"It's okay, sanay na ako kay boss. Hindi na big deal sa akin kung magalit siya," naka-ngising sagot ni Theresa.
"Hintayin na lang natin na makalaya siya. Siguradong maghahasik si boss ng lagim kapag lumabas siya bilangguan, kaya dapat na maghanda tayong dalawa," pabirong sabi ng katabi ko na tinanguan ko lang.
Alam kong gusto lang niyang pagaanin ang loob ko. Hindi naman ako manhid at nakikita ko ang effort ni Theresa na tulungan ako.
"Nalilito ako Theresa, pakiramdam ko, wala akong kontrol sa buhay ko. May mga tao sa paligid ko ang nagpapaikot sa akin at ginagawa nila akong tanga," malungkot na sabi ko.
Tuluyan ko nang hindi napigilan ang sarili ko at sinabi ko kay Theresa ang tungkol sa mga natuklasan ko. Masakit na ako ang naging dahilan ng pagkamatay ng mga taong nagpalaki sa akin
