KAHIT isang linggo na ang lumipas mula nang nanganak si Ashley, parang ayaw pa rin bumalik sa trabaho si Atlas Froi. Sabik na sabik siyang alagaan ang anak nila. Si Donya Esmeralda, sa tuwina laging nakangiti masasalamin sa mukha nito ang labis na kasiyahan. Lagi din dinadala ni Ashley, si Baby Froilan, sa kwarto ni Mommy Florence. At marami ang nakakapansin malaki ang pinagbago nito. Paminsan minsan nagsasalita na rin at ngumingiti lalo na kapag umiiyak si Baby Froi.
Ang kabuuan ng mukha ni Baby Froilan ay minana kay Atlas Froi. Pero ang mga mata ay kay Ashley, naiiba talaga ang kulay nito sa lahat.
“Kahit pala wala na si Papa, namana pa rin ng anak natin ang kulay niya.”
“Mula sa genes ng iyong ama at hindi ako naniniwala na sa paglilihi namamana ang itsura o kulay ng anak. Tinangnan
