MATAPOS mag-agahan, bumalik na si Radson sa silid nito. Nadaanan nito si Thalia na tapos na ring kumain at nandito sa sala, napayuko pa ito nang dumaan si Radson.
Naiiling na napakamot sa ulo si Radson na tumuloy sa silid niya. Naabutan nga niya si Thalia sa kusina at nagkataon na kumakain ito, pero umiwas din ito at mas piniling kumain sa sala mag-isa, kaysa ang magsabay silang mag-asawa.
“Ilang buwan na ba kaming mag-asawa? Hindi niya pa rin ba masikmurang. . . ako ang napangasawa niya at hindi ang boyfriend niya?” usal nito sa isipan na naghubad at tumuloy sa shower room.
Mabilis namang nilinisan ni Thalia ang kusina at sumunod kay Radson. Hindi niya pa kasi naihahanda ang isusuot nito. Mabuti na lang, matagal maligo si Radson kapag papasok sa trabaho. Inaabot ito ng thirty minute
