Nakarating kami sa Villa ni Bogart ng hindi ko sya matingnan ng diretso, sa buong buhay ko ngayon lang ako nahiya ng ganito. Papalapit na sana ako sa lalaki ng may dalawang lalaki na humawak sa kanyang magkabilang braso at balikat habang ang isa naman ay sinikmuraan siya. Hahakbang pa sana ako ng tingnan ako ni Bogart at umiling sa akin.
“H'wag kang bantay salakay kung ayaw mong samain. Alam mo na siguro ang nais naming ipahatid sa'yo.”
Sabi ng isang lalaki sabay tulak pa kay Bogart. Napaupo sa buhanginan ang aking kaibigan at sapo ang kanyang tiyan. Nang makalayo na ang tatlong lalaki ay mabilis akong lumapit sa lalaki.
“Tauhan ba sila ni daddy?.”
Tanong ko na tinanguan naman kaagad ni Bogart. Kuyom ang aking kamao na pumasok sa aking silid. Balik-balik ako ng lakad dahil sa galit
