------
***Azalea’s POV***
-
Hindi ko alam kung ano-ano ang ginawa nina Daddy Savino at Mommy Saskia para ayusin ang lahat. Sa totoo lang, halos wala na talaga akong pakialam sa mga ginawa nila—kung paanong sinigurado nilang hindi kakalat sa publiko ang eksenang nangyari sa birthday ni Yzari, o kung paanong pinatahimik nila ang mga media personnel at maiingay na bisita. Ang alam ko lang, sa kabila ng lahat ng gulo, nagpatuloy ang party.
Nagpatuloy iyon para na rin sa mga bisitang dumalo, para hindi masayang ang pagpunta nila at ang pinaghandaan ng lahat—pero para sa akin? Walang kahit anong tugtugan, ilaw, o magarang dekorasyon ang makakatakip sa sakit at kahihiyang naramdaman ko kanina.
Halos dalawang oras na ang lumipas mula nang mangyari ang eskandalo, ngunit hanggang ngayon… hindi
