***Third POV***
"AY kabayo!" Tili ni Carmela nang padaskol na binato ni Bethany ang kanyang designer bag sa couch. Tumili pa ito at nagpapadyak saka parang batang sumalampak ng upo sa couch. Halos hindi rin maipinta ang mukha nito. Kung hindi nga lang kausap ni Carmela ang isa sa mga kaibigan nya sa kabilang linya ay namura na nya ang kanyang anak.
"I'm sorry about that, Josephine. Uhm, I'll talk to you later, 'miga. Nandito na kasi ang anak ko at mukhang may sumpong na naman. Bye." Paalam ni Carmela sa amiga at binaba na ang cellphone sabay patay.
Malalim na napabuntong hininga ang ginang at tinapunan ng matalim na tingin ang spoiled na anak. Nasa hustong gulang na ito pero kung umakto minsan ay parang bata.
"Ano naman ba ang problema mo at naghuhuramentado ka na naman, Bethany. Kan
