Thankful Part One
Malungkot akong napangiti habang pinagmamasdan si Vina na nakatulog na sa kandungan ko. Pagbaling ko kay Gio ay nakatulog na din ito sa pagkakasandal.
He hates me…
Wala namang bago doon,Alana…they always hate you.
I understand, Gio. Growing up I was always the reason why his parents kept on fighting.
Napatingin ako sa orasan at pasado alas dos na pala nang madaling araw pero hanggang ngayon ay hindi pa rin tapos ang operasyon ng ama ko.
Suminghot ako at pinunasan ang mga mata hindi na hinayaang tumulo ang mga ‘yon. Pero tila may sariling buhay ang mga ‘yon, hindi nauubos at madalas na hindi ko mapigilan.
“Ate?”
Kinagat ko ang labi ko at iniwas ang tingin kay Vina. “M-matulog ka pa…”
Umiling siya at umalis sa pagkakahiga sa kandungan ko. “Anong sinabi sa ‘yo n
