bc

دخيلة بنت الشيوخ

book_age16+
140
FOLLOW
1K
READ
family
goodgirl
drama
tragedy
twisted
others
first love
victim
like
intro-logo
Blurb

هالة انثى عنيدة تربت على يد والدها احد شيوخ عشائر الجنوب اكتسبت القوة منه غمرها بالدلال .. الى ان يأتي الحب فيضعفها .... تعشق رجل منبوذ من قبيلتها .... لا يستقر في مكان اقل من عشرة ايام ... يعملون على تهجيره قسرا لذنبٍ ما .... ولسوء حظها تقع هي فريسة عشق هذا المنبوذ كالعصفور المبلل بالماء والمحبوس في المصيدة لا يقوى على الطيران والرفرفة بجناحيه ولا الهروب هكذا اصبحت هالة ... لتورث العشق الممنوع لولدها ايلول وللحكاية بقية

chap-preview
Free preview
عشگ أيلٖولٖ (( الفصول ١ و ٢ و ٣ ))
#دخيله _بنت _الشيوخ ..بارت 1... بقلمي نورا ناصر .. جنت منسدحه بغرفه بالسطح والدمايه تخر مني من كل صوب مال الكتل الاكلته .. من اهلي .. طبت عليه بنت عمي وبنفس الوكت مرت اخوي مخروعه وتكعد بيه جنت بين النايمه وبين الكاعده .. او بالاصح بين الميته وبين العدله .. ولج كعدي هاله كعدي يامعزايه يامصخمه سجاد لگوو وراح يذ*حونكم انت ويا .. كمت كوه عليه ونتجيت على ع**ي اباوعلها واكللهه هله بالمووت هله خلي يموتوني تعبت والموت الي راحه .. ولج اشردي ولج تنكتلون اثنينكم كومي مدام عدج فرصه تشردين بيها .. وتنجين بروحج ولج وين اولي خلي يذ*حوني انه مااصلح للحياة بنضرهم .. وحتى بنضري ياا صدك تحجين هيج الروح رخيصه عندج كومي ولج هم عايفين الباب مفتوحه .. منشدهين كومي محد راح يحس عليج كلها فازعه يمه جوه بالديوان هاا .. كومتني كعدت وتذوقت طعم الدم بحلكي كتلها شون اشرد وج مابيه حييل راح اجيبلج عبايه وخمار لفي روحج بي زين وطلعي من باب الترك ومحد ينتبه يلا ولج ولج مايهون عليه اشوف دمج بطولج يله كومي تقوي يله زتج تحجي وتمسح دموعها صديقتي هي خيتي من الزغر جايه تنقذني مايهون عليها اموت ماتدري الموت ارحم الي كوه كمت كعدت ومدده رجليه وكل شبر بيه يوجع ومجروح والاكثر جرح روحي والي راح يسوو بسجاد شي مجهول الي .. كالت كومي طلعت كبلي كمت اتجه ع الحايط وامشي اجت مره ثانيه انطتني العبايه وجيزدان كالت بي فلوس واشرتلي محد نزلي كلهم نايمين هي فرصه وجتج كبل لاانزل كتلها فطوم ديري بالج ع عمرج ردت انزل رجعت لها وديري بالج ع حبوبتي دخيلج روحي انت هسه حيري بعمرج وتركي كلشي وراج روحي روحي روحيييي وتاشر بجف ايدهه انزل واعرج واباوعلها ودموعي تكت وهي تاشرلي ودموعها مطر ع ارض صحرى راح نتفارك مره ثانيه .. وصلت نهاية الدرج وافتريت ع اليسرى من باب الترك فتحته وطلعت طخ البرد بجسمي فزز كل جرح بيه جروحي كلهه مفتوحه .. وتصب دم والجرح الاكبر جرح الروح .. شيطيبه مشيت بالبستان .. بين الشوك والزرع والدنيا گمره خفت لاانشاف بس تالي گويت گلبي .. وكلت الموت اولها وتاليها منين اخاف وفعلتي بنظر العشاير شنيعه موبس العشاير بنظر المجتمع كله .. طلعت من بستان ابوي وصرت امشي بالشارع رغم كلي جروح بس ماادري منين جتني القوه .. وصرت امشي سريع ومااخاف من الظلام الدامس المحيط بيه لان حياتي اظلم ومتأكده الجاي اظلم واحلك بعد .. مشيت ومشيت وابتعدت هوايه كعدت شويه ارتاحيت اباوع منا ومنا ظلمه كمت امشي اشوف خرابه دخلت بيها كعدت كلت هنا اظل لايشوفني احد بهالليل وجريب الفجر اطلع اخذ سياره واروح للبصره بمكان مارحنه انه وسجاد .. كعدت بهالمكان بارد ثلج خليت راسي ع الطوفه (حايط نص مهدم ونص مبني او باقي جزء منه ) كل شويه تريد تغفه عيني .. واستسلم للنوم .. الي جم يوم مانايمه بس يغمى عليه من الكتل .. كعدت اناجي الرب ربي مالي غيرك انه اذنبت انت تغفر بس الوادم ماتغفر اي شي بي اصلاح الي وكلتلك عليه انت حسبي ونعم الوكيل نجيني يارب اريد النجاة واذا انه مااستاهل اعيش انت