------
***Athena’s POV***
-
Kinakabahan ako ngayon dahil ang araw na ito ay ang araw ng aming pagpunta sa mansion ng pamilya Montreal. Inimbitahan kami ni Simon at Shannon Montreal, ang mga magulang ni Kiero, para sa isang family dinner. Matagal na nilang gustong makilala sina Abby at Liam, ang mga apo nila, pero hindi nila magawa ito noon dahil hindi pa alam ng mga bata ang tungkol sa tunay na pamilya nila. Ngayon, medyo maayos na ang relasyon ni Kiero sa mga bata, kaya nakikiusap ang mag-asawa na makita man lang ang mga apo nila.
Walang masama sa pagpapakilala ng mga bata sa kanilang lolo at lola. Mabuti naman ang mga magulang ni Kiero sa akin kaya wala akong dahilan para ipagkait sa kanila ang pagkakataong makilala ang mga apo nila. Naka-ayos na ang mga anak ko, naka-bihis na sila,
