الفصل الأول

2427 Words

(الفصل الاول) استيقظت من غفوتها ع صوت عمتها وهي تقول : قومي يابنتي الله يرضيكي صوتي اتنبح فرح: فيه ايه ياعمتي بتصرخي عليا ليه من الصبح إكده عمتها امينه: صبح ايه عاااد ده احنا بعد العشاء قومي يلا ولد عمك تحت من الصبح وبيسأل عليكي عايز يتحدد وياكي فرح: هو مين ده اللي يتحدد ويااي وانا اتحدد وياه ليه عااد امينه: ده ولد عمك هو غريب مش كفايه اللي حوصل منك واللي عملتيه ف الواد من اول يوم ياجي فيه تمسحي بيه الاسطبل بقى آسر الجارحي ملك سوق المعمار يتهزق ع يد بت عمه إكده وتقوله دكتور البهايم عدل عنك كمان فرح: يووه يا عمتي قولتلك كنت زعلانه ع برق ومقصدش وبعدين ما هو بني ادم مستفز ولسانه طويل وهزقني امينه: هو بردو اللي مستفز ولسانه طويل فرح: خلاص يا عمتي انا اسفه متزعليش مني انا لما انزل هبقى اتأسفله حلوو إكده امينه ايوه مااشي حلوو نزلت امينه تشرف ع تحضيرات العشاا وتشوف وصل لفين والجد واسر قاعدين ف الصالون مستنين فرح لما تنزل عشان يصلحوا الموقف اللي حصل نزلت فرح وطلعت تشوف صاحبتها المفضله او الوحيده نادين وهي تبقى بنت عم فؤاد الجنايني اللي عندهم شافتها قاعده عند حوض الورد المفضل ليها وبتقرا روايه رومانسيه كالعاده فكرت تخضها زي ما بتعمل دايما مشيت لعندها وأول ما وصلت لعندها...... فرح بصراخ تمثيلي : عااااا ناااادين اوعي تتحركي من مكانك اثبتي يابت نادين بذعر: فرح فيه ايه حاجه واقفه ع ضهري فرح بخبث مازح راحت عندها شالت خيط عنكبوت ع بلوزتها وهي تقول بمرح: ابدا اصل ذكر العنكبوت ربطك بخيوطه هتبقى سبايدروومان وطلعت تجري منها نادين: يا فرح الكلب والله ما هسيبك ف حالك عاااد خدي تعالي هنااااا فرح: والله مقدرتش اشوفك قاعده مسهمه إكده غير لما افزعك نادين بلهاث من الركض: هو ده فزع الله يهدك شعري شاب اشوف فيكي يوم ياشيخه فرح : خلاص خلاص بس قوليلي بتذاكري ولا بتقري زي عوايدك تعالي وريني بتقري ايه النهارده نادين بهيااام : روايه رومانسيه البطل فيها مووز هييييح فرح: طيب ياااختي اسيبك مع بطلك الحليوه ده واروح اشوف جدي وولد عمي واطلع اذاكر كلمه تنفعني ف الامتحانات بلا كلام فاضي نادين: ايوه صووح نستيني اسألك هو انتي جد زعقتي لابن عمك وبهدلتيه بس بيقولوا الوااد ولا اجدعها ممثل وبيقولوا زي القمر وبناات المزرعه كلهم بيتكلموا ع جماله وعضلاته فرح بلا مبالاه : دي بنات فاضيه معندهاش حاجه يعملوها غير البصبصه نادين : لا طيب ما انا شوفته وانا بدخل العصير ده حكايه ولا شعره وهو راكب الفرس وبيطير ف الهوا كأنه طلع من روايه ده انا لما شوفته قولت اكيد انه هيعجبك وتغيري الفكره اللي ف راسك دي حتى لايقين ع بعض قووي فرح : لا يااختي انا مش فاضيه للكلام الماااسخ ده ورايا حاجات اهم ف حياتي احققها غير الحب والاعجاب وشغل العيال ده خليه ليكي يمكن لما تحبي تبطلي روايات وتذاكري نادين : لا ياحبيبتي انا مستنيه ظابط المخابرات اتجوزه زي الروايات واعيش معاه قصه حب ومغامرات ( قلبك حاسس يابنتي ده انتي هتعيشي احلى مغامره) ويكون