bc

أنتى حكايه

book_age12+
857
FOLLOW
7.2K
READ
drama
tragedy
comedy
like
intro-logo
Blurb

أنتى حكايه .. حكايه كل بنت شالت المسؤليه وكان عليها بدرى

أنتى حكايه .. حكاية كل بيت عاش عمر بيحاول وبيعدى

أنتى حكايه .. حكاية كل طموح لازمله إراده لجل ما يكمل من غير ما يهدى

أنتى حكايه .. جواها حكايه والقلب ساااعت له تكايه

chap-preview
Free preview
أنتى حكايه ١
.الطيور ملهاش ملكه حره فى سما كبيره وواسعه لا قيود بتمنعها عن طايرنها ولا ظروف بتوقفها يوم مهما كانت صعوبتها . فى ناس زى الطير فى تحليقه .. نظرتك ليه فى السما فوق فى العالى .. مهما قولت طموحك ليه صعب يا غالى .. مش معنى فقره أو قلة حيلته يسمحلك إنك تيجى عليه او تهين كرامته حتى لو بمال الدنيا ماهو مين قده .. دا طير ماشى بفخر وسط الناس . أوعى تفتكر إنه فى يوم ممكن ينداس .. طائرنا أصله جميل .. والصراحه فى العند تلاقى موقف كله ظريف .. يجي لحياته كدا تيجيله كدا وياه لو فى يوم عملتها وجاتله كدا وكدا اعرفكم بنفسى جنه حاجه كدا صغيره فى نفسى بس إيه ما يتخافش عليااا ... شغلى بيحكم عليااا اسافر من هنا لهنا لهنااا لحد ما الحمد لله مقاس رجلى بقى مناسب ومحسوب على السيدات بعد ما كنت خلاص فقدت الأمل وبدور على طول فى مقاسات الاطفال على حاجه كدا انساتى سادتى انا كبرت وربنا بس القالب مش دايما غالب .، ياله هانقول إيه حقد طبقى وسوء تسويق ... عشان كدا ها أثبت ذاتى وها أسوق توء لاء مش منتجاتى ... أنا عندى اخوات من البنات أتنين عسليات انا أكبرهم ومن الولاد شابين ماشاء الله يغزو العين انا بردو أكبرهم أبونا راجل كبيررر ماهو فى الشغل كان خطيررررر والسن بقى له أحكامه منورنااا ودايمااا لما يزعل يكدرناااا .. ماهو إلا مربينا واكيد تعب فينااا ... اااه اخواتى بقى هاتعرفو وتتعرفو عليهم جوا الحكايه بأساميهم وألوانهم وأشكالهم .. نعم .. أيوا أنا أخواتى ملونين إمال أبيض وأ**د .. عندى من السنين كتير يوووواه ما تعدوش يعنى قولو كدا لحد الخمسه وعشرين .. ******** قاعده على الأستراحه بتاعت الباص وماسكه الفون وبتبعت رساله على الواتس بعصبيه وبصوت مسموع : هه .. أدينى قفلته خالص .. وبدئت تعيط إهئ إهئ .. إهئ .. بصت جمبها .. لو سمحت أنت يا حضرة يا أستاذ شاب بأستغراب من طريقتها : أفندم جنه : هو الباص جه الشاب : يعنى حضرتك شايفه الدنيااا ماشاء الله هيوا مفيش توكتوك حتى يبقى وصل فين مخبيه مثلا فى جيبى جنه : خلاص وبهمس أنت ما صدقت حد يسألك سؤال عشان تنفجر فى وشه وطلعت منديل .. أكمل عياط بقى أدام لسا ما وصلش ... إهئ إهئ .. إهئ .. بصت للشاب لو سمحت الشاب طول فى الكلمه : ننننننننعم جنه : هو مفيش كانتين هناااا بيبيع حلويات او ميه وكدا يعنى الشاب : طالعه فسحه .. جرس المدرسه ض*ب وإلا حاجه وعايزا تلحقى الكانتين جنه بصتله باستنكار : لاء لسا ما ض*بش وخليك فى حالك بقى حطت المنديل تانى على وشها وكملت إهئ إهئ إهئ .. بصت للشاب .. لو سمحت الشاب : يوووواه نعم .. نعمين جنه : أنت مش شايفنى بعيط الشاب : أيوا أعمل إيه يعنى .. إيه المطلوب منى جنه : تقولى معلش. ما تعمليش فى نفسك كدا يا انسه .. أمال ازاى الناس لبعضيها .. وإلا خلاص الناس بقت عايشه فى غابه وانت قاعد جمبى زى الديابه وبتبصله بنص عين الشاب بصلها جااامد : أنا ديابه جنه : إمال انا مثلا .. وكفايه كلام بقى قطعت عليااا حته كانت منكده عليااا قوى وبعيط براحتى وبصت قدامها وكملت إهئ إهئ إهئ .. الشاب بهمس : لا حول ولا قوة إلا بالله العلى العظيم .. أصحاب ال*قول فى راحه الباص وصل وجنه حاطه إيديها على وشها والشاب قام سابها من غير ما يقولها وركب وحط شنطته فوقه وقاااعد براحته ... دخلت جنه ومعاها التذكره ... راجل كبير : ورينى يا فندم التذكره .. دى رقم 57 جنه : فين يعنى الراجل : تعالى .. لو سمحت دا الكرسى بتاع الانسه .. الشاب رفع راسه وتنح لما شافها وهى ديقت عيونها لفت ايديها ... جنه : يعنى قاعد جمبى هنا كمان وماهانش عليك تقولى الباص وصل دانت ملكش حق صحيح والله .. مدت ايديها .. اتفضل وسع كدا أنا عند الشباك ومش ها أتنازل أبدا عن مكانى أصلى بحب الهوا والترواه الشاب قام وبعصبيه بيشاور جوا : اتفضلى جنه : امسك دى ورمت شنطه كبيره عليه وداخله جوا قعدت مدت ايديها خدت الشنطه وحطتها على رجلها والشاب قعد جمبها .. قام وقف راح ناحيه الكمسرى الشاب : لو سمحت ينفع أغير مكانى .. الكمسرى : للأسف لاء يا فندم كله محجوز زى ما انت شايف وعائلات الشاب رجع وقعد جمبها من تااانى وساكت جنه طلعت المنديل وأول ماشافه لف راسه وهو بيقول : يالهووووى أول مره أشوف واحده تقول لنفسها زنى تزن أسكتى تسكت طلع الفون وفتح الفيس وبيقلب فيه بزهق وملل ... جنه طلعت حاجه من شنطتها وفتحت الكيس وبتاكل مدت إيديها جنه : إتفضل بسم الله الشاب من غير من يبصلها : شكرا جنه بتقوم الشنطه عاقت حركتها شالتها حطتها على رجل الشاب وحطت السندوشات فوقيها وهو رجع براسه لورا وهى واقفه وماسكه السندوتش وبتمد ايديها للكراسى إلا قدامها .. اتفضلى يا طنط .. اتفضل ياعمووو الناس أبتسمت : شكرا بألف هناااا .. لفت جسمها الع** وبصت للوراها : اتفضلو الناس شكرا جنه علت صوتها : حد عايز ياكل يا جماعه معايا جبنه وبيض الشاب قلب شفايفه : بيض .. وبص لها وبعصبيه .. ما تقعدى بقى ناقص تعزمى على باقى الموقف كله دانتى غريبه قوى جنه شاورت بايديها : شكرا يا عمو السواق قعدت ووجهت كلامها للشاب وبتاخد الشنط : أفرد حد نفسه فى الأكل وجعان أشيل ذنبه عشان قاعده باكل لوحدى زى المفجوعه عيب دا الناس لبعضيها الشاب : لا أنا إلا أشيل الشنطه والبيض ثم كمان الشنطه مكانها فوق مش على رجلك انتى عامله زحمه فى المكان ليه جنه : دى لا يمكن أمن عليها فى اى حته غير هناااا فيها مستقبلى وأخواتى الأربعه وأبوهم عايزنى أضيعهم عشان مش عاجب سعتك ثم كمان أنت مااااالك إيش دخلك فى خصوصياتى بتنحشر فيها ليه زى الناس الحشريه الشاب : انا مش عارف ايه دخلنى وقعدنى هناااا حاسس انى قاعد جوا فرن عيش بلدى وبيشاور على الأكل لا وكمان بييييض وواحده دماغها فى الباى باى جنه بتاكل وتجاهلت كلامه وخلصت وشالت شنطة الأكل بصت جمبها : لو سمحت الشاب نطر إيده : يوووواه .. نعم .. أفندم .. عايزا إيه جنه : عايزا أشرب ماهو عيب حضرتك تشوفنى عطشانه وزورانه وروحى بتطلع قدامك أهو ومكوش على الميه لوحدك الناس لبعضيها الشاب : هى إزازتك ... المفروض يبقى فى قزازه تخصك انا بق*ف بصراحه ومحبش أشرب حد مكانى ولا أنا أشرب مكان حد .. ممكن بقى تطلعى من نفوخى جنه : حاضر بس بعد ما أشرب من فضلك كدا وشدت القزازه من قدامه وشربت يجى نصها وحطتها تانى ... مش عارفه أقول إيه لذوقك وكرم أخلاق والله دانت خدت ثواب أد كدا وبتفرد إيديها ... طلعت كيس من الشنطه كله تيشرتات وقامت وحطت الشنطه على رجل الشاب ... بصى يا طنط كدا .. بص ياعمووو .. اتف*جو وف*جو إلا قدامكم دول اخر حاجه معايااا وعليهم تخفيض كبيرررر الست : ورينى كدا يا حبيبتى ..، بص يا حمدى ايه رأيك دول لأحمد مقاسه صح حمدى : إحنا مش لسا جايبين لأحمد يا روحيه روحيه : بتقولك عليهم تخفيض كبير ررر .. بكام يا عسل جنه علت صوتها والناس بتبص على التيشرتات ب25 بس يا بلااااش والله دا فخر الصناعه المصريه قطن ميه فى الميه او نص ونص أنت وحظك يا إلا هاتشترى حتى شوفو وبتحط خدها على التيشرت كانها بتنام ..، جميل جميل جميل وبدئو الناس تاخد من بعض وفى إلا بيشترى وفى إلا مش مقاسه وفى إلا بيرجعهم .. قعدت بعد ما باعت كل إلا معاها معادا تيشرت واحد بس وابتسامتها عريضه وبتعد الفلوس ... الشاب بزهق نطر الشنطه على رجلها : ممكن تتفضلى اظن كدا ها تبقى مطمنه .. خلاص إخواتك وأبوكى خرجو من الشنطه جنه رفعت التيشرت وأبتسمت : لسااا القرد الصغنون دا وبتهزه .. مين عايزه الشاب : اااه عايزاه يتنطط على مين وانا أحدفهولك عشان يرمح جنه : هو مقاسك .. وبتزقه عليه والله ما هو راجع لا ولونه تحفه تحفه تحفه الشاب : والله انا إلا راجل منظرى بقى تحفه من ساعة ما شفتك طلع الفلوس اتفضلى ممكن الشنطه تحطيها فوووق جنه بفرحه خدت الفلوس : اتفضل حطها والله ما ها أقولك حاجه ... الناس لبعضيها الشاب شد الشنطه حطها وقعد وخد التيشرت حطه فى شنطته وقعد رجع راسه على الكرسى وبيغمض عيونه نفسه يحس بشوية هدوء .. جنه بتحط الفلوس فى شنطة إيديها وماسكها جااامد لفت بتبص للشاب : لو سمحت الشاب بعصبيه : أقسم بالله لو نطقتى معايا تانى لأرميكى برا الباص وإلا يحصل يحصل انتى فاهمه جنه كشرت ولفت وشها : هى الدنيااا جرا فيها إيه هى دى الاخلاق هى دى المروءه .. دا الناس لبعضيها ..، هه ولفت ناحية الشباك وسرحت فى حياتها طلعت المنديل .. إهئ إهئ إهئ .. إهئ إهى إهئ الشاب غمض عيونه جااامد وبينفخ بديق .. تليفونه رن : الووو .. أيوا انا فى الطريق لسا راكب من نص ساعه .. حاضر .. خلاص بقى أعمل إيه يعنى اكتر من إلا بعمله غصب عنى مفيش فى إيدى حاجه .. طيب ماشى لما انزل ها أكلمك .. سلام وقفل بعد المكالمه بقى يجز على شفايفه وسنانه وينفخ بديق مر وقت كبيرررر وهو على حاله دا زى ما هو لدرجه انه قطع على جنه اللحظه الغريبه إلا هى عايشها وركزت معاااه فى **ت .. جنه : هو انت مالك مفهاش حاجه لما تقولى الناس لبعضيها أهو نشيل مع بعض ولو اقدر أساعدك يمكن عامل عمله وإلا حاجه اصلك شبه المخبرين الشاب أبتسم بسخريه : انتى إيه .. حكايتك إيه جنه بإندماج : انا حكايتى صاعبه قوى قوى .. تخيل صاحبتى باعتنى بتصل بيها من إمبارح ما بتردش ببعت لها على الواتس مفيش وبتمسح إيديها فى بعض على الماسنجر بردو ولا هى هنااا أزعل انا وإلا أشرب من البحر يعنى .. شوفت نداله أكتر من كدا شوفت حد يبيع صاحبه فى ثانيه . لمحه من البصر أختفى دم صوحبيتى فى عروقها الواحد خلاص ماعتش يثق فى حد تانى خلاص الشاب بعصبيه مكتومه : هو إلا ما شفتوش ولا عيشته فى حياتى انتى .. يعنى البشر كوم وأنتى دماغك كوم تانى . ايه ما صدقتى .. خلاص انا عرفت صديقتك ويااااه على السكينه إلا ض*بتها فى قلبك ومخليكى نازله زن .. زن .. زن فهمت خلاص انها ماعبرتكيش والله لها حق نفدت براسها وبحايتها جنه : هو انت حمقى ليه .. خليك رويح الشاب قلب شفته : رويح جنه : ايوا نفسك طويل يعنى .. مالك بقى االشاب بصلها وركن راسه وغمض عيونه وقت بسيط وناااام بتعب أستسلم خالص .. مر أكتر من تلات ساعات وأخيرا الباص وصل البلد بخير وسلاااام ... جنه : لو سمحت .. يا أستاذ لو سمحت وبتزقه بالشنطه إلا معاها الشاب فتح عيونه وبيمسح وشه وبيبص حواليه ... وصلنا على فكره حمد الله على السلامه الشاب قام مسك إزازة الميه وبيناولها لجنه وهى مسكتها وشد شنطته ونزل على طول من غير ما يرد عليها .. جنه ديقت عيونها وبصوت مسموع .. ما يرشها فى وشى أحسن بنى أدم غريب وجابت الشنطه ونازله .. جريت ورا اتوبيس وركبت كملت الطريق لبيتها ... وصلت بسلااام وطلعت جررررى وإيديها على الجرس ما بتتشالش .. فتحت بنوته وجمبها بنوته تانيه والاتنين ما يفرقوش لا فى الشكل ولا الجسم وبصوت مسموع وفرحه جنه جنه ... جنه يا بابا جت جنه حضنتهم الاتنين : ياااه وحشتونى وحشتونى كشرت ذاكرتو وإلا لاء كالعاده وبتنادى ريماس ياسمين .. انتى يا بت .. بتجرو اااه ما السؤال جه على الجرح .. حطت الشنطه من إيديها ولسااا ها تقعد طلع أخوها أخوها بصوت عالى : سنيوريتاااا .. قمر العيله يا مرحبا يا مرحبااا نورتى بيتنا يا مأزعره جنه إدته بالرجل : ياخى نص شعرك حلووو والنص التانى بطال يا أبو طويله مش عارفه ماما الله يرحمها كانت بتتوحم عليك فى إيه سقف طموحها وأحلامها ماجابش غير البلح .. فى منجه فى موز فى عنب مفرع كدا ومرفرف على العيله يا غبى اخوها ضحك : طيب أسمعى دى بمناسبة العنب والمانجه والمووووز وبيلف إيده وبيقول بإستمتاع المانجه قالت للعنب ... اتلم يامفرط مركون ومالك سعر .. على إيه بتتشرط زعل العنب منها .. وراح مشتكى للموز وقاله ينفع كدا .. او حتى يعنى يجوز أبوه جه من وراه وماساك الشبشب وجنه بصوت عالى أجرى يا مفرط جاى إلا يلمك اخوها بص وراه وطاااار على الأوضه وأبوه وراه بس لحق نفسه وقفل باب الاوضه بسرعه ابوها : اااه يا جنه إخواتك ها يجننونى يا بنتى اتنين عمالين يطولو فى الأوضه جوا لما ها يطلعو على الجيران فوق واتنين تانين مازعرين مجننى ومدوخنى لما ها ينزلو عند الجيران تحت ليه ما طلعوش زيك الواحد ما حسش بيكى ولا وأنتى مولوده ولا وإنتى بتكبرى اه على حظك يا بكرى كبرت وولادك مرمطوك جنه : ماتعملش فى نفسك كدا يجرالك حاجه يا بابا واحنا عايزينك دانت الخير والبركه بكرى : عايزينى فى إيه إهئ إهئ سير المكنه اتقطع لعاشر مره وم**وف أقولك تقولى أبويا بيتقل عليااا ملحقتش أكمل كم ياسمين ولا رجل بنطلون ريماس أخواتك يقولو عليااا إيه مش عارف اخيط مثلا جنه بتهز راسها : لاء أبداااا هو فى حد زيك ... خد يا بابا كله من خيرك وبتطلع الفلوس ..مد ايده خد إلا طلع .. دول كفايه يا حبيبتى أدخلى بقى أكلى شلة المفاجيع إلا جوا على ما انزل أجيب السير وأجى ماشى ونازل جنه : يا بابا .. يا بابا خد ياراجل نازل بشبشب البيت والبيجامه يا حاج بكرى ض*بت ايديها إهئ إهئ خد الفلوس وراح وبتطلع الفلوس الباقيه تعدهم .. حطتهم فى الجيبه ودخلت الأوضه تغيرررر وتعيش حياتها قعدت ب**ل شويه وفتحت الفون وبتقلب فى الفيس بوك .. وقفت قدام بوست وبتقراه بإستمتاع جدا مكتوب تحته منقول فقط لا أسم الشخص إلا كاتبه ولا أى شئ وكأنه جالها فى الوقت المناسب هتعرف الفالصو من الحقيقى لما تحط نفسك فى بيئة تعلمك وتطورك وتاخد بايدك...هنا بداية الاكتشاف... لازم كل واحد يكتشف ويعرف نفسه نقاط قوته ونقاط ضعفه ويطور من إمكانياته علشان يكون حقيقي مش فالصوا ! حط نفسك مع الناس دول اللى يعلموك ويطوروك..فتشوف نفسك بنفسك انك كنت قبلهم فالصو ! هتعرف حقيقتك بنفسك وتقدر تطورها منقول جنه بتنهيده : فعلااا حاجات كتير قوى جوانا فلصو وفاكرينها ياما هنا ياما هناك .. عشان كدا يموت المعلم ولا يتعلم .. عشان طول ما إحنا عاشين ها ناخد دروس على دروس ويابخت إلا يتعلمها صح ماهى الحياه مدرسه والشاطر إلا ياخدها بإمتياز ... مر وقت كبير على قعدتها على الفيس وبعدين أتغدو مع بعض وقعدو وكل واحد راح يشوف مصلحته فى اوضته ريماس : جنه ها تدخلى تنامى وإلا ها تقعدى مع بابا عشان ها اقفل الباب جنه : ها تقفليه ليه ريماس زعقت بتذمر : عشان اخوكى حسام الرخم مايجيش يستظرف جنه : دانتى أكتر واحده بتتراخمى فى البيت دا بلسم جمبك حسام طلع وجرى على ريماس وهى قفلت الباب فى وشه بسرعه : والله إنك انتى إلا رخمه أنا ها اوريكى يا شراره بكرى مسك راسه : اه يانى وجنه بتضحك .. خد يابو طويله حسام : نعم يا أبويا بكرى : أعملى كوباية شاى راسى هاتنفجر من ساعة ما بقوم الصبح منكم حسام دخل المطبخ يعمله الشاى وجنه قامت : بعد إذنك يا بابا .. أصل فصلت مش قادره بكرى : أدخلى يا حبيبتى ربنا يعينك يابنتى على حملك التقيل .. جنه قربت عليه وباست راسه ودخلت الأوضه ناااامت .. او بمعنى اصح سافرت فى النوم .. ريماس بتضحك : نفسى أعرف بتنام إزاى نصها على الحيطه والنص التانى على السرير كأنها مرسومه ياسمين : حرام عليكى من اللف على كعوب رجلها طول النهار وسفرها هنا وهنا والله صعبانه عليااا انتى عارفه يعنى ايه تبقى مندوبه من غير عربيه يعنى رجلك عربيتك وعلى قد ما هاتمشى على قد ما هات**بى .. ريماس : طيب ها نقول لها ازاى إن إحنا عايزين فلوس الدرس بابا صرف الفلوس فى البيت كلها ياسمين : دا أحسن وقت وبتشاور براحه وبشويش ... تعالى قعدو عند راس جنه إلا نايمه فى نص السرير بالعرض ورافعه رجلها على الحيطه واحده من اليمن والتانيه من الشمال .. جنه .. جنه جنه بنوم : هه مين ياسمين : كنا عايزين فلوس الدرس المستر ها يطردنا لو روحنا من غير الفلوس لو سمحتى يا اختى تجبيها بدال ما ناخدها بالعافيه جنه بنوم وعدم تركيز طلعت الفلوس إلا دايما تحطها فى جيبة اى حاجه المهم تكون جيبها هى حتى لو نايمه وأدتهم الفلوس .. لحظه ودخل عليها الأتنين التانين حسام وابراهيم تؤام ??? 19 سنه وريماس وياسمين 16 سنه حسام : جنه .. يا جنه إبراهيم : طلعى الفلوس بتاعت المذاكرات ماتعمليش نفسك نايمه وكمان كتاب ال.... عشان نذاكر وإلا عايزانا نسقط يا هانم جنه بتوهان : هه انتو مين حسام : انتى لسا بتسألى هاتى عايزين ننام ونقوم الصبح لكليتنا وخدو الفلوس وطالعين ورا بعض يضحكو ومبسوطين وكله ناااام وإرتاح بعد ما ضمن الفلوس فى جيبه بكرى قام الصبح نزل جاب فول وطعميه وعيش وطلع حضر الفطار وقلى بتنجان وولاده كلهم فطرو ودخلو لبسو وبيجهزو للنزول لدروسهم ودراستهم .. بكرى : بت يا ريماس ما تصحى اختك إلا بتغرق جوا دى حرام عماله تنازع وتتخاتق طول ماهى نايمه ريماس بصوت واطى قربت عليه وقعدت جمبه : يا بابا دى تعبانه قوووى سيبها كان الله فى عونها ثبتها الله وأعانها علينا وجمع بيننا فى كل خيررر بكرى زقها : انتى بتكتبى كتاب .. الله أكبر على التقوى والإيمان ناقصلك ذبيبه وسبحه وأصدقك ريماس قعدت جمبه تانى : أنت فاكر مثلا إحنا مش حاسين بيها دى بتتعب عشان تجيب القرش ويطلع كدا يا بابا من لحم الحى يااااه وقامت وقفت وماشيه ناحية الأوضه وأختااااه وتعباااه بكرى : يا أختاااه فى فلوس وقعت منك أهه ريماس رجعت جرى ونتشت الفلوس ورجعت ناحية الأوضه جرى : شكرا يا أبتاااه خرجت ياسمين : بباتى .. بقولك إيه يا حبيبى هو انت ممكن تعملنا لحمه إنهارده ارجوك نفسى فيها وياه لو فته بالخل والتوم وسلطه يالهوووى دا الواحد يجراله حاجه من الفرحه بكرى اتنفض : منين ياختى .. أقطع لكى من لحمى عشان تاكلى لحمه وفته .. . أنتى عارفه الكيلو بكام ياسمين : خلاص يا بباتى دانا بفضفض معاك أنا شبعت أساسا خلاص ولا تدايق نفسك يا بكرى وماسكه راسه بترفعها عشان تبوس أورته بكرى بعصبيه : ما راسى قدامك أهه لازم تقلبى وشى زى الطبق قدامك ياسمين : لازم البوسه توصللك عبر الجلد .. وماشيه راحه ناحية الأوضه تانى ههههه تلات بنات أوزعه بس حبايبى أحسن من حسام وإبراهيم كنت جايبهم فى عزهم لما كانت الملاعب بتتهز .. بتتهز إيه أنت كمان يا بكرى دا العيال لسا عندها تساعتشر سنه .. إيه دنياااا الله يرحمك يا غاليه ماكنتيش بتضيعى وقت بالجوز وخد يا بكرى وفى الاخر شيلتى بكرى الحمل وسبتيه الله يرحمك ويسامحك يا غاليه ماتغليش على إلا خلقك يارب تكونى مرتاحه وفى جنات النعيم جنه على السرير جوا بتتقلب عليه ودرب وقعت فى الارض ..عدلت راسها ومسكت جمبها : اااه .. هو السرير دا مش ناوى يكبر عشان أعرف أتقلب بقى وقامت وبتتمطع .. دعكت وشها ولمت شعرها المنكوش .. شعرها لونه بنى محمر سنه صغيره كيرلى دا طبيعته وطويل جدا ما بتقصهوش .. أفتكرت الفلوس عشان عارفه عمايل أخواتها وبتحسس على جيوبها تتطمن هما موجودين وإلا طارو

editor-pick
Dreame-Editor's pick

bc

تحت مسمى الحب "عشق الملوك"

read
1K
bc

ومضي العمر

read
1K
bc

ظلمات حصونه

read
6.3K
bc

الظل

read
7.2K
bc

روايه شريط لاصق .. يارا رشدي

read
1K
bc

حكايتنا

read
7.5K
bc

عذريتي مقابل برائتي

read
1K

Scan code to download app

download_iosApp Store
google icon
Google Play
Facebook