-----
***Azalea's POV***
-
"Ano? Hindi ka na tutuloy sa ibang bansa? Akala ko ba ito talaga ang gusto mo?”
Gulat na gulat si Inay matapos kong sabihin sa kanya ang naging desisyon ko—na hindi ko na ipagpapatuloy ang pag-alis papuntang ibang bansa. Halos hindi siya makapaniwala, bakas sa kanyang tinig ang pagkalito, at nanlalaki ang kanyang mga mata habang tinititigan ako na para bang hindi niya ako kilala.
Alam kong hindi niya inaasahan ang maririnig niya mula sa akin. Alam kong kabaligtaran ito ng lahat ng inaasahan nilang mangyari para sa akin. Hindi ko magawang salubungin ang tingin niya. Tahimik lang ako. Parang natameme. Parang may bumara sa lalamunan ko. Unti-unting nag-init ang sulok ng aking mga mata.
Sa isang sulok, nandoon lang si Itay—nakaupo, tahimik, walang sinasabi. Pe