حليوه وعضلات البنات كلها تحسدني عليه فرح : طيب يلا يا نودي بقى اتأخرت هروح اشوف جدي عشان اطلع اذاكر وقومي ذاكري لازم السنه دي كمان نطلع الاوائل زي كل سنه نادين : عندك حق كفايه قرايه هقوم اذاكر بقى بس متنسيش الصبح اننا هنطلع بدري عشان نحلق الملازم قبل الزحمه فرح : حاضر سلامووز ياندوش نادين : سلامانجوو يا توولي (دلع لاسم تولين ) دخلت فرح الصالون عند جدها شافت آسر نايم ع رجل جده وبيضحك ويهزر معاه ابتسمت لا اراديا منها ع منظره كان وسيم وكان لابس بنطلون اسود بشريط رمادي فاتح من الجوانب وتيشريت رمادي نص كم بارز عضلاته آسر لمح فرح عند الباب فضل يبصلها لقاها سرحانه مبتسمه بصلها كتيرر كانت تشبه الملائكه ف ابتسامتها وفستانها الفيروزي وحجابها الابيض اللي زادها جمال مع بشرتها ناصحه البياض وخدودها وشفايفها الورديه الجميله عيونها حسها زي الليل الصافي من سوادها الفحمي ورموشها الطويله (ملحوظه فرح لابسه عدسات طبيه سوده بتقول انها حفظ نظر عشان المذاكره بس السبب الحقيقي انه لون عيونها بيفكرها بوالدها لانه تشبهه واخدت لون عيونه) فاق ع صوت جده بيقوله : مالك يا واد مبلم ليه إكده آسر : ابدا يا جدي مفيش حاجه انا هقوم اشرب وجاي الجد : طيب روح واستعجل عمتك ف الوكل انا خلاص هموت من الجوع هما اتأخروا قووي إكده ليه آسر : ههههههههه حاضر يا جدي هروح اشوف راح آسر عند فرح ونزل ع وادنها وهمسلها : تعرفي ان ابتسامتك جميله اوووي احسن من البووز اللي مص*راه زي مدفع الحرب فرح اتخضت لما حست بهمس ف ودنها وانفاس حد بتلفح وشها لفت وشها بسرعه لقت آسر ف وشها فرح : ايه ياعم انت فزعتني كح ولا اتنحنح ولا اعمل اي حاجه وانت واقف بدل الفزعه دي كنت بتقول ايه انت انا مسمعتش اللي قولتله معلش عيد كلامك تاني آسر : كنت بقولك ابتسامتك حلوه يعني فكيها بلاش البووز ده انتي بنوته لازم تكوني رقيقه فرح : لا ياشيخ تصدق مكنتش اعرف اني بت غير منك دلوقتي انت عرفت ازاي آسر بمرح : شوفتي بقااا اني مش دكتور بهايم فرح ابتسمت شبه ابتسامه وقالت : انا اسفه يا ابيه بس انا كنت متنرفزه وزعلانه عشان فرسي تعبان ولما شوفتك ف الاسطبل فكرتك الدكتور وسايب الفرس وبتتكلم ف التليفون عشان كده زعقتلك بس انت كمان زعقت ومسكتش وانا عمري ما حد زعقلي ولا حد يقدر يعملها وده اللي عصبني اكتر آسر : خلاص مش زعلان منك بس بلاش ابيه دي انا مش كبير اووي كده كفايه آسر بس فرح : لا عيب لازم احترمك فرق السن بينا يجبرني اقولك إكده انت مش من دوري عشان انادي عليك بإسمك آسر : سبحان الله اللي يشوفك دلوقتي ميشوفكيش الصبح وانت عامله زي الاعصار المدمر فرح : ما خلاص عاااد ما انا اعتذرت عن اللي حوصل آسر : طيب خلاص انتي بتتحولي هترجعي للبووز ليه اسيبك انا اشوف الاكل اتأخر ليه عشان جدو جعان اووي فرح بغيظ : خد تعالى هنا اما اقولك اعتذر وبعدين روح شوف وراك ايه احنا هننصب آسر بدهشه : اع.. ايه اعتذر ليه وعلى ايه يعني فرح : زي ما انا اعتذرتلك ع اللي عمتله فيك الصبح مني انت كمان تعتذر ع انت قولته