Paid Pleasure (R18)

“I’m a billionaire. I own several enterprises and tons of money. Hindi ako makapaniwalang ginawa niya akong isang bayarang lalaki.” Nagtatagis at hindi makapaniwalang tumingin siya sa perang iniwan ng dalaga. “And am I really only worth 150 pesos?!” Bagay na mas lalo niyang ikinainis. Hindi na kinaya pa ng mga kaibigan ni Kayde at sabay-sabay na humagalpak ng tawa sa malaking problema ng binata lalo na sa mukha nitong nanggagalaiti sa galit at kulang na lang ay tunawin ang perang nakapatong sa mesa. “Wala talaga kayong kwentang kausap!” bulyaw ni Kayde sa mga ito at akmang ibabato ang bote ng alak na hawak. “Magsilayas nga kayo rito!” Alam niya na wala siyang matinong mapapala sa mga kaibigan. Hindi niya maintindihan kung bakit pa niya tinawagan at pinapunta ang mga ito. “Dude, mukhang nakahanap ka na ng katapat,” pang-aasar ni Garrie saka siya inakbayan. “Normally, ikaw ang nag-iiwan ng pera sa mga babae mo pero ang babaeng iyon ang gumawa niyon sa ‘yo ngayon. Masiyado niya akong napahanga sa ginawa niya. Gusto ko siyang makilala.” “Me, too,” segunda ni Denis na patuloy pa rin sa pagtawa. Kabagin sana ang mga g*go. Tinaas niya ang gitnang daliri sa mga kaibigan na nagpatuloy na nang-aasar sa kaniya nang seryosong magtanong si Denrik. “Paano mo ba nakuha ang babaeng ‘yon?” Malalim siyang napaisip, muling sinariwa ang gabi ng kanilang pagkikita. “Nag-umpisa ang lahat nang umuwi kayo...” Tumigil ang lahat sa pagtawa at seryosong nakinig sa kwento niya.