KINABUKASAN, maagang nagising si Radson na kumakalam ang sikmura at hindi na siya nakapag hapunan kagabi. Dahil sa sama ng loob, tumuloy siya sa bar at nagpakalasing. Sinadya rin niyang magdala ng babae sa kanilang bahay para maipamukha sa asawa niya, na hindi siya apektado na hindi pa rin hinihiwalayan ni Thalia ang nobyo niya.
Pasado alaskwatro pa lang ng madaling araw. Sobrang inaantok pa siya pero nagrereklamo na ang sikmura niya na panay ang kalam. Bumaba ito ng kusina para kumain. Hindi rin naman siya komportableng matulog na kumakalam ang sikmura niya.
Pagbukas ng ilaw, napangiti ito na makitang may nakahain na pagkain sa mesa. Na-guilty ito na mapatitig sa mga pagkain na nakahain sa mesa lalo na't nagdala na naman siya ng babae sa bahay nila, dahil sa inis at selos niya kahapon