كيفك بعد انه قا**ه بكل شي منك .. غفيت وانه اناجي ربي وماادري شراح يصير الي كعدت ع صوت الاذان هم زين اكو جامع قريب وسمعت صوته .. كمت تيممت ماكو ماي تعلمت من حبوبتي التيمم وصليت والالم بيه وابجي حلو القرب منك يارب .. خلصت ومشيت بدرب المجهول شكد طويل ساعات الانتظار صعبه ومريره باي لحظه احس راح يلكوني وياخذوني مرات انتظار البلاء اصعب من البلاء نفسه مشيت والصبح بعد ما طلع.. حاولت امشي سريع واصلت المشي .. وصلت للشارع العام .. ادور سياره فكرت بروحي انه شجابرني اشرد ليش مااروح الحك سجاد بس اخوي حاكم كلي لازم اكتلكم اثنينكم سوه اشر وانه فكري خابط .الشارع قليل سيارات. لان فجر مو وكت ناس تطلع هسه اله القليل ..اشرت وكفتلي سياره رجال جبير يسوقهه .. تقربت منه ومعلگه الجزدان بيدي .. ومجتفه جفوفي واعصر بيهم وماطالع مني شي مغطيه وجهي كله وبس غشا ع عيوني يخليني اشوف .. گتله عمي توصلني للبصره هاا .. انت ابحدج اي ابحدي وديني عمي والكروه التامر بيها انطيكياهه زين صعدي ... بويه ..... صعدت .. ويا ..واحس براحه بلكي مايلزموني ياربي بقت يمك بعد .. غفيت شويه واسمع السايق يكلي وصلنا البصره وين تنزلين احتاريت وين انزل ... ولااندل مكان بيهه ظليت ساكته .. طريق خارجي وصحراء يخوف الى ان وصلنه لمكان بي بيوت ومدينه .. كتله عمي نزلني هنا .. وكف السياره .. انطيته فلوس .. ونزلت امشي واتلفت ميته خوف .. شسويتي بحالج يهاله هي تاليتج اوف اوف .. شفت بسطيات يبيعون مخضر وانه كاتلني الجوع فتحت الجزدان واندعي الفطم ربي يرزقها بطفل هي امنيتها بالحياة طلعت فلوس واشتريت تفاح ردت اي شي اكله بس وين اغسله شفت مريه تبيع اجبان وروبه وكيمر عرب رحت كتلها خاله ماكو ماي هنا اغسل .. كالت اي اكو تعي يمها سطله ماليتها بيها مي اخذت بطل ترسته ونطتنيا اخذته وتشكرت منها .. كعدت ع صفحه غسلت التفاحه وظليت اوخر شويه البركع واعض بالتفاحه الى ان خلصتها والشمس صارت بنص السما اذا اجه الليل انه وين اروح .. صرت كل شويه امشي وارتاح وبالي مايخلى من التفكير انه شنو مصيري .. وين اروح ..وين اولي شسويت بعمري .. امشي بطريق مجهول مامنه رجعه ... ولايسمح الي اوكف ولااعرف انه رايحه وين احس روحي خشبه ومسيسه بالبحر تجيبها الامواج المتلاطمه وتوديهه .. وماتدري يمته راح ترسوا ع الشط وتنجو .. هذا كله ماينفعج يهويله وجماله اسمي هاله اخذتني صفنه رجعتني الطفولتي .. مره جنت كاعده بحضن ابوي .. عمري 9او 10مااتذكر بس جنت طفله بريئه ماعليه ذنوب مو مثل هسه .. سألته ليش سميتني هاله گلي .. معنى الهاله دائرة ضوه حول القمر او الشمس وانت الضوه الحياتي واريدج عزوتي اخخخخ بووووويه .. صحيت ع ض*به قويه .. طيحتني بالكاع واتطشر التفاح .. تعورت حييل باوعت اثاريها سياره الدعمتني .. نزلوا منها رياجييل وانه متوجعه كتلهم هييي ماتشوفووون شبيكم اخخخخخ تقربوا مني خفت وتذكرت انه بغربه واتذكرت حجاية ابوي ياغريب كن اديب خل استر ع عمري واكض ال**ني وانل** .. بقيت مخليه ايدي ع خماري واون من الالم .. واحد كعد يمي بالكاع شكله رجال خمسيني كال ها خويه بيج شي .. انه حسيت بدوخه وشي وطاح على وجهي اتمددت ع الكاع بضعف .. اثرت بيه الض*به متاخره الرجال الخمسيني ظل يكعد بيه .. ويحجي انه مااجاوبه محتاره بوني والمي اتقرب مني الرجال الثاني .. ماانتبهت الشكله بس صوته شاب رجولي .. لابس غتره ودشداشه يعني زي عربي ... گال بخشونه وتكبر ناخذج للمستشفى انت شتسوين تفرفرين بالمغرب وابحدج عفيه نسوان تايهه .. ابو غانم ختكوم نوديهه للمستشفى .. يبوو هي يمته صار المغرب انه كضيتها صفنات اليكول ابو صابر .. يااصخام ياامستشفى نوب خاف س وج و احد يتعرف عليه .. گتله لالا ماابيه شي مااروح للمستشفى انه بس اريد مكان ارتاح بي شويه متأذيه كال لعد