--------
***Yashir’s POV***
-
Nasa loob ako ng kotse.
Mabigat. Sobrang bigat ng dibdib ko, parang hindi ako makahinga. Paulit-ulit kong sinuntok ang manibela ng kotse. Pakiramdam ko, sasabog ang utak ko sa dami ng sunod-sunod na impormasyon. Napapikit ako. Pilit kong inaayos ang paghinga ko, pero kahit ang hangin, tila ayaw na ring dumaan sa dibdib ko.
Isa-isa kong inalala ang lahat ng nangyari sa akin, ang impormasyon na mga nalaman ko mula nang magising ako sa apat na araw na pagkakatulog.
Nasa loob ako ng interrogation room kasama si Tito Alfred at ang lalaking nahuli—isang tauhan ng Black Rose Gang. Tahimik ako pero nagngangalit sa loob. Hinayaan ko si Tito Alfred na siyang humarap sa lalaki.
“Oo. Sinubaybayan ko ang babaeng sinasabi niyong Azalea ang pangalan,” ani ng lalaki. “
