Wala na si Axel paglabas ni Camilla sa silid ni Nick. Wala rin doon si Fiona. Papunta siya sa komedor nang makarinig siya ng mga pag-uusap mula sa library. Tiyak na alam ni Charles kung ano ang nangyaring kaguluhan kanina.
"So... Girlfriend ka pala ni Axel at sinundan mo siya dito kaya ka nakilala ni Papa?" mataray na wika sa kanya ni Fiona nang biglang sumulpot sa likod niya. Inaasahan niya nang kokomprontahin siya nito anumang oras.
"Hindi ko alam na may asawa siya, Fiona. Dahil kung alam ko, hindi ako pupunta dito kahit pa sa pinakadesperadong araw ko pa."
"At sa tingin mo maniniwala ako? Talagang gusto mo lang manggulo kaya ka nandito! Gusto mong guluhin ang buhay naming lahat dahil alam mong mayaman si Axel at patatahimikin ka niya ng pera niya!"
"Hindi totoo 'yan!"
"Kun