اهلج وينهم .. انه هنا ظليت امتمت .. سويت روحي فاقده الذاكره يااهل ليش انه منو انتوا منو شصارلي وشجراا الي شسويتوا لي اكولج لتأخرينه نوديج للمستشفى وفضيها واي تعويض احنه حاضرين لالاع مااروح مستشفى مااروح شيخ تمار خلي ناخذهه للبيت النسوان تشوف شبيهه وبعدين ينحل كل شي اي هذا الي اريده انه بيت الليله ابات بي وهذول شكلهم شيوخ ومرتبين يعني يحافظون عليه .. (حجيت بگلبي )... الشيخ تمار هاا شگلتي .. بتكبر اي ياريت راح امووت ولااندل احد وماادري شبيه متمدده ع الرصيف .. وعيوني للسمه وماطالع مني شي ابد لارجل ولاايد ولاشعر ولاكلشي جواريب وجفوف وبركع زين مااختنكت .. وهو واكف ويحاجيني وصورته مو واضحه كدامي يله لعد كومي ناخذج للسياره وراح للسياره اريد اكوم مابيه الحجي يريد يكومني هم مابي صاح صوت من بعيد وين صرتوا اليوم ماراح تفض مابيهه تكوم شيخ ابو غانم كال .. اجه مره ثانيه الي وشالني بسرعة البرق مثل الطفله ومشه بيه للسياره .. حسيت بدوار خليت راسي ع كتفه لثواني تذكرت سجاد .. وخرت راسي بقه واكف بيه وباوع المكان راسي شاف دم على دشداشته كال جاي تنزفين .. باوعت الوجهه شنو من وجه رموشه شويه ويوصلون الي .. هالكد ماطوال لحيته شون مرتبه وجهه حنطاوي وصافي وعيونه سود كحيله وكلهه رجوله .وعطره يفح. بله هذا شيخ وجويسم ابن عمي الي كتل روحه عليه يريد يتزوجني وخلاني اسوي عملتي السوده ويا سجاد شيخ .. من خرب بحظج يهويله ... يتبع .. ههههههه هلاو حبايب شلونكم مشتاقتلكم اليوم الصبح قريت قصه اني كاتبتها سابقا اسمها تعبني عشگ الشيخ وعجبني اكتب قصة شيوخ ? شنو رأيكم اكملها لو تولي اذا اكملها يوميه بارت انزل ? ملاحظه اللهجه جنوبيه عشق ?يوومه #دِخـيَلُہ_بْنْتٌ_آلُشُيَۆخ ...... بْآرتٌ 2 بقلمي نوره .. الشيخ تمار .. انا الشيخ تمار .. عمري 37سنه .. من البصره متزوج اثنين وحده بنت عمي ووحده بنت شيخ .. ومخلف منهم ... جنت جاي من طريق طويل ومريه صارت كدام سيارتي مبينه فاهيه وكفت السياره بس هي شويه طخت بيها .. نزلت اشوفها باوعتلهه بس سواده .. مامبين منها شي ظلت تخربط لاتعرف اهلها وين لاتندل كلت اخذها للمستشفى هم ماقبلت .. كلت اوديها للبيت وبعدين نشوف الهه صرفه .. هاله .. شاف الدم ع راسي كال جاي تنزفين سكتت خلاني بالسياره .. بس اشمئزيت من نفسي شون رجال غريب شالني .... كعدت بالسياره انتجيت ع المقعد وروحي بايده والالم بكل مكان بجسمي والخوف متملكني من مصير مجهول وهم طبوا .. وهو يسوق والرجال يمه اسمعه يكول نوديهه للمستشفى .. فزيت كتلهم نزلوني هنا ماروح مستشفى اندار عليه الشيخ تمار وكال .. ليش ماترحين من شنو خايفه مااحب المستشفيات اهلي كلهم ماتوا بيها حرك السياره بدون مايحجي .. انطلقت بيه وانه حالتي حاله احس راسي ثكل رطوبه براسي يمكن دم مسافة الطريق وصلنا فتح الي الباب كفخ الهوه وي ريحة عطره عليه كال بيج تنزلين هزيت راسي ايي .. اريد انزل لزم ايدي .. ونزلني مالي خلك كلش وتعبانه .. يمشون وامشي وراهم بالم وبثقل وبطئ .. ومصير مجهول ينتظرني .. بس امشي ونظري الكدام .. حديقه وزرع بيت فخم وصلناله طلعوا منه ناس تلكوا الشيخ مااكدرت اميزهم من شدة اعيائي وتعبي .. الشيخ اشر للنسوان اخذوني نسوان اثنين ومتعجبات مني طببوني بغرفه بيها مريه جبيره نايمه ع جربايه اكو جان مندر بالكاع كالوا كعدي هنا كعدت كوه ع عمري .. وتالمت اجن يمي انت منو ولج وخمطت من وجهي الخمار كالت بس لا زوجت الشسخ الجديده ..