------
***Lhea's POV***
-
Suot ko ang isang simpleng bestida—isang kulay ivory na pormal dress na hanggang tuhod, may bahagyang slit sa gilid at fit na fit sa baywang. Sapat na ito para sa isang business dinner meeting: disente, elegante pero hindi sobrang ma-forma. Hindi rin ako nag-ayos nang todo. Pulidong tali lang sa buhok at kaunting lipstick ang suot ko.
Pagpasok ko sa loob ng 5-star restaurant, agad akong sinalubong ng maaliwalas at elegante nitong atmosphere. Malambot ang ilaw, hindi nakakasilaw. Tahimik ang paligid, maliban sa marahang pagtugtog ng jazz music sa background. Malamig ang aircon pero hindi nakakakilabot. Amoy mamahaling wine at bagong lutong steak.
Isang babae ang sumalubong sa akin, nakasuot ng itim na uniporme, siguro isa siya sa mga taga-serve. Agad kong ipi
