Tiningnan ko si Mayor, dahil nagtataka ako sa mga narinig kong sinabi niya sa kausap niya sa cellphone. Nasa boses rin niya ang pag-aalala sa kung ano o sino ang itinawag sa kanya ng kausap niya sa kabilang linya. Nabanggit rin niya ang hospital, kaya naisip kong baka may emergency sa bahay nila.
"Okay, I'm on my way!" aniya sa kausap, saka pinatay ang tawag. Muli siyang umupo at mabilis na niligpit ang mga kinainan namin.
"Babe, aalis muna ako, pupuntahan ko lang sa hospital si Mommy. Inataki daw siya ng sakit niya sa puso. Under observation siya ngayon sa ICU." paalam sa akin ni Mayor. Malungkot din ang mukha niya. Pero hindi ko alam kung kanino siya nalulungkot. Sa Mommy niya siguro, dahil nasa critical na kondisyon. "Sorry, Babe, promise, babawi ako sa 'yo masiguro ko lang na ligta