ماكدرت اردها تعبانه حييل واالا انتم بعدكم ماتعرفون انه بلوه جبيره انه قنبله نوويه .. انه بت شيوخ انه خليت راس شيوخ وزلم بالوحل بدون مايرفلي جفن بس الوكت صوبني بسهام الموت والغدر والاذى .. انه هاله بت الشيخ بندر .. من العماره انه بت عز ودلال ابوي جان مخليني الكل بالكل جان يسميني شيخة المزاييين جان يكلي ملكه جوهره زمرده اكبر واحد من اخوتي مايردني اذا حجيت ابوي بظهري وساند الي رباني ع ايديه .. ذنبي انه عشكت مااجرمت بس بنظرهم جرم الحبيته ابو جان مطلوب ثار ومسوي م**وره وبقانون العشاير عاقبو بكل مكان يبقى عشر ايام بس وينطرد وبهالعشر ايام عشگته انه وماادراك ماانه ونوب عشگت اخخخخ يادنيا تصعد ناس وتنزل ناس وتجيكم السالفه .... كتلها لاع وخرري منا انه مو مرت الشيخ لعد منو ولج انت انه دخيله هنا وشبيج هيج تنترين وجهج جنه خريطه بدخلة الشيخ تمار .. صاح بصوت يهز البيت هز صفيه بدل لا تداوينها فاتحه وياهه محضر تحقيق يلا عالجيها امرك شيخ تدلل عيويناتي كايمه الشيخ تمار .... رحت لغرفة امي اريد اسلم عليهه شفت صفيه مرتي فاتحه تحقيق وياهه والبنيه متأذيه صحت عليها طلعت اباوع للبنت وجهه خريطه هي شاف*ني وغطت وجهه وانه طلعت بره افكر شنهو سالفتها هي .. هاله .. اجت مرت الشيخ ووياهه وحده ظلت تداوي بيه ومرت الشيخ تكرك براسي منين انت وشبيج وشون صارلج هيج حادث ومن هالحجي انه بس كتلها الشيخ دعمني وماادري شنو صار بعد ومااتذكر احد .. مرت ايام وانه ابيت الشيخ جنت كلش تعبانه ومگضيتها نوم وكوابيس واحلام تخوف احلم باخوتي حاديين سجاجين ومحاوطيني لو احلم بسجاد غركان بدمه .. بقيت ايام طريحة الفراش يجيبولي اكل لحد عندي يمكن شويه ارتاحيت وحسيت بامان بس لشوكت ماادري احس بشفقه من حولي من ناس مااعرفهم واحس بحقد من ناس ثانيه خاصة صفيه وهالعجوز النايمه يمي كل شويه تشمر عليه لو شيشة الدوه لو خاشوكه لو اي شي يمها اثاريها عدها زهايمر بعد مرور ايام .. صحيت وصرت زينه .. وانه كاعده بالغرفه جتي صفيه .. وكفت بباب الغرفه كالت الشيخ يريدج .. كتلها خوش كمت وياهه ورحت للشيخ بالهول كاعد وحده الشيخ تمار .. بقت هالبت عدنه يوميه اسئل عنها يكولون نايمه ومابيهه تكوم .. كتلهم من تصحى صيحولي اريد احاجيهه... اجت الي صفيه وكالت مابيها شي صارت زينه تريد اجيبها الك .. كتلهه اي جيبيهه .. شويه وطبت عليه هي وصفيه بدون غطا ع وجها .. باوعتلها وجهه مدور وحلو بياض بحمار .. وملامحها طفوليه بريئه كتلها كعدي كعدت اشرت الصفيه تطلع وتسد الباب بين عليها الامتعاض لان راح نبقى ابحدنه بس طلعت انه محد ي**ر حجايتي باوعتلهه مدنكه ومتوتره .. وتعصر بجفوف ايدهه هاله ..... من رحت للشيخ كلت اكيد لو يريد يسالني ع اهلي والصارلي لو يكلي يله طلعي انتهت مدة اقامتج هنا كعدت ادعي بگلبي يخليني ابقى انه لازم اتنازل عن كبريائي .. واتوسل بي يبقيني هي اخر محاوله الي والا انه وين اروح الموت ينتظرني بكل مكان بره واكيد اهلي سانين اسنونهم ويدورون عليه وانه بهالحاله سمعته حجه كال اي اسمعج .. اشتسمعني انت منو اهلج ياشيخ انه دخيلتك الله يخليك لفيني وانه ماراح اذيكم لو اسببلكم ازعاج فدوه انه بشاربك ياشيخ لفيني علما الله يف*جها عليه انه ماالي احد تردين اروح اسئل عن اهلج لالالا الله يخليك ياشيخ انه بعرضك اعتبرني هنا خادمه وبدون مقابل اهتم بالحجيه انت جبتني البيتك كمل جميلك وبقيني هنا علما الله يف*جها عليه وماراح تشوف من شي موزين وعد مني واذا شفت انه رگبتي سداده واسلمها الك .. لالا روحي هسه ويا الحريم بالمطبخ وبعدين راح ننظر بامرج صفيه ويينج جيتك شيخي ياماي عيوني ونبض گلبي اخذيهه للمطبخ ويه الحريم .. تدلل شيخي تقربت من صفيه وگتلها لاتغيب عن عينكم مفهوم .. هاله ... رحت ويا صفيه خذتني للمطبخ .. كالت يله حتى تبلشين شغل .. المطبخ بي نسوان مااعرفهم ولاتعرفت »عليهم ماالي خلك احد وروحي طالعه منها الدنيا كلها .. شويت شويه تعرفت عليهم عرفت صفيه مرت الشيخ تمار جانت حلوه بيضه وطويله ومرته حمديه الثانيه بت عمه .. صفيه هي الكل بالكل هي مرته الزغيره وعدها جهال منه انه مامتعوده ع الطبخ جان كل شي يجيلي زاهب مرت ايام وايام وانه بهالبيت الشيخ ماعدت شفته بعد صفيه توكف على راسنا تخشخش بذهبهه وتنطينه الاوامر وتروح اخخخ تذكرت ايام العز والدلال من جنت الخاشوكه مااشيلها من الكاع شسويتي بعمرج يبت الشيوخ بالليل اكعد اتذكر سجاد وايامه وحجيه واتذكر فطم وسوالفها وحبوبتي ودلالها وابوووي اخخ ابوي ابوي من يصيحلي ياجوهرتي يازمردتي من يدافعلي من اتكاون وي خواني ... شذكر وشنسى .. شسويت بروحي انه هيج العشك هو لا مو هيج بس مخبله وددللني ابوي زايد .. وتمردت مرات الصبح .. اروح اودي جاي للحجي ام غانم تكلي تجيلي صفيه تزفني زف ولج ليش وديتي الجاي للشيخ شعليج بي انت وانه مامتعوده ع الاوامر والنرفزه گتلها من وره خشمي ام غانم كالتلي .. لزمتني من ايدي وعصرتها ولليييج حسج عينج تتكربين اله كتله دوخري عبالج حاطه عيني عليه بكد ابوي خلي الج شبعي منه .. وعفتها ودخلت مرت جم يوم .. واروح يم ام غانم تسف زنابيل ومهافيف ومكانس شغلات من الخوص .. اكعد يمها واتعلم لان هي الشغلات مرغوبه هالوكت دنيا حر وكهرباء ماكو نهاية الثمانيات حرب العراق مع ايران .. حرب الثمان سنوات .. بعدها بايام من وجودي ببيت الشيخ .. انت**ت تمرضت معدتي لوعتني اي شي يدخل المعدتي اذبه مااتحمله .. وصل الخبر للشيخ واخذوني للمستوصف وفحصتني الطبيبه وجانت المفاجاه حاااامل ... الشيخ تمار .. جنت اشوفها توهه تتعلم تسف مهاف ومكانس وسفر اباوع ايدينها ترفات .. عجبتني كلش تضحك بس احس جوه هالضحكه حزن .. حاولت مااباوعلها حاولت اتجنبهه .. بس اكو شي بداخلي يريدهه بس افكر واكول انه شيخ شون اخذ وحده جبتها من الشارع وماعرف الهه لافصل ولااصل وبيوم ماعدت اشوفها بالبيت .. ابد كالوا عنها مريضه كتلهم شتانون ودوها للمستوصف ودوها ورجعوا وانه اتاني .. لم اجت حمديه مرتي كالت حاامل انه هنا مااعرفت شسوي شون حامل وهي بعدها زغيره ومامبين عليها متزوجه لعد ابو ابنها وين كتلهم صيحولها جابته حمديه كتلها عوفينه وسدي الباب طلعت وسدت الباب هاله .. انصدمت لاادري افرح لاادري اضوج ويه البطني هذا شسوي ماادري .. اخلي ايدي ع بطني واكول بلكي يجيني ولد من حبيب عمري .. سجاد حتى صوره ماعندي اله ولاادري شصار ويا انهزمت وتركته ورايه يواجه مصيره يمكن هذا الطفل يصير الي عزوه يمكن نقمه يمكن نعمه .. وانه افكر دخلت عليه حمديه . . كالت كومي الشيخ يريدج انه كلبي نغزني بهاللحظه خفت اكيد يريد مني تبرير وتوضيح كمت من مكاني كتلها وينه كالت بالهول .. رحت دكيت الباب صاح دخلي دخلت مدنكه وارجف انه مااعرفت الخوف بحياتي اذا اريد احجي واوضح الشخص بس هنا احس مصيري انحسم راح يطردني شون راح اثبتله .. كتله شيخ تويدني بشي سمعت بيج اااا حامل اي شيخ وين ابو الطفل رفعت راسي بوجها وعيوني بعيونه گتله ياشيخ انه زوجي مات وطاحن دموعي كال انت شنو سالفتج بالضبط كتله ماعندي سالفه انه دخيلتك ياشيخ وانت نطيتني وعد .. وشون اصدكج وشون اعرف هذا ابن حلال لو استغفر الله والله ابن حلال والله والله اتحلفين ع القران مسحت دموعي رفعت وجهي بوجهه وكتله بكل حماس اي احلف جابلي القران من البوفين اليمه وقربه الي دكيته وحلفت عليه كتله انت الامل الوحيد العندي ياشيخ .. كال رو؛حي رحت مدري فرحانه مدري ضايجه .. المهم مرت عليه ايام صعبه الحمال موتني وصفيه ماتركتني بحالي تغار على رجله مني عبالها راح اخذه يمكن تنتبهله يباوعلي بفد يوم طلعت وديتله الجاي بالحديقه وطبيت احس بي يباوعلي بس نضراته خجوله رغم قوة شخصيته ورجولته طبيت واكفتلي صفيه ببتب المطبخ لزمتني من ملابسي ولييييج شكايلتلج انه مو كايله ماتودين اله الجاي بله وخري مالي خلكج الدنيا طالعه من خشمي ديري بالج تندكين بيه ولج افرمج فرم ولج ياعار يابت الشوارع والي ابطنج ابن حرام تهددين بيه ولج منو بت شوارع منوووو هاا تعاي لزمتها من ملابسها وطكيتهه كله براسها غثتني وظليت اصيح بوجها بعالي صوتي ولج انه بت شيوخ ولج انه عز ودلال مو انت التذليني سمعت صوت الشيخ والنسوان ملتمه علينه انه شسويت انه شگلت ياصخامي شفت الشيخ تركتها راحت صفيه تتبجج يمه شفتها شون طكتني شفتها ورمت وجهي انه هيج انذل الشيخ تمار باوعلي ومخنزر كال انه صبرت عليج هسه تكليلي انت منو وبت منو وشنو بت شيوخ يله كتله اكلك بس الوحدك انت امشي كدامي رحت وراه .. طبينه للديوان اشرلي كعدي كعدت كال بعصبيه احجي اسمعج كتله انه هاله عمري 21سنه بت شيخ بالعماره .. امي جابتني وماتت .. يتبع ... البارت قصير بس من الصبح اكتب بي .. دخيله_بنت_الشيوخ بارت 3... بقلمي نوره .. صرت عزيزة ابوي بعد وفاة امي .. انه البنيه الوحيده اله .. دللني وعززني بين اخواني هو وحبوبتي .. حسيت بدلال ابوي بالقوه كبرت شبيت وصار عندي من العمر 17عام بأيلول .. بوكت كصاص التمر .. جنت امشي بالبستان واتبختر ورافعه راسي اليفوك وماعاجبني العجب .. كطع غروري هذا وكبريائي ... شي طاح ع جتفي اباوع عثك تمر .. صحت اخخخ .. اذاني لان ثكيل ومليان تمر .. باوعت للنخله الجنت جواهه شفت واحد جاي يكص العثوك مال نخل . صحتله بصوت هييييه انت ظل يباوع من فوك النخله مو كلش طويله كال ها كتله انزل ولك كال هسه .. هل اخلص الكصاص انه بركان واثور . انه يذب عليه عثك جاا اليوم موته ع ايدي .. خلص الكصاص مالته ونزل .. تلكيته عركان ريحته كلها تمر ونخل ريحه خاصه هالكد ماحاضن النخله ولك انت منو انت منو انه هاله بت الشيخ بندر ليش تذب العثك عليه انه فوك النخله وكصيت العثك وشمرته بالكاع جا وين اشمره بعد ماتشمره »عليه خيتي قابل انه متعمد ... ايي متعمد وانت شبيج تصيحين شنو الكدامج عيب عليج انه رجال ولاتصيحين عليه لا والله وانه مره ليش تعور جتفي ماحاجاني راح يفتر بالبستان ويكصص بالزرع قريب مني اجه بعد شويه انه مخوصرتله وواكفه واهز عود معصبه هو جثه ع ركبه ونص وجايبلي باقه بيها ياس وورد ورابطهم بخوصه رفيعه ومرتبهم كال هاج قبلي اعتذاري حسيت روحي بفلم عربي رومانسي قديم خذيتها منه كتله انه احب الياس والورد علمود هيج راح اخذه منك خذيته اشمشم بي ورحت .امشي . انداريت عليه شفت جاي يعدل بالفروند .. ويباوعلي ومبتسم اسمر والعرك ينضح منه عنده كفشه جسمه ضعيف شاب ببداية العشرينات من عمره وكفت وصحت گتله شسمك سجاد اسمي سجاد .. كتله ها ورفعت راسي بتكبر ودخلت للبيت شي وتغير بيه .. بداخلي .. دخلت للبيت وكل شويه اطلع واباوع السجاد من نخله النخله يكص بالتمر .. اجه الليل وفكري يمه .. واتمنى الصبح يجي حتى اروح اشوفه .. صار الصبح ع اعصابي .. بدلت لبست نفنوف برتقالي بي ورد ابيض ورفعت شعري .. وخليت فوكه الفوطه وطلعت بره ادور سجاد ماكو افتريت البستان كله هو ماكو رجعت للبيت اسأل روحي انه شسوي ادور عليه شعندي يمه خليووولي الصبح والظهر بقيت كله بالبيت .. احس روحي الوب اريد اطلع اشوفه للعصر احس اختنكت .. طلعت شفته بالبستان ويمه هاشميه بت الحارس .. لازمه دولكة ماي وكلاص وتدك فج ويا عصبت لا دخنت راح اثور .. اروح اتعارك وياهه تراجعت انه شعليه شبيج يهاله تخبلتي اجيس روحي صخنت ياا شسالفه اي يمته تنكشع من يمه هي الخبله. . ردت اروح اكفشها .. كل ضحكه اطكها ويا ولاالثانيه صوتهه يلعلع دخلت للبيت شفت فطم مرت اخويه فطم روحي صيحي الهاشميه ماتصيحيلهه انت فطم روحي صيحيلهه كتلج خوش خوش شبيج انت متغيره مو ع بعضج ماعليج يله كدامي يااا بعد انتظار دقايق .. طبت هاشميه بالمطبخ وانه واكفه هاشميه بعمري .. كتلها هاشميه ليش ماشايله الهدوم من الحبل الهسه لا والله عمه شلتهم هاا لعد واحد من نفانيفي وصخ غسلي مره ثانيه خوش عمه تدللين يلا روحي تلكين بالكنتور زين عمه ع امرج عفت فطوم تهز بيديها وطلعت الها ال**ني عيبتلها ورحت بره بالبستان .. ادور سجاد ماصار يوم من شفته بس خربط كل احوالي جان داير ظهره هو اندار عليه وابتسم اه يااضحكته صوبت گلبي بسهام احتاريت شسوي ومااعرفت الحاله الي انه بيها ليش هيج مهتمه زايد بي ... رحت تقربت منه .. هلا سجاد گلتها بتكبر هلا والله ببت الشيخ سجااد .. اريد ضبة ورد وياس مثل امس هههه بس بشرط انت ماتشرط عليه شدعوه مايصير نشاقه .. لا مايصير .. لو اكلك كمل شنو شرطك بطلت هسه اسويلج ضبه لزمته من ايده بعفويه .. جنت مستعده اسمع اي شي منه المهم اسمعه .. كتله احجي شون الشرط ظل يباوع لايدي .. وضحك كال اصعد النخله واشكر عليج عثك ثاني ويضحك ع ضحكته انه ضحكت .. ض*بته ع ايده بخفه كتله شكد مكروه هو ضاج وخنزر شوفي يابت الشيخ صح انه فقير حال .. واشتغل عند اهلج بس ماارضى تتجاوزين عليه يااعيني شدعواك جاي اشاقه بطلت ماريد ضبتك انه اروح اسويلي ضبه ويي عوووكه عفته ورحت سويت نفسي زعلانه .. واكطع بالياس والورد .. واريد اسويلي ضبة ورد وياس وهو هم بالمقابل يكصص ويسوي انه مادبرتها .. هو اجه يمي ويرتب بالضبه .. اخذ الورد الي بايدي وضافه علي عنده ونسقه بشكل كلش حلو وانطانيا ووياهه ضحكه ضحكته كلش حلوه احلى مابي ضحكته يضحك بملي گلبه اي فقير بطرك ضحكاتي التخبل والضمير .. طبيت للبيت وهي يمر عليه الليل وفكري يمه اريد يصير الصبح واشوفه يوم الثاني الصبح كعدت .. شفت هاشميه عدلت هدومها يم المرايه وخذت اكل وطلعت كلت اكيد هي راحت اله صخام صخمها لو انه لو هي... رحت ع السريع بدلت لبست نفنوف احمر ساده كصيف .. ونص ردن .. خليت فوطتي البريسم ع راسي وطلعت .. ادور وينهم بين الزرع .. سمعت صوتهم .. رحت اتبعت الصوت ..لكيتهم كاعدين ع الحشيش .. سجاد جاي ياكل .. وهي بصفه تباوعله وتضحك .. وهو هم يضحك .. ويسوي لگم وينطيها تاخذ منه وتتمضحك ساعتكم سوده يالفكور لو انه لو انت هاشميه .. اتسمعت الهم تكله سجاد تحبني سجاد اموت عليج شعندي غيرج هشومه لعد يمته تخطبني بس استلم فلوسي من الشيخ وضاملي جم فلس انه اجي اخطبج انه هنا صرت ارجف والعبره خنكتني .. متت قهر ياصخام هذا يحبها غمضت عيوني ونزلت دمعه مني انه متعوده من صغري الشي الي اريده يصير الي يعني يصير .. ظليت افكر وافكر لازم اتخلص منها بس هسه مو وكته خلي اروح ارزلها اريد افيك كدام سجاد واراوي انه منو وهي هاشميه منو اقتحمت خلوتهم .. وكتلها هاشميه صاحت هاعمه اي وعمه انت هنا وفطم تصيحلج تريدج تساعدينها عمه عمتي فطم نايمه دنجبييي لاتعاندين وروحي من كدامي يله صار عمه راحت وتتلفت السجاد ..باوعتله ضايج وياكل گتله اسفه يمكن ضوجتكم بجيتي هي ظل يباوعلي ويضحك .. ليش الضحك بالله ليش الضحك شنو ميصير واحد يضحك (بخزر) لا بس انت جاي تضحك عليه كام وكف .. واجه تقرب مني كال بهمس على كيفج يبت الشيوخ على كيفج تره كلنه بشر دفعته من جتفه لزم ايدي ولواها اذاني صار يباوعلي بعيوني .. باعي بت الشيخ تره انه مو لان فقير اقبل بتجاوزاتج هي عيب المره حلاتها بثگلها وهاشميه على كيفج وياهه وجهه قريب الوجهي ويحجي .. گتله ليش تهمك اي تهمني ياريت لو على كيفج وياهه اترك ايدي تدللين اسف عافني وراح .. سجاد جان جريئ لو واحد غيره ابد ميتجرأ هيج يسوي وياي .. وهذا العجبني بي بل كل شي عجبني بي جانت شخصيته قويه .. وعرفت بعدين جان رايدهه الهاشميه بس ابوها رافضه ليش ؟؟ مااعرفت كل يوميه ظليت اشوفه مرات مايقلدني اضوج كلش مره طلعت بالبستان ... شفته بس سويت نفسي ماشفته حليت شعري وكعدت بالحشيش وظليت اغني واخلي ع شعري ورد .. باوعتله شفته يشتغل ويباوعلي خليت الفوطه ع راسي ورحتله ليش تباوعلي مو عيب .. ضحك واستمر بشغله بدون مايحجي اريد اوصل الگلبه ماادري شلون ميته عليه واحبه .. شلون كدر يحب هاشميه جانت تدلل توديله ماي واكل انه متكبره وانتر بي .. ماراح يحبني هيج لازم اتغير واغير من نفسي غيرت طريقتي ويا صرت اضحكله وهو يضحكلي بس احس يضحك عليه رحتله كتله ليش احسك تضحك عليه له له له انه اضحك عليج عمي انتوا وين واحنه وين هيج احسك غلطانه .. عفته ومشيت اذا ابقى يمه كلبي يرجف وخاف اضعف واكله احبك ,... حبيته اي حبيته من كل قلبي .. وكلما افتش عليه بروحي الگاه فارس احلامي عدت تسع ايام ع شوفتي اله .. كعدت الصبح لكيته اباب بيتنه كاعد على الدرجات الي يم الباب رحت اله .. صباح الخير وكف ع رجلي وحك براسه صباح النور .. عمي الشيخ وين ليش شتريد منه رايده بشغله كول وانه بمكانه انتييي ااااا اييي ليش مو بعينك ؟! لا بعيني وع راسي هم بسسس ؟! شنووو .. غلس المهم احجي وانه اكول لابوي انه باجر لازم اروح وااا اريد حقي مال النخل يمكن الشيخ ناسي مرت 9ايام بالعاشر لازم اروح وين تروح اروح غير ديره انه هنا توترت لا شنو يروح انه مااخلي يروح وغير ديره بعد وين اشوفه كتله ابقى هنا انه اكول لابوي يشغلك هنا وماتروح لامايصير ليش مايصير ابوي مايرفضلي طلب انه وكلشي ييجرالي هو هيج يكول دائما يابت الشيوخ انت ع راسي وادري بابوج شكد يحبج بس مو بكيف ابوج احنه بقانون العشاير ورحمتهم مايصير نبقى باي ديره اكثر من عشرة ايام ليييش الله يخليج من يجي ابوج خلي ينطيني اتعابي انه رايح ولازم باجر الصبح احنه طالعيين منا يريد ينزل من الدرجات لزمته من ايده ظل يباوعلي كتله سجاد اكدر اعرف ليش وشنو هالقانون مره عينه تصد لايدي الازمه ايده ومره يباوع لعيوني كال والخاطر م**ور يمكن الوالد يكدر يفهمج انه اروح ديري بالج ع نفسج مودعه بالله يعني بعد مااشوفك سجاد باوعلي بعين حزينه هو هيج .. الله وياج راح وانه كعدت على الدرجات انهاريت ابجي لاصدك راح يروح غير ديره وبعد مااشوفه كبل لااكله احبك اخخ ياحبه صوب گلبي بسهام ملصوب جتفي بعثك صار الليل اجه ابوي .. وكتله ع اتعابه كال اوو نسسيته هذا طلع بره دز واحد يوديله اتعابه .. كعدت يم ابوي .. كتله يابه اريد احجي وياك .. احجي ياشيخة المزايين احجي يابه هذا سجاد يكول باليوم العاشر لازم يروح وهذا قانون من العشاير ليش ايي هذا ابو سجاد مسويله م**وره والعشاير طردته وحتمت عليه مايبقى بديره اكثر من عشرة ايام لازم يبقى متنقل من ديره الديره هذا عقابه اهها خطيه سجاد هو استحى يگلي .. يوم الثاني صبحت ورحت للبستان وسجاد ماكو .. رحت يم النخله اللي التقينا بيها شفت ضبة ياس وورد خذيتها عرفت هو مبقيهه الي مرت الايام كل يوميه اجي الهاي النخله سميتهه عشگ ايلول .. لان هنا عشگته من اول ماشفته مرت الايام عليه سم اتمرضت كلش ومالي خلك عمري كطعت الاكل والحجي والضحكه اختفت وصرت طريحة فرلش المرض والهم والكل متعجب على حالتي فكري بسجاد معقوله انه هيج حبيته بسرعه انه الگويه اطيح هيج ماتوقعت .. ابوي ظل يعالج بيه ويجيب الي اطباء وماخله للداي دوه بس محد طاح على علتي .. انه دواي الغريب الي كل عشر ايام بديره وين صار هسه اكيد ابتعد عن ديرتنا بليله حلمت بي جاي .. كمت من فرلشي بالليل .. ابوي يخلي فطم لو بيبيتي ينامون يمي يخاف عليه بليلتها جانت فطم .. نايمه يمي طلعت من البيت .. رحت لعشگ ايلول النخله شفت»عليها ضبة ورد وياس .. صحت سجاد بهمس وصوتي من المرض گوه يطلع .. يتبع ..

editor-pick
Dreame-Editor's pick

bc

معشوقتي

read
1K
bc

فتاة انحنت من اجل........الحب

read
1K
bc

رواية " معذبتي “ لنوران الدهشان

read
1K
bc

جحيم الإنتقام

read
1.7K
bc

أنين الغرام

read
1K
bc

بنت الشيطان

read
1.7K
bc

عشق آسر. (الجزء الثاني من سلسلة علاقات متغيرة ).

read
2.5K

Scan code to download app

download_iosApp Store
google icon
Google Play
Facebook