Chapter 19
Ariana Xiamara
NANG tuluyan siyang mawala sa paningin ko pero ang bigat ng presensya niya ay tila naiwan pa rin sa paligid. Makalipas ang ilang sandali tumayo ako at niligpit ang pinagkainan niya. Parang nakakabingi ang katahimikan sa paligid, pero hindi ko iyon alintana sa akin. Pinilit kong magpaka–mahinahon, kahit pa nararamdaman kong parang unti–unti akong nilalamon ng kalungkutan.
Bitbit ang tray ng mga plato at baso, naglakad ako pabalik sa kusina. Nang makarating ako, naabutan ko si Aling Helen at tatlo pang katulong na abala sa kani–kanilang ginagawa. Agad na lumingon si Aling Helen sa akin.
"Oh, nandito ka na pala. Kumain ka na," sabi niya, ang boses niya ay may halong pag–aalala. "Para maaga kang makapagpahinga, maraming trabaho bukas."
Tumango lang ako, mas pinil
