يتفاجأ كلاً من عمر وأسيل بكلام آدم لتتدارك أسيل الوضع سريعاً وتردف
أسيل بلوم مصطنع : ايه اللي بتقوله ده يا آدم ؟ ده عمر جاى النهاردة عشان ياخد اقوالك .... ثم وجهت حديثها لعمر ......... نبقى نكمل كلامنا بعدين ... ماشي يا عمر ؟؟؟؟؟
لينظر لها عمر فى دهشة ثم يوجه حديثه لآدم
آدم : آدم انت مش فاكرنى ؟ انا عمر ال.........
فتقاطعه أسيل بسرعة قبل ان يكمل حديثه وهى تنظر له نظرة ان يتوقف عن الحديث ويجاريها فيما تقوله
أسيل : ده يبقى عمر المسئول عن اعادة التحقيق فى قضية بابا .... بجد يا آدم مثال للنزاهة و بيعمل كل اللى بيقدر عليه عشان يوصل للحقيقة
يتبادل كلاً من عمر وأسيل النظارت فى حين يشتعل آدم بينهم غيظاً و غيرة ليقطع نظراتهم تلك موجها حديثه لأسيل بشبه صراخ
آدم : طب حيث كده بقى لازم نكرم الاستاذ عمر و نجيب له حاجة سخنة يشربها .... اسيل حبيبتي معلش روحى جيبلنا كوبيتين قهوة من الكافتيريا تحت
