فرح : نععععم؟ انتى بتهزري؟
مريم بلامبالاة : ليه يعنى ... ده اللى حصل فعلا
فرح بدهشة : لحظة لحظة .... يعنى انتى بتقولى دلوقتى ان دكتور محمد لما نداكى في مكتبه ساعتها كان عشان يعرض عليكي الجواز
اومأت مريم مؤكدة حديث صديقتها لتكمل الاخرى
فرح : بس انتى رفضتي عرضه ده عشان مشاعرك لآسر
اعادت مريم الايماء مرة اخرى لتسترسل فرح فى حديثها
فرح بضحك : بس الباشا معجبهوش و راح لحد بيتك و طلبك من آآسر ... و الباشا بتاعنا بقى قاله انك مرتبطة اصلا
اومأت مريم مرة اخرى لكن بغضب
مريم بغيظ : بس المرة دي بقى قولتله انى موافقة
فرح بصراخ : نعم يا اختى ؟
مريم بهدوء : متفاجأة كده ليه ... فكري معايا شوية ايه العيب فى دكتور محمد ... مهندس متفوق و ناجح فى حياته و اخلاقه محدش يقدر يعيب فيها ..... متدين الى حد ما ... يبقى ايه اللى يخليني ارفض الراجل بقى
طالعتها فرح بذهول لتجيب هى الاخرى
فرح : مريم فى ايه ...