ليا وزعقتلي واسلوبك معايا آسر بنفاذ صبر : بس كده مش مشكله يا ستي انا متأسف ع اللي عملته معاكي ياريت بقاا ننسى ونبدأ من جديد كويس كده اي حاجه تانيه تأمر بيها تولين هانم الجارحي فرح : ايوه معلش يا ابيه انا اسمي فرح بلاش تقول تولين انا مبحبش الاسم ده آسر حس بيها انها زعلانه لانه والدها هو اللي اصر يسميها تولين اتن*د وقال بمرح : حاضر يا فرح هانم اي اوامر تانيه فرح بمكر : ايوه والنبي الهي يسترك هاتلي بق مايه اغسل ايده وانضف العفره اللي ف هدمي دي آسر استغرب هي بتقول كده ليه مع انه هدومها نضيفه مفيش فيها ولا تراب ولا حاجه عدى ثواني وافتكر انه الصبح طلب منها نفس الطلب لما فكرها الشغاله ابتسم لما شافها بتضحك قدامه وقرر انه يفرحها عشان يعرف يقدر يغير اسلوبها ف الفتر اللي هو قاعدها ف البلد _______________________________________ نروح لمكان اول مره نزوره ف احياء القاهره الراقيه تعيش فيها الطبقه المخمليه وصحاب المناصب المهمه ف مصر ف كومبوند يضم داخله بيوت وعماير وفيلات وقصور من احدث طراز نروح بقااا لقصر كبيرر مكون من ٣ طوابق يتميز بطراز عصري فاخر يدل ع ثراء صاحبه من اللون الابيض الجميل وليه جنينه تضم جميع انواع الزهور والنباتات والاشجار تشبه الجنه ع الارض وفي داخل القصر ع سفرة العشا يترأس سيلمان الجارحي الطاوله وع يمينه سليم الجارحي وشماله فريده مراته ليقطع الصمت ويقول سليمان : عملت ايه ف عمليه النهارده يا سليم طمني سليم بجديه : كله تمام يا بابا العمليه نجحت والولد الحمد لله يقدر يمارس حياته بشكل طبيعي وكل تكاليف العمليه زي ما حضرتك طلبت ع حساب المستشفى سيلمان : الحمد لله طمنتي يابني من يوم ما شوفت الولد ده وهو مرمي ف حضن امه وتعبان وانا قلبي بيتقطع عليه وملقتش غيرك انت اكلفه بعمليته لاني عارف انك من بعد ربنا هتقدر تعالجه بسم الله ما شاء الله عليك عمرك ما عملت عمليه وفشلت سليم : كتر خيرك متشكر يابابا بس عندي اقتراح ايه رأيك لو كل 3شهور نعمل 5 عمليات لغير القادرين ع حساب المستشفى وكله جزاءه عند الله سليمان بفخر : عين العقل ياحبيبي ربنا يباركلي فيك انت واخوك وافرح بيكم وبعيالكم (هنا اتكلمت فريده وسألت سليمان) فريده : الا قولي يا سليمان هو آسر راجع امته سليمان : لسه شويه يا فريده ده لسه رايح هيتابع لحد ما اساسيات المستشفى اللي بتتبني تخلص وهيرجع ع الاقل هياخد شهرين فريده بصدمه : شهرين!!! ابني هيقعد بعيد عني شهرين ولا كمان ده لو مكنش اكتر من كده وفين بقااا ف الصعيد هيتحمل يعقد هناك ازاي بس ليه كده سليمان بحده : هو هناك وسط اهله وف بيته مش عشان وافقتك وجيت وعشت هنا ابقى اقطع نفسي وعيالي من جذوري وناسي واهلي لا يا هانم فوقي انتي اتجوزتيني وانا صعيدي وعايش هناك ليه دلوقتي كل شويه تقولي الصعيد مالها الصعيد حتى ولادي عمرهم ما فكروا ينزلوا هناك غير بأمر مني عشان الشغل حتى جدهم لما بيشتاق يشوفهم بيجي هناااا فريده بإحراج من كلامها : انا مقولتش حاجه ياحبيبي متزعلش مني انا كل اللي اقصده انه هيوحشني وان هو مش متعود ع الجو هناك بس كده ياحبيبي بليزز متزعلش ده حتى هند هتموت عليه وكل شويه تسأل راجع امته (استووب عليا بقااا نيجي لتاني شخصيه ثئيله ف الروايه) هند العامري : بنت ملامحها مغريه عيونها خضرا وشفايف منفوخه وشعر اسود قصير وهدومها مغريه جداا وفاضحه من نوع البنات المدلع اووي ده بتحلم انها تتجوز آسر لانها بتحبه بس الاهم من كل ده عشان غني وهيقدر يخليها فوق ف القمه وده اللي هي بتسعى وراه وهي بتكون اخت جلال العامري والاتنين ولاد خالة آسر سليمان بغيظ مكتوم : اممم قولي انه فيها ست هند سليم : ماما ريحي دماغك بليزز اصلا آسر عمره ما هيتجوز هند ده بيقضي وقت معاها وبس لو بيفكر يرتبط بيها كان زمانه نفذلك رغبتك واتقدملها فريده : وهو هيلاقي احسن من بنت اختى فين وبعدين هو بيحبها وانا عارفه كده وكمان هيجي ويطلب يتجوزها وهتشوف انه مش مجرد تقضية وقت سليمان بحده وتأكيد : وانا لو اخر بنت ف العالم ابني مش هيتجوزها حتى لو هو اللي عاوزها فريده بنرفزه : ده اللي هو ازاي يعن........ قاطعها سليمان بصوت حازم : لما تتكلمي معايا تتكلمي بأسلوب كويس مش ع كبر هتعلي صوت وتتعصبي ف كلامك معايا بلاش تفهمي حبي ليكي غلط قام من ع السفره ومشي مسمحلهاش تلحق تتكلم سليم : متزعليش يا ماما اكيد بابا ميقصدش انتي عارفه بيحبك قد ايه بس هو مبيحبش معارضة لقراراته ولا حد يقول كلمه بعد كلمته ده انتي ست العارفين وكان بلاش سيرة هند قدامه انتي عارفه انه مبيحبش البت الملزقه دي فريده : ولد احترم نفسك ايه الملزقه دي كمان متنساش انها بنت خالتك سليم : هههههههههههه خلاص يا ماما انا اسف بعد اذنك بقى انا خارج شويه همر ع المستشفى واخلص كام حاجه كده وراجع مش هتأخر فريده : بالسلامه يا حبيبي خد بالك من نفسك سليم : حاضر ياست الكل مع السلامه خرج سليم واتن*دت فريده وقالت بصوت خافت : اقوم اصالح الراجل احسن ما هو زعلان مني بس بردو مبقاش فريده الجارحي لو ابني متجوزش هند _______________________________________________ ف مكان اخر في شقه راقيه تطل ع النيل تحديدا ف اوضة النور وعلى السرير نجده ينام بسلااام يظهر ع ملامحه التعب والارهاق تقلب ف نومه يفتح عيونه العشبيه بضيق ويزفر بقوه لما سمع صوت تليفونه بيرن بص ف التليفون ورد ع المكالمه وقال.. مراد : ايوه يا زفت عايز ايه الشخص : ........... مراد : بقولك ايه وحياة ابوك يا شيخ انا لسه راجع من مهمه وفاصل نووم سيبني انام ورخم عليا الصبح الشخص : ................ مراد : آسر لم الدور مش قادر افتح عيني يااالااا خلي عندك دم شويه ارحم اهلى كان يوم اسود يوم عرفتك آسر : تؤتؤتؤ كده يرضيك يابيبي اللي بتقوله ده .. ده انا حتى ازعل وانت عارف انا زعلي وحش مراد بجديه : راجع امته آسر بمرح : ليه وحشتك مراد : اووف انا عارف انك مش هتسيبني انا النهارده وهتفضل تزن ف نفوخي لما افوق والنوم يطير من عيني آسر : اخص عليك يا واد يا آسر اااه مني اناااااا والله مطير النوم من عيون العذارى ومدوب قلوب الحياره مراد : آسر سلام انا غلطان اني رديت