The Symphony of Our Hearts (Saint Matthew University Series)

“Ladies  and  gentlemen, I  have  here  with  me  the  envelope  containing  the  results  of  this  year’s  Mr.  and  Miss  Saint  Matthew  University.  Handa  na  ba  kayong  malaman  kung  sino  ang  mananalo?” Itinaas  ng  emcee  ang  mikropono  patungo  sa  audience.             Naghiyawan  ng  malakas  ang  mga  manonood.             Muling  itinapat  ng  emcee  ang  mikropono  sa  kanyang  bibig  na    naging  dahilan upang  tumahimik  ang  mga  tao.  Sinulyapan  nito  ang  mga  contestants  na  nasa  stage.  “Candidates  as  I  call  on  your  number, please  come  forward  at  the  centerstage.”  Ibinaba  ng  emcee  ang  mikropono  sa  stand  saka  nito  binuksan  ang  hawak  na  envelope.  “Fourth  runner  up  for  the  female  category  is  candidate  number  4  and  for  the  male  category  is  candidate  number  2.”              Malakas  na  nagpalakpakan  ang  mga  audience.              Sinulyapan  ng  emcee  ang  mga  contestants  na  lumapit  sa  gitna  ng  stage  saka  ito  bumaling  sa  audience.  “May  I  request  the  deans  of  the  colleges  where  the  winners  belong,  to  come  up  the  stage  and   pin  the  sash  of  the  winners.”             Nang  matapos  ang  paglalagay  ng  sash  sa  dalawang  nanalo  ay  muling  nagsalita  ang  emcee.  “Third  runner  up  for  the  female  category  is  candidate  number  3  and  for  the  male  category  is  candidate  number  7.”             Isang  grupo  ng  mga  audience  ang  malakas  na  nagpalakpakan.             Lumapit  sa  gitna  ng  stage  ang  mga  tinawag  na  contestants.  Sa  kalagitnaan  ng  audience  ay  mapapansin  din  ang  dalawang  tao  na  naglalakad  patungo  sa  stage.             Hinintay  ng  emcee  na  matapos  ang  paglalagay  ng  sash  bago  ito  muling  nagsalita.  “Second  runner  up  for  the  female  category  is  candidate  number  5  and  for  the  male  category  is  candidate  number  4.”             Isang  maugong  na  hiyawan  ang  maririnig  mula  sa  audience.             Hindi  na  nagulat  si  Arrielle  nang  matawag  ang  numero  niya.  Alam  niyang  hindi  naman  talaga  siya  mananalo.  Sa  lahat  ng  mga  contestants  ay  siya  ang  pinakamaliit  sa   taas  na  limang  talampakan  at  apat  na  pulgada.  Marami  rin  sa  mga  kasama  niya  ang  higit  na  maganda  kasya  sa  kanya.  Ang  tanging  bentahe  niya  ay  ang  maganda  niyang  sagot  sa  question  and  answer  portion.  Ngunit  alam  niyang  subjective  ang  paghuhusga  sa  ganitong  contest.  Naniniwala  siyang  hindi  lahat  ng  judges  ay  umayon  sa  sagot  niya  kanina.  Pero  masaya  na  siya  dahil  kahit  paano  ay  may  naipanalo  pa  rin  siya.