Sa unang kita pa lang ni Brianna kay Juaquin Montenegro, napansin na niya agad ang kakaibang karismang taglay ng lalaki. Guwapo. Makisig. Edukado. At higit sa lahat, Millionaryo. Ngunit dagling sinikil ni Brianna ang pagkaakit na naramdaman niya para sa binata. Wala siyang karapatang makadama ng ganoon para kay Juaquin dahil hindi siya nababagay rito. Isa lamang siyang alila kung ituring sa bahay ng kanyang madrasta. Higit sa lahat, si Juaquin ay pag-aari na ng anak ng kanyang madrasta na si Almira, na hindi makapapayag na maagaw ng iba ang lalaking pangarap nito. Ngunit ano ang gagawin Brianna kung malaman niya na siya at hindi si Almira ang tunay na interes ni Juaquin?