The Girl Who Sees Future

NAMUHAY ako bilang tao, normal ang mga bagay para sa akin noon.

Isang simpleng buhay, kapiling ang mga taong nagpalaki at nagaruga sa akin.

Buong pagmamahal ang ibinibigay nila para sa akin at hindi 'yun mapapantayan ng kahit na ano.

Bawat salita nila'y nagpapahiwatig sakin ng pag-asa. Upang patuloy na maging matapang sa tuwing kinukutya at kinamumuhian ako nang iba.

Ang mga ngiti nila ang laging nagtutulak sa akin para harapin ang panibagong bukas. Kahit na pakiramdam ko'y lagi akong inaapi ng kapalaran.

Sinanay nila akong maging mabait at masayahing tao. Ngunit ang lahat ng iyon ay panandalian lang pala, dahil nang mga sandaling nagunaw ang mundo ko, nawalan ako ng karapatan na maging masaya. Napuno ng pait ang puso, binalot ako ng kalungkutan. Nawalan ako nang pag-asa. Pag-asa na muling sumaya sa piling nila.

Nagbago ang lahat, maging ang pagkatao ko'y nagbago na din. Ang dating mahina, lampa, iyakin, at masayahin.

Lahat 'yun nagbago.

At nagsimula iyon ng malaman kong hindi ako normal na tao. Ang pagkatao ko, may kulang at hindi pala buo na inaakala ko.

Isa lamang ang laging paulit ulit na naglalaro sa isipan ko.

Sino nga ba ako?

Saan ako nagmula?

Bakit nagkaroon ako ng ganitong kakayahan?

At bakit nangyayari ito sa akin?

"Simple lang naman ang pangarap ko, 'yun ay maging masaya sa piling ng mga mahal ko sa buhay. Pero bakit parati na lamang itong ipinagkakait sa akin?"

- Claire

Si Claire ay isang babaeng ipinanganak na may dalang sumpa. Isang sumpang kailanman hindi niya matatakasan dahil kahit saan siya pumunta, dala dala niya parin ang bangungot sa pagkatao niya. Siya ang naging bunga ng pagkakamali ng mga magulang niya, dahil sa pagsuway ng mga ito sa sagradong batas. Isang sagradong batas na ipinapatupad sa mundo ng Westeros.