--------
***Arabella's POV***
-
"Ilang beses ko bang kailangang sabihin sa inyo na wala kaming ginagawang masama ni Jodi? Inihatid ko lang siya sa kwarto niya dahil nahihilo siya. Nang dumating ako kanina, wala man lang sumalubong sa kanya, kaya minabuti ko na lang siyang ihatid. Nawalan siya ng malay, kaya inilapag ko siya sa kama niya at agad akong umalis."
Mahabang paliwanag ni Andrew sa amin, halata sa kanyang tinig ang desperasyon. Kitang-kita sa kanya ang pagnanais na paniwalaan namin ang kanyang mga salita. Kasalukuyan akong kasama nina Eryiel, Tita Andrea, at Tito Salve. Naabutan kasi ni Tito Salve ang kaguluhan sa bahay matapos naming mahuli si Andrew na lumabas mula sa kwarto ni Jodi. Ngayon ay nasa sala kami, tahimik na naghihintay sa pagbaba ni Jodi upang kumpirmahin ang pa
