-------
***Azalea’s POV***
-
“Mommy, bakit ang tagal ni Daddy? These past days, lagi na lang siyang busy,” tanong ni Yzari habang nakahiga na sa kama, ang boses niya’y mahina at puno ng lungkot. Nakaupo ako sa tabi niya, hawak-hawak ko pa ang isang children’s book—kakatapos ko lang siyang basahan ng paborito niyang kwento, isang bagay na naging parte na ng gabi-gabi naming routine bago siya matulog.
Napaurong ako nang bahagya sa tanong niyang ‘yon. Hindi ko agad nasagot. Parang may biglang humigpit sa dibdib ko.
Alam ko naman ang totoo—hindi trabaho ang dahilan kung bakit hindi pa rin umuuwi si Yashir sa ganitong oras. Hindi ang kumpanya ang inuuna niya ngayon, kundi si Denise. Ayon mismo sa sekretarya niya, karga pa raw ni Yashir si Denise nang lumabas sila ng opisina. Walang pakunda
