Palipat-lipat ang kanyang tingin sa dalawang lalaki at pilit na nagpupumiglas. "T—teka. Sandali! Kakausapin ko lang ang asawa ko," umiiyak niyang pagsusumamo sa dalawang guard na siyang kumaladkad sa kanya palayo ng reception desk.
"Bawal po kayong manggulo dito Ma'am. Huwag na po kayong magmatigas pa para hindi kayo masaktan," ani ng isa habang walang tigil sa paghila sa kanya.
"Pero Kuya hindi po ako nanggugulo. Kakausapin ko lang si Ryder. May importante akong sasabihin sa kanya," giit niya at hindi na alintana kahit na pinagtitinginan na siya ng mga empleyado at ibang mga guest na naroon.
Ang importante sa kanya ay makausap niya si Ryder at masabi sa lalaki ang totoo. Hindi siya pwedeng umalis doon hangga't hindi niya nakikita ang asawa niya.
"Hindi nga po pwede. Kami ang mapapaga
