-----
***Azalea's POV***
-
Isang buwan na ang lumipas mula nang sinimulan ko ang buhay bilang asawa ni Yashir—isang buhay na kailanma’y hindi ko inakala na magiging ganito kahirap. Ngunit pinili ko ito. Ako mismo ang nagdesisyong sumama sa kanya. Hindi dahil wala na akong ibang mapupuntahan, kundi dahil siya ang asawa ko. At napagpasyahan kong ibigay sa magiging anak namin ang isang kompletong pamilya.
Umasa ako na kapag dumating na ang anak namin, baka sakaling magbago siya. Baka sakaling matutunan din niya akong pahalagahan.
Tahimik akong pumasok sa kwarto niya, dala ang tray ng pagkain. Kanina pa siya hindi lumalabas, at wala ring nakakapasok sa loob—kahit ang nurse. Nagsisimula na akong mag-alala.
“Yashir…” mahina kong tawag. Tahimik pa rin siya. Nakaupo siya sa gilid ng kama, na