عليك عايز انام شويه يا متخلف عندي شغل الصبح بدري آسر : خلاص متزوقش ياعم هقفل انا كنت بكلمك بس عشان اقولك اني قاعد هنا شويه يمكن شهرين او اكتر لو تعرف تاخد اجازه كام يوم وتجيب الواد سليم وتيجي مراد : مش عارف يا آسر مقدرش اوعدك عندي مهمه شغال عليها بس لو قدرت اخلصها قبل رجوعك هشوف سيلم ونجيلك آسر : تمام مستني خبر يلا روح نام عفونا عنك مراد : شخصيه مستفزه والله سلام يا اهبل ______________________________________ قفل آسر مع مراد وقعد يتمشى ف الجنينه لقى فرح قاعده ف ركن عند حوض الورد وبتتكلم فقال : ايه ده البنت اتجننت ولا ايه قاعده بتكلم نفسها دي ... اقترب منها بخطوات خافته لكنه وقف مكانه وكانت صدمته لما سمعها بتعيط وتقول فرح : عارفين انا بحب اجي اتكلم معاكو عشان بقول كل اللي جوايا عشان مفيش حد اتكلم معاه يقدر يفهم اللي بحس بيه محدش فاهم جوايا ايه انا جوايا طفله عندها 12 سنه م**وره حزينه اتحرمت من ابسط حقوقها انها تعيش مع ابوها تحس بحنيته لما حد يزعلها تجري ع حضنه تشتكيله ويجلبها حقها لما يعجبها فستان تشاورله عليه وتتنطط وهو يضحك ويشتريه ليها لما اتخانق مع ماما واعيط يمسح دموعي ويصالحني انا جوايا روح بتموت بالبطئ وانا محرومه من حنان امي اللي تقريبا ميته بالحياه نايمه ع السرير من غير حركه كأنها جماد وانا محرومه من حضنها ومن ايديها وهي بتسرح شعري وتعملي الضفاير واقولها لا مش مظبوطين وتفك شعري وتضفره تاني اتحرمت من اني لما اكون الاولى ع الجمهوريه واسمي يتقال ف كل مكان ع اني متفوقه ومسمعش منها كلمة مبروك مشوفش الفرحه ف عنيها ولا فخرها بيا وهي بتقول دي بنتي انا وبعد كل ده بيقولوا عليا قويه وعنيده بس انا مكنتش كده انا نفسي ارجع زي الاول عايزه ارجع تولين من تاني توولي فرحة ابوها بس قولوا لبابا يرجع وماما تخف وتقوم قولوا لبابا انه واحشني اووي واني بحبه اووي بس مقدرش اقولها لحد نفسي ياخدني ف حضنه ويطبطب عليا واقوله واحشتنى قووي يابابا نفسي اشتكيله واقوله ماما مش بتكلمني مش بتقوم تجري ورايا عشان اكل ولا بتزعلقي لما اعلي التليفزيون ولا بتتخانق معايا عشان اسيب التليفون واقوم اذاكر انا تعبانه قووووي حاسه بنار بتنهش جتتي وملقياش اللي يطفيها عايشه يتيمه ف وسط اهلي وليا اب وام والله خلاص عااد مقدراش اتحمل فاااض بيا ياااارب الصبر من عندك انت الصبور الرحيم اللهم عليك توكلت ووليت امري يارب آسر سمع كل كلمه قالتها فرح وكان حاسس زي ما يكون خنجر مغروز ف قلبه بيتحرك مع كل كلمه ليها عشان يحس بألمه يوازي آلمها كان عايز يروح ياخدها ف حضنه ويمسح دموعها ويقولها كلنا حواليكي وانك من يتيمه وانك مع اهلك بس قرر انه يسيبها لوحدها ويكلمها بعدين عشان متظهرش بضعفها قدامه وتحس انه كلامه معاها شفقه ع حالها .... ____________________________________________ وبكده البارت الاول انتي اشووفكم فبارت جديد بقلم : #رضوى_اشرف #أوجاع_فرح

Free reading for new users

Scan code to download app

App Store Google Play

Facebookexpand_more