--------
***Elara’s POV***
-
Habang patuloy na tumatakbo ang kabayo sa daang hindi ko gaanong pamilyar, unti-unti kong napansin na nagiging mas maaliwalas ang paligid. Sa una ay inakala kong lalo akong kabahan at matakot, ngunit kabaligtaran ang nangyari—isang kakaibang ginhawa ang bumalot sa akin. Para bang bawat pag-ihip ng hangin at bawat yabag ng kabayo ay dahan-dahang nag-aalis ng bigat na kanina’y nasa dibdib ko.
Mahigpit pa rin ang pagkakayakap ko sa baywang ni Senyorito Hayden, ngunit ngayon ay hindi na ito dahil sa takot, kundi dahil sa pakiramdam na ligtas ako sa kanya. May tiwala akong hindi niya ako pababayaan o ilalaglag mula sa kabayo. Dagdag pa, ang mga tanawin na nadaanan namin ay nakakaakit ng mata—mga punong nakahanay sa gilid ng daan, damuhang sumasayaw sa ihip ng ha
