Habang nakatingin ako sa pamilya naming dalawa ni Aya ay lalo akong nagkakaroon ng lakas at determinasiyon na lumaban sa bawat hamon ng buhay. Gusto kong maging katulad sa kanila ni mama at papa na matatag. Dinaanan ng ilang unos ang kanilang pagsasama pero matatag pa rin. Ganoon din sila Mommy at Daddy.
Birthday ngayon ni Lilac kaya nag-beach kami ulit. Mas gusto ko rin ito dahil nare-relax ako. Lumalaki na rin kasi ang tiyan ko at bawal ako ma-stress. So far ay masaya naman ang buhay namin ngayon. Wala na akong ibang mahihiling pa.
“Girl, may sasabihin ako sa ‘yo.”
Natigilan ako sa pagsubo ng watermelon at tiningnan si Beth.
“Ano?”
“Kasi nga ‘di ba? Nu’ng nakaraang buwan kasi nag-clubbing ako kasama iyong mga kaedad ko sa trabaho. Well, nakipag-hook up ako sa isang lalaking hind
