-----
***Azalea's POV***
-
"Nandiyan ba si Yashir?”
Taas-kilay ang tanong ni Katrina sa aming dalawa ni Aling Nora, na para bang wala siyang pakialam kung sino ang kaharap niya—na para bang hindi asawa ng hinahanap niya ang isa sa mga nasa harapan niya ngayon. Walang bakas ng paggalang o pag-aatubili sa kanyang tono, at lalo na sa mga mata niyang diretsong tumitig sa akin.
Alam kong hindi niya ako gusto. Mula pa noong una, hindi niya kailanman itinuring na asawa ako ni Yashir. At kahit hindi niya ito sabihin nang diretso, ramdam kong para sa kanya, wala akong karapatan na tawagin asawa ni Yashir. Pero kahit pa ganoon ang tingin niya, dapat ay marunong pa rin siyang rumespeto. Dahil sa huli, ako pa rin ang asawa ng kaibigan niya—at siya, isa lang namang kaibigan.
“Natutulog siya,” sag
