .. :- هااا وين من الصبح؟ ؟ زوجة كمال "بلقيس " :- خاله اني رايحة الماما تعبانه كولش. :- ها اي بس ليش ماملبسة الجهال ملابس خطية باردة ومن الصبح جان كثرتي ملابسهم لايبردون. :-لا عمه ملبستهم يلله يلله حبايب تاخرنا. طلعت وتبعها كمال وراحوا. مرة عمي ظلت تهز بيدها معاجبها وتحجي وحدها وتقصد كمال الي طلع ورة مرته. تكول اي اتبعها يالطلي يالطلي. جمال: - يوم عود ليش طلي ؟؟ الام: - لعد غير يسمع حجي مرته. :- واذا ميسمعه؟ ؟ :- هذااا ذييييب لعد شعبالك. معتز ... ديالللله هو بالحالتين حيوان .. ضحكنا كلنا وزين منه الجاي ماطلع من خشمي. لشوية امي دزت عادل اخوية جابلي ملابس لبستهم ورحت للمدرسة .. بس الفشلة بعدها بيه وصلت لباب الصف صارت جنان گبالي سلمت عليها جانت مو جاية البارحة الوحيدة الي اباوعلها بدون مااحس بالفشلة لان ماحضرت موقف البارحة لان كانت غايبة .. دخلنه للصف وكعدت بمكاني وره جنان وهيا وبصف نورس بسطر الي على الشباك. اندارت جنان وبيدها قلم خلته بيد نورس باوعتله نفس القلم الي اخذته من عادل. اخذته نورس وظلت تباوعلي وتباوع لجنان. جنان: - نورس هذا قلمج جان عندي من يوم الاثنين نسيت انطي الج والبارحة غايبة اني مكدرت اجي حتى الامتحان فوتته .. اني انصدمت ومو بس اني لا حتى نورس،هيا هم معناهه الله ظهر الحق وانصفني مجرد تشابه بالاقلام لااكثر. اندارت عليه نورس كالت فاتن اني .. بعدهه ممكملة گتلها ولا كلمة منج اسمع هذا هوو خلص اتعلمي من خطأج ولاتتهمين الناس ظلم تره الله موجود. شكد حاولت تحجي وياي ومبين بنبرتها الندم لبستها وغلست عنها كرهتها كلش الي صار الي مو شوية. دخلت المدرسة كالت فاتن وينها امج وشوكت تجي. كمت مااعرف شنو احجي سكتت اصلا نسيت اكوللههه. كامت نورس كالت الها ست طلع القلم ويا جنان ناسيته وذاكه القلم لفاتن وفاتن ماباكته. صاحت عليها المدرسة غير تتأكدين يلله اتهمين صديقتج بالباطل هالشهر ناقص منج 5 درجات وراح اكول الكل المدرسات ينقصن منج همات. نورس .. لا ست عفية .. المدرسة .. يلله كعدي بمكانج ومااريد اسمع الج صووت. ماكنت اريد يصير الها هذا الشي بس لازم تتعلم من خطئها ويصير الها درس. خلص اليوم وطلعنا للبيت .. شفت زهير يم باب بيت عمي ظل ياشرلي جلبت بملابس،هيا ولج شبيج؟ ؟ ولج خاف يض*بني دروحي شوفي شنوو يريد. اجه يمنه تظاهرت بالقوة كتله وخر منا تره عمو بالبيت اصيحه عليك. بصوت مرتبك كال ارجعي للبيت وماسويلج شي. بس لاتكولين لابوي اني ض*بتج. كتله اكيد ناصب الي كمين تره اني اذا مااكوله العالم تكوله تكمز على سطوحهم وتبوك ببيوتهم. شفته عصب لزمت ايد هيا وركض للبيت .. بدلنا ملابسنه جان وقت غدا. تغدينا وصعدنه فوك .. للعصر اجت خالتهم ووياها تغريد نفسها حبيبة جمال لابسة تنورة قصيرة سودة وبلوز مخطط جوزي ورصاصي يريدون يرحون لامال يباركولها. صاحت عليها امها كالت الها تغريد ترحين ويانا. جاوبتها لا ماما ابقى يم البنات. راحت مرة عمي واختها اشو تغريد تبعت جمال للحديقة .. هزيت ايدي حجيت بقلبي خوش تريد تبقى يم البنات .. طليت عليهم من الشباك .. شفته جاي يهزها بالمرجوحة وهيه تضحك وصوت ضحكتها فضيحه. صارت عيونه على الشباك الي اني واكفة يمه حسيته شافني ابتعدت عنه .. ورحت يم البنات .. سلوى وهيا .. اندكت باب الغرفة سمعت صوت جمال يصيح بطة بطة .. طلعت اله كتفت ايديه باحتجاج كتله اسمي فاتن لو سمحت. كال يلله لاتزعلين دجاجة .. انتفصت بغضب اووو .. تهي بهي عود هيه معصبة دروحي روحي اخوج يريدج جوة .. خزرته .. واريد افوت .. كال لاتخزرين لا اطفي عينج هسه .. كتله روح روح ع سطح احسللك ينتظروك .. وشردت كال ايا بتل ... وماكملها .. ظليت اضحك .. نزلت شفت اخوي عبدالله .. كال ولج اجه ابوية .. صفكت هييييه اريد اطلع بلا نعااال .. بس تذكرت نفسي .. رحت اركض ليفوك اخذت جنطتي وملابسي ورحت لبيتنه .. شفته جاي كاعد بالهول بيده اختي يبوس بيها خطية امي جابت وهو ماشافها .. فرح من شافني كام بوسني على راسي. واني بوسته كعد ظليت ابوسه على اكتافه وراسه كال شعندج بيت عمج وشعجب عايفة امج وحدها. سكتت ماكتله على زهير شفت بعيونه التعب كتله رحت اقرا ويا هيا دراسة صعبة .. كال عفية .. اخذت منه ننه وراح للغرفة يرتاح. جاي من طريق طوويل .. لليل اجوي الجوارين علينه وحاجوا ابوي على زهير وسوالفه. ابوي عصب كلش شون هذا يش*ه سمعته لزمله كيبل مال كهرباء وحضره اله. ومن اجه استلمه وظل يض*ب بي. زهير عمره 20 سنة كل سنة يرسب وشالع قلبها لامي. ابد ماعدنه هيج واحد احنا. ابوي طول عمره رزقه بالحلال وهلكان من ااتعب وامي فقيرة ومن اهل الله مايوم مدت ايدها على شي مو الها. اخواني الصغار حسهم بالمنطقة مايطلع والكل يحبهم. بس زهير وماكايل ياالله خابص المنطقة خبص وخايفين لاتكون هاي بدايته لحتى يمشي بدرب موزين. وبعد هاي الكتله مندري اذا راح يمشي صح او راح يمشي بغير طريق ... للحكاية بقية ..

editor-pick
Dreame-Editor's pick

bc

رواية " معذبتي “ لنوران الدهشان

read
1K
bc

فتاة انحنت من اجل........الحب

read
1K
bc

جحيم الإنتقام

read
1.7K
bc

أنين الغرام

read
1K
bc

معشوقتي

read
1K
bc

بنت الشيطان

read
1.7K
bc

عشق آسر. (الجزء الثاني من سلسلة علاقات متغيرة ).

read
2.5K

Scan code to download app

download_iosApp Store
google icon
Google Play
Facebook