-------
***Azalea's POV***
-
Magkaharap kaming nakaupo ni Yashir habang nakalatag sa harapan namin ang annulment papers. Tahimik lang siya, nakayuko, habang ako naman ay pilit pinipigilan ang mga luhang gustong-gusto nang kumawala. Masakit. Masakit makita ang pirma niya sa papel—isang selyo ng katotohanang hindi na talaga kami. Pinili niya si Denise. Pinili niya ito kaysa sa amin ng anak namin.
Ramdam ko ang pag-init ng bawat sulok ng aking mga mata. Kaunting kibot pa ng damdamin at bibigay na ako. Pero hanggang kaya ko, pinipigilan ko ang pag-agos ng luha. Kahit na parang hinati ang puso ko sa gitna, pilit kong pinapanatili ang sarili kong buo sa harap niya.
Isang mabigat na buntong-hininga ang pinakawalan niya bago siya nagsalita.
“Anim na taon na ang nakalipas, Azalea…” Mahina ngu
