------
***Yashir’s POV***
-
Alam kong iniisip talaga ni Azalea na tuwing gabi—kapag umaalis ako, gaya ng napagkasunduan naming set-up—ay dumidiretso ako kay Denise. Pero nagkakamali siya.
Hindi ko na nga pinuntahan si Denise simula pa noong huling engkuwentro namin sa ospital. Baka mapatay ko pa ng tuluyan si Denise pag makita ko ito.
Sa totoo lang, gabi-gabi akong pumupunta sa headquarters ng Saavedra Empire, sa kanilang laboratory para na rin sa booster ko.
At sa bawat turok ng booster na ‘yon, halos dalawang oras akong pinahihirapan ng matinding sakit, pabalik- balik na sakit na parang kinu-kuryente ang kalamnan ko. Pero wala akong magawa kundi ang tiisin ito.
“Alam ba ni Azalea ang tungkol dito? Tungkol sa kalagayan mo ngayon at kung bakit madalas kang wala sa gabi?” tanong sa
